Popular Bible Verses from IPISAMEI 5

Share

Gonyii ai Saraamah lungkasyii nahmei katu taiswisii, gonyiinii mpougo njoitang karam tei tiitang karamle. Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

Teipiinii gonyiinii lungkalei tiilung tei machyiigat wolo, kapang kamangmei takumpiinii lung sulo; nlenii kasakaimei takumpiinii lunglo. Gonyiinii kadou tinglang kabi hangtei kabi tha tiisii jum matou wolo. Kadapokii tinglang ai bimakle.

Gonyiinii tiimagasii kalei, jou tei sak panhii sulo, nlenii rangiipii tokryiilo, hangninanii hangniniigo tam kamatoi lhii hang teipii, lhii teipii, sateichii rangiimah lhii hang teipii kake kalatlo, sateichii gonyii lungto tam kamatoi teipii njasii Bangpii dakii lhii tei tiilo. Nyii Bangpii Jisu Krista zei kito Pfii Sa- raago mahlyii hang jangpii tinglang kaleita hakalang tei pyiilo.

Teijangpii gonyiinii kapangmei tiisulo, nlenii Bangpiimah kamaning kamarei tei kadapeipo katu tilo.

Kristanii Charshgo lungkasyii ninado mpoupei jangpii mpoumah karing tiilung kapyii takumpiinii, naamei, gonyii noumeigo gonyiinii lungsyiilo.

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

Kristago dzyii ka-nrou kito gonyii hangninanii hangninii kang nkanglo.

Noumei Bangpii kang ka-nkang takumpiinii, gonyiinii gonyii naamei kang nkanglo.

Nlenii samkang hang ai gonyii godo tam leile: Mpou roinapii mpougo lungkasyii takumpii naamei hangnii mpou mpou noumeigo lung- syii tang karamle; sateichii noumei hangnii mpou mpoupei mah naameigo sadzyii ngariit tiitang karamle.

“Kaang aijangpii sapfiimei hang- ninanii mpou pwi mpou pfiigo toi aisii mpou nougo kaswisii kang hangninii tiitangle, sateichii hangna tei pum hangninii mitangle.”

Sateichii riiti mati kasu kamyii- mah tha hang kiteito njai poihai sulo, nlenii teitungpii kama tei laat mpat matulo.