Popular Bible Verses from Matiu 21

Share

Lenali komopatini Hu'mamofitoga melelete ana'ina mone kumu'i nunumu hilana ana nunumutinilo nona'a lilana'mu yabe, luto Yesu lu epi'ehina yabe.

Ya lago Yesu ka'anilo nona'a ma luto lu epi'ehina: Lenali lenekesu meheno. Lenali komopatini nanitoga melelete lenali loe lae komopatini meminalina nani ma nemuya yafamofihi hu'ohuna suhi hilana'mu yabe. To lenali ya'ma sunogo mehilana'mu yabe. Ma kosamofihi ma lite lu emilana'mu yabe. Ma kosa ho tito hege nagamilugu limibo lilana lenabaga liyafa huto limilina'mu yabe.

To enali kohe toga bana bona'i hiti to alihi bana bona'i hiti ma lite kehe napa i'ahana: Tebitihi Pana'a yege filo. Sipi Bomofihi gi'alo ma noana bomofihi Hu'mau lusana emilibe. Hu'mamofihi lenegelo bi emilo. Ya lite babu boana'magi kehe napa ite li'ahana yabe.

To ai kaga ma luto lu epi'ehina: Mono bukugu Hu'mau ma luto kaga koyo'ehina: Nani noha'ni numuna noha'ni yabe lite gi'a nehabe. Ya hu'ehina lenali ana nohi guminalo bomagihi suguna hepa'ani li lolo nehabe.

Lenali Yelusale hepatoga neminana bona'i ma lite lu epilo: Bu galo, lenalitoga kibina botini noabe. Ai koyone bo, ai toki yaga gupisalo minoto noabe. Ai toki yaga ikele'amofihi gupisalo minoto noabe.

Ya lite lago Yesu ma luto lu epi'ehina: Mono bukugu kaga mone ma luto nina lenali mekeheli'ahafihe? Lili'nalo bomagi ya'ma efahi bati mehina efahi yabe lite li he'mi'ahana. Yatai ya'mana efahuba nohi nekisa'a li tokolo hu'ehibe. Sipi Bouba ai ya'mana suhi li huto higo lali bu gota laga gofa hibe.

Ya'mu luto nani lu nolepube. Hu'mau ai kapo'a lenalitogati lenebe silito fato boana'magi enali bati lili'na ma melugu lite nehilanamagihi epilina'mu yabe.