Popular Bible Verses from 1 PETER 2

Share

Thikhabo, nisi de boni jnama ha hap mani khlai hi andar ni phrang nisi khe long hi muima jang gmang thaosisi khusi dangyaba buthu khe bara riphu mani khlai hi nisi saikho jaoyaba jadi se, nisi de Jonthaima ni bongso, jadi gathar, Madai ni phantha ja kha.

Phap ha thih dada dormo gede jing thangphu mani khlai hi, jarni sao ha sugu hi kross ha ri la hi jini phap buthu khe bo horkhu kha, ode boni bumai jang nisi hamma mai kha. Sagang hade nisi melma lai lama gma ba, thikhabo duha de, melma bubra nisi ni bese raokhiyaba niha nisi phaiphin kha.

Sagang hade nisi Madai ni subung buthu jaya, thikhabo, duha de nisi ja kha; sagang hade nisi maya maiya, thikhabo duha de maya doya mai kha.

sogoma ha nisi dedao phalang phuma ni khlai hi, nana gili hajaiyarao lai, bese gede abudih musibo gibringyayaba khe libi lah. Ede khlai hi nisi bara hi sogo jao phu nang.

Hamjao daothaoyarao, ebo habsao hade nisi raji gibin ha naorai jahi se dong bani, bese jang nanglaiyaba saomang libima buthu ni phrang degao mani khlai hi ang nisi khe khainsu du. Odehe, Jentailrao ni bising ha nisi ni dongthai majang thing. Odehe, hamya khusi dangyaba ha bonsi nisi khe hamya thi la khabo, nisi hamba khusi dangyaba buthu khe bonsi jar ning nu la nang, ode Madai jini ha dongphai khali, bokhe bonsi bakhan khlai ma se.

Odebani, nisi bo longthai gathang buthu lai ja hi, bese ni gede noh ne khlai hi longthai riyenyaba ja lah. Oraha se Jisu ni khlai hi Madai khe mani mane gatha hi, bese gede ni bandai khe yaophuyaba, Jonthai gathar nisi ja ma.

Odebani, khrip jadi hamyayaba, thokhiyaba, giriklaiyaba, hingsa ode khrip sijiyaba khe dangkhlai hi

Boni gede thang lah, bode longthai gathang, subung buthu dangkhlaiyaba se. Thikhabo, Madai ni muthai hade muilo gnang ar saikho jaoyaba se.

Nisi sadhin ja kha, thikhabo nisi ni sadhin khe phap ha phung mani yaowaiya hi Madai ni leng jahi dang mani yaowai lah.

Musibo tharmaiyayaba gibir grao thiyaba khe niyathai mani khlai hi nisi khe Madai ning nangjaoba se.