Popular Bible Verses from ROM 3

Share

Mi murdi’n thilsual an tho zita, Pathian roiinpuina kha an ichang thei ta loi a ni. Khannisianlân, Jisua Krista irtanna zâra Pathian chu a lungkhamna sika vai mi manboiin thiam an changtir ta.

Jisua Krista an iam sikin Pathianin mi thiam a inchangtir a ni, tukhom a iam murdihai chu, danglamna zel om mah.

Pathianin ama kha a thisen tûng sika sual thupha chôina ni hrangin an kunga, mi thiam a inchangtir lam inlangtir hranga tho a ni. Atûn laia a felzia entirna hrangin kêng, ama ngei kha mi fel a ni theina hrang le, Jisua iam murdi chu thiam inchangtirtu a ni theina hrangin.

Dan zôm insa sikin tûte Pathian makunga thiam changpui om mahai; Dân sikin mi’n thil sual an tho ti an inhriat fia ngai a ni.

“Tûte mi fel rêng om mahai; Inkhat lua om mahai; Tûte inhre thiam rêng om mahai, Tûte Pathian zong rêng om viat mahai. A ni loina tiang an pêt zoi zit tâka; Ite khom hmang inruk ta loiin an om zit tâka; Tukhom thil sa tho reng om mahai; Inkhatte lua om ta mahai.

Dân zôm sika ni loiin iamna sikin mi’n thiam an chang ei iti a ni.

Nâi sai mak e! mi murdi milak thei ni zit khomsian, Pathian chu a idik ngêt hrang a ni: “Nangin thu nin sîr zoro’n thiam ni changa, Roirêl pea ni om tika nin hnê theina hrangin,” tia irziak ang khan.