Popular Bible Verses from NUJAOYABA 21

Share

Bonsi ni muthai ni phrang khrip mudi buthu khebo rusa ri nang, bonsi thih phin nang niya kha. Khah baima ja thing, grayaba ja thing ode gilim gasabo japhin nang niya kha. Jinis gajam buthu de jam lang la kha, thi hi bo sainthi phai ba.

Singhason ha khamyaba ning, Nai lah, khrip jinis khe ang gadain slam kha dou! bo odehe thi ba. Reb lah, ebo grao buthu de lonma ni grao gibiyaba se, bo odehe thiphin ba.

Singhason ni phrang khurang bol jang jirik khao hi edehe thiba khe ang khna ba: Khna lah, Madai ni noh de subung ni bising ha dong pha nang. Bonsi de jar ni subung buthu ja nang, odehe Madai bonsi jang dongpha nang, bonsi ni Madaibo bo ja ma se.

Odehe ani ha thi ba, Ebo grao buthu phura ja kha. Ang Alpha ar Omega, ang ning khitha jang buju se. Dih gang jaoyarao si dih ling mani hayu ni dikhor ni phrang ang magna dih ri ma se.

Bokhe deyaba si de ebo jinis buthu khe don phantha mai nang, boni Madai ang ja nang, bonsibo ani basa ja ma se.

Khinba raoyaba subung, rege regeyaba, sthaibaiyaba, montro ringyaba, saokhuli khe biyaba, khrip mosol jang thokhibaiyaba ni phantha de waithai ha khamyaba wai ni kharnai se.

Boha, nokhasao gadain ar phirthi gadain khe ang nu ba; odehe sagang ni nokhasao ar sagang ni phirthi jamlang la kha, ode sagor bo giri kha.

Odehe nogor gathar Jerusalem gadain, damanjik basai la mani majang sisi sal khlai blai hi dongba lai ning Madai niha sorgo ni phrang akhai phaiba khe ang nu ba.

Bo nogor khe jna ri mani khlai hi sain jang dainbo nangya, Gabra ni muima jang bokhe jnapha ri bani, Melmasa de boni thaophari se. Boni jnama jang khrip jadi daobai nang, ode phirthi ni rajarao bonsi ni muima jang bonsi labu ma se.