Popular Bible Verses from 1 Jon 5

Share

Ma dahat balaraan taar ra matmataan ta God kanong dahat nunure tar bia God i hadade dahat ing bia dahat sasaring haruat tano uno sinisip.

Ma ing bia dahat nunure huo bia i hadade ira udahat sinasaring bakut, io, dahat nunure mah bia dahat hatur kawase ira binabalu ta ira udahat sinasaring tupas ie.

Ma ing bia dahat taram ira uno harkurai i hamines bia dahat sip ie. Ma ira uno harkurai diet pai tirih kanong ira nati God diet haruat wara papaas hasur ira sakana magingin tano ula hanuo. Ma dahat paas hasur ira sakena tano ula hanuo hoken: dahat nurnur ta ira tutun God i te hapuasne.

Sige tikai i hatur kawase no Natine i hatur kawase mah no nilon. Ma sige tikai pai hatur kawase no Nati God pai hatur kawase no nilon.

Iau pakat kaiken ra linge ukaia ho muat ing muat nurnur tano hinsana no Nati God waing muat na nunure bia muat hatur kawase tar no nilon hathatika.

Dahat nunure tar bia sige a nati God ie, pai la gilgil ra magingin sakena. Iesen no Nati God i la balbalaure timaan tar ie ma no Ut na Sakena pai tale bia na hagahei.