Popular Bible Verses from Isaías 54

Share

Dule begi-nakwega, bila-onogedgi-ibmar-ebuleged-yeer-ganguedi, gwen begi obinosulid. Dulemar begi yogasaar-sunmakmaladi, boo-sigega be imakoed. We-ibmarmala anga-arbadimaladga an ukoed. Angine, igar-innikigwad danikid.” Deyobi, Bab-Jehová soged.

Bab-Jehová-wile-be-dakedi soged: “Amba yalamar-bukwad baidsik ainirye-sogele, degi, yar-mullugana giglimakdele, andi amba an be-sabedi gwen gwagosulid. Anbo be igar-bogidikid-omesisadi, andi obelogosulid.”

”Melle be dobe-itogo, ar be bingeguosulid. Melle be gwayo, ar be-nug mesagwar guosulid. Be yagwaunni bingegusadi be iegoed. Bei-machered-burgwisgu, bingedar be itosadgi bar be binsaosulid.”

Ar Bab-be-obinnisadi, be-suiga gued. A nugad: “Bab-Jehová-Bela-Gangued-Nikadye.” Be-bendakedi, Israel-dulamar-e-Bab-Dummad-Isligwaledid. A bilegoed: “Bela-napneg-naid-e-Bab-Dummadye.”

”Be-dordoneg-siidi, be odummo, be-dordoneg-siidgi atued-dummagan-nanaid be egae. ¡Melle dobe-dobe be imako! Dordoneg-e-dubamar be osugue, e-dordoneg-bargamalad be ogannoge.

Ani Bab-Jehová, bela be-mimmigan odurdakoed, be-mimmigan gwage-bogidikid nika gudii guoed.

Unnila sikwas-sae-itogedgine, an be-idu bangusad. Degi-inigwele, sabgued-degisadeguad-nikadgine, an wile be-dakoed.”

Bab-Jehová-be-ollor-imakedi soged: “Unnila sikwas an be-obachad. Degi-inigwele, na bela-belad ulubgi wile-be-dakedgi gannar an be-abingaoed.

Bab-Dummad sogdebalid: “Angardi Noé-ibaganyobi gued, igi an Noéʼga ise-sogar sogsa gusa, muu-dummad bar napneggi murosurye. Deyobi, an bega ise-sogar soged, bar an bebo urwosulid, bar an iisedi bega ibmar sogosulid.”

Be-galu-matusulid-birgine, an akwa-rubí-nuegan e-bargaedga mesoed. Be-yawagakmar akwa-gargemalad-gaemaladgi an soboed. Degi, bela be-galu-matusurmalad, akwa-gargemaladgi an soboed.