Popular Bible Verses from Isaías 40

Share

Bab-Jehová dule-yegusmaladga gangued uked, E na dule-nollo-itomaladga gandikidba gangued uked.

Sapingana dutusur-inigwele, geggusdamalad, budar-itogusdamalad. Masmala yoleddamalad, aimukuddamalad. Degi-inigwele, dule-Bab-Jehováʼgi-bensurmaladdi, gannarse gangued nikumaloed, sulubagi-gukueyobi gumaloed: Abarmakdii gumaloed, gwen gegguosurmalad, igala-suid-nanadii gumaloed, gwen gegguosurmalad.

¿Ar ade, be wissursi? ¿Be wisgussursi? Ar Bab-Jehová Bab-Dummad-degisadeguadid, napneg-bipirmaknaid bela obinnisadid, budar-itoged nikasulid, gege geggubalid, e-nue-ibmar-wisidi, gege balamileged.

Gayaburba binnasuli goled, weyob soged: “Bab-Jehováʼga nega-dulesulidganba igar mayemar, anmar-Bab-Dummadga nega-dinnaganba igar swilidik mesmar.

Gaganmala baisur-dinguddaed, dutumala, baisur-dinguddamogad. Ar anmar-Bab-Dummad-Gayaburbadi, degisadegu maiguad, berguosulid.’ ”

Agine geb Bab-Jehová-e-gandikid-yeerdakleged bela dulemarga oyolegoed.” Ar Bab-Jehová-sunnagwad deyob sogsad.

Bela nebagan swilidik imakmarsun, yalamar, degi, neg-mullugana omatolesun. Degine, napa-muru-muru-mamaid innikii imakmarsun, igar-bire-bire-mamaid innikii imakmarsun.

Bab-Jehová e-dulamar-bendakdanikid. Igi sibad-wawaad-edarbedi, e-sibad-wawaad-mimmi nakwaa imakdae, geb e-binasgargi semaidae, degi, sibad-wawaad-milesmalad nue nimaidae. Deyobi, Bab-Jehová e-dulamar bendakdanikid.”

Niba be nue atakmar, ¿doa bela we-ibmarmar obinnisa? Bab-Jehová e na niisgwamar-onied, sog-soggwen ilemaked, e-nugbali ese goled. Bab-Jehová-e-ganguedi, ibiyobi dummarba gue. E-garganguedi, ibiyobi gandiki negsemai.

Ar Bab-Jehováʼdi napneg-dirbir-naidbirgi negdaksiid, dulemar-bukwadi sesmaryobi ega gued, bai daksulid. Bab-Jehová mor-dummad-nallaa-imaklegedyobi mogir-imaked. Bab-Jehová mor-neg-egalegedyobi, mogir-billi egadaed, adi, egi megegar.

Jerusalén-dulemarga nue-sabedgi be sunmakmar, ega be sogmar: ‘Be maiga-arbadigusmalad-ibagan wese bergunoniye, be-isgusmalad bato bega bennuklesye. Bemar isgusad-nukad unniguar bato ilabo-wilub sabsur-odurdaklesye. Bab-Jehová bemarga isgued elisye.’ ”

Gayaburba weyob soged: “Binnasuli be soge.” An ega weyob soged: “¿Ibu an binnasuli sogosunna?” Geb anga soged: “Bela dulemarga be soge: ‘Dulemar gaganyobi gued. E-yeerdaklegedi, nainugi-dutu-achunneyobi gued. Bab-Jehová-e-buu-imaked egi nasale, gagan baisur-dinguddaed, dutumala, baisur-dinguddamogad. Ar dulemar gagan-ara-aramaladyobi gued.

”Bab-Jehová-gandikidba-danikid, be dakmar. Bab-Jehová e na negsemaid. E-dulamar-ollor-imaksadi, ebali nidanikid. Ibidar-nued-amisadi eba sedanikid.

Anmar-Bab-Dummad soged: “An-dulamar-e-gwage ogannomar, baisur-ito be imakmar.

¿Doa dii-naid e-argangi wilubsasa? ¿Doa mogir-naid e-goomargi wilub-imaksa? ¿Doa ibmar-wilubsaedgi ukub-naid urbisa? ¿Doa ibmar-wilubsaedgi yar-dummagan wilubsasa? ¿Doa ibmar-wilubsaedgi yar-mullugana wilub-imaksa? ¿Doa Bab-Jehová-E-Burba bela balamioe? ¿Doa ega binsaed-ukedga guoe? ¿Ar doase Bab-Jehová ibmar-magar-itogega binsaed-amissunna? ¿Ar doa igar-inniki-imaked-igarba Bab-Jehová-odurdaksasunna? ¿Doa ega ibmar-nue-wisigued uksasunna? ¿Doa binsaed-nikaa-daed-igarba Bab-Jehová-odurdaksasunna? Suli, dule bipisaale wegiid-igarba Bab-Jehová-odurdaksasulid.