Popular Bible Verses from Isaías 55

Share

Bab-Jehová soged: “An-binsaedi, bemar-binsaedyobsulid, an-daedi, bemar-daedyobsulid.

Igi mogir, napneggi dikasur nai, deyobi, an-daedi, bemar-daedba bur-dikasur-akalad. Deginbali, deyobi an-binsaedi, bemar-binsaedba bur-dikasur-akarbalid.

Bab-Jehová be amimar, ar emisgwa, Bab-Dummad amilegedgined, Bab-Dummadse be gormar, ar ade, be-walikaa gudiid.

Dule-ibmar-isgana-imaked, e-igar-isgana-imakedgi bangusun, dule-isgana, e-binsaed-isganagi bangusun. Bab-Jehová amisun, ar ade, Bab-Jehová dule-nuedid, isgued-eliedid. Ar anmar-Bab-Dummad wile be-dakoed.

Bab-Jehová sogbalid: “¡Dule-uku-uku-itodimaladi, dii gobdamar! Dule-mani-surmaladi, ibmar-sudamar, vino be sudamar, moli-nunis be sudamar. Gwen be bennukosulid, binsa bega uklegoed.

Ar dii-wiedi, degi, dambed-sibudikid-batedi, ibmar-imaksasuli geg gannar ainakwedaed. Bina we-ibmar imakgwelergebed: Napa-owardikuergebed, napagi-ibmar-oniergebed, ibmar-gwag-osanmakergebed, adi, dule-ibmar-digedga, ibmar-gwag-ukega, degine, dulega masgunned ukegarbar, deyobi, gayaburba an-gayagi nodele: Anse ollobi nonikosulid, an-ibmar-abegedba ibmar saoed, an-ibmar-sogedba ibmar imakoed.

Bemar weligwaledba ainidmaloed, bogidikidgi gannar be-yalase be momaloed. Be-nadapidbali yalamar, degi, yar-mullugan, binnasuli-weligwaledba namakdemaloed. Degi, bela sapimar-bukwadi, argan ogotemaloed.

Nue be bogi itomar, be anse dagmar. Be nue an-itomar, adi, be dula gudii gumaloed. An bemar-ebo degisadegu igar mesoed, adi, an-mai-David-sabedba an-ega-ibmar-sogsa-gusadba guegar.