Popular Bible Verses from MATHAIA 24

Share

Khan, sual a la pung hrang sikin mi tamtak lungthungna la dâi a ti. Khannisianlân, tukhom a mong dêna tuang diar ka chu saninhringin om a ti.

Khan, hi Ram Thurchi Sa hi nam tin inhriatna hrangin rammual pumpuia ihrilin la om a ta, khanchu, a mongna hong tung a ti.

Nin kôla irdoina thuthang lan hriat nin ta, khannisianlân, nin milung inbuai no roi. Kha thilhai kha chu a hong itung ngêt hrang a ni, khannisianlân, a mongna chu la ni no ni.

Nam le nam irdoi an ta, ram le ram irdoi an ti. Hmun tina châm tâk a ta, hnîngnu inhnîng a ti. Khahai kha nâiha sê ar phut ta tihna a ni.

Irnêng le irvân boi a ta, ki thu chu boi no ni.

Mi tamtakin, ‘Mesia kha ki nih,’ tiin keima irhming songin hong an ta, mi tamtak huang an ti.

“Khanchu, deng nangni inthei hrang le nangni that hrangin nangni lan cheltir an ti. Keima sikin nam tinin nangni khôkmâk an ti. Kha tika chu mi tamtakin an iamna masan an ta, irchel irhlômtir an ta, irkhôkmâk irhlômtir an ti. Khanchu, deipu dol tamtak la hong suak an ta, mi tamtak la huang an ti.

Jisua’n an kuanga, “Tukhomin nangni an huang nona hrangin, irdîn roi.

Khasikin, nangni khom irtûng chianin om roi, nin sabei no lai takin Mihriam Nâipa a zuang hrang sikin.

“Khanchu, irtûng chianin om roi, itik nia mo nin Rengpa a izuang hrang inhre mak chêi.

“Khannisianlân, kha nikhua le a zoro kha chu Pa ti no chu tûte’n inhre mahai, irvâna vântîrtônhai khomin, Nâipa khomin inhre mahai.

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

Mihriam Nâipa zuang nôkna chu Nova dam laia ang khan ni a ti. Tuilian mân, Nova irkuanga a lût ni dênin an fâkin an nêka, dôngma pasal an irnei ngai, tui a hong liana, an rêngin an irhmang zit mâka chu imo a hong itung ite inhre mahai; Mihriam Nâipa zuang nôkna chu, khaang tak khan nih a ti