Popular Bible Verses from 1 Dioni 4

Share

Yewa orofaro Dawa imukari ukaku ari enoe iyama yaure ibaada enaenari ukaisi ibake Danu kodo odo fafekuro Dawabake ia da sifeisi. Enoba iya ba imukari ukenewaa ukaisiie ia sine dakaisi. I ba imukari ukeka ima i ia sinekabai ma berekaku. Iyama ia sinaadae Godi imukenewaa uke dakaisi ibake ia sinaisi. Enoba Godima iya fanisi mamisiba me ari eno we imukada ibake ia sinaisi. Enoba ainama eno ukakuie dawa Godinu imukari ukeka imukenewaa dakaku.

Enoya nanu amara aruma, yae Godinu oroubake Godinu wake nauke me we irukeka wake meo weaisa orou ma berekaisa. Enoba i yabairo ibinu Imumu Dawa daiwerero nono emuabairo ibinu imumu dawa okoanaku ibake yama emua ma berekaisa.

Dawae iyabake Dawako imukari u’iba ibake iyae Dawabake imukari ukaisi. Ibai imukenewaa uawe.

Nanu orou, yaini naini iyanu iyanu imukari uke makafene ibake weakune. I ba imukari ukeka Godibairoma farinu ibake iyanu iyanu imukari uke makafeisi. Enoba ainama imukari ukakuie dawa Godinu amara ibake dawae Godi iwoka sinaku.

Enoba Godi Dawae imukari ukekanu ubiba ainama eme moibake imukari da ufiakuie dawa Godi iwoka meba ibake dawae Godinu amara me.

Enoba iyama Godibake imukari uke da uisiroma nono Godima iya imukada iyabake imukari ukenewaa ui. Ibake Dawae Danu Amara iyanu merama ukeka sineka yaisina mune medifine ibake Yesu Keriso we odairo yewa dooro isare aari. I dawa ba imukari ukekae idua.

Nanu orou, Godima iyabake eno imukari ukenewaa uiba ibake yaini naini iyanu iyanu enaenari imukari uke makafene ibake weakune.

Godima Danu Amara iyabake feafiro iya me ibene ibene ibifene ibake Dawa yewa orofaro we odairo isare aari. Godima eno uiie Danu ba imukari ukeka iyabairo idua ma boroo yaraadama ui.

Ainama na Godibake imukari ukakunea weadama nono danu naiyebake imuka ka ukakuie dawa meo bobo mi. Enoba aneaneme ainama nae Godi ere dakadama Godibake imukari ukakunea wefekukema nono danu naiye eraada imukari uke dafekuie dawa Godibake imukari uke me.

Enoba ainama Yesu Dawa Godinu Amaraya weakuie Godima i minu imuka ubarenaro ibinuro dawa Godibairo ibinu.

Enoba Yesuma eno bunawereroma weaku, ae Godibake imukari ukaku enaenari anu naiye imukari ua weaku.

Nanu orou, nanu imuka yaisina yabairo ibinu enoya yewa wake wemaro nauawe. Moi merama imumu bobo orounu wake da naufone weakune. I orouma eno weaisa, Godinu Imumu Irau iyabairo ibinua weaisaie emua meo weaisa. I wake imuke eawe! I emuabairo ibinu imumu yodia uke eawe. I imumu Godibairoma fariba me ariya i meomao weaisa orou i orofa akaka aboro aboro eno meo we eneibaisaya erenewaa uyakawe. Godinu Imumu Irau bobo orou emua aneaneme iwoka sinakuneki? Godinu Imumu Irau bobo orouma eno weaisa, Godinu Amara Yesu Keriso, Dawa ba eme sinia weaisa ibake emenu wakeye Godibairoma fari ibai ya yaisina iwoka sinaisa.

Enoba Godinu Irau Imumu ibe me orouma eno weaisa, Godinu Amara Yesu Keriso Dawa Ba Eme Sine meya weaisa ibake emenu wakeye Godibairoma fare daui. Enoroma nono i imukekae i wasai kerisonu imukeka. Enoba emema fafeisake wasai kerisonu imukeka wake wefeisaya wenero ya naukisa. I ari enoe i imukeka wake yewa orofaro adinaro weisaro ya nauisa.