Popular Bible Verses from KOLOSSA 2

Share

Krista Jisu khe Gabra mani hi ajao kha bani, olei ning boni ha dong lah. Boni ha ning yader guthu suhi judao phalang lah, ode slingriyaba khe nisi maiba lai ning, gabang khajama ni grao thihi lonma ha ning nisi raohi dong lah.

Girik lah, ode niyakha de, sereba Krista ni grao lai niya hi, subung ni grao gda ha dengyaba, ode habsao gdani sikhaithai khitha bujuh giriyaba buthu lai se, bonsi ni gyan jang haglai thokhiyaba grao jang jbah yaodi ne bonsi nisi khe langla jao nang.

Nisi ni gajai ode saomang ha bujuh rasoyaba jabani nisi githi jahi dong ba, thikhabo Madai ning jar jang baosi nisi khe mathang phin kha. Lagai rebthaoyaba, dara ni grao ha jing khe badaiyaba khe bo sjam ri kha. Bokhe ning kross ha dikpha hi lang la kha.

Boni ha se Madai ni khrip jadi boni saomang ha ning dong. Boni ha ning nisi phura sosa kha, bo de Raja ode khrip hukhum ni bokhro se.

Odebani, jiba lingba ni grao ha ja thing, mel phaid bani basain ni grao ha ja thing, dain gadain ni grao ha ja thing, lenggo basain ni grao ha ja thing, saosi bo nisi khe da siji thing. Ebo buthu de jinis sophai ginyaba ni saokhuli se ning kho, thikhabo gibi gibiyaba de Krista ni se.