Popular Bible Verses from 1 PETER 1

Share

Jini Gabra Jisu Krista ni Bupha ode Madai ni bakhan ja thing. Subung githi ni phrang Jisu Krista khe baijaphin ri ba, asa gathang khe mai mani khlai hi, boni maya gedeba jang, hayu gadain ha jing khe mathangphin ba. Ode don phantha hamya jathaoyayaba, gusu jayayaba, srup thaoyayaba khe nisi ne khlai hi sorgo ha hamsisi deng ri kha.

Gibin gibin naigrik goron hi gmang giji ja la khabo, nisi khaja hi dong lah. Olei nisi niha lonma gibi dongyaba khe nainai ma se. Gajao hamya japhuyaba khe ning wai ha malang hi nainai kha la, bo thanebo muilo jadaoyaba nisi ni hayu khede nainai ma ning thi hi nisi tharmai lah, Jisu Krista nujao phaiphin khali se, bakhan, muima, ode khasaoma maiphu mani khlai hi.

Nisi khe longyaba gathar dongba lai, nisibo khrip yaowaithai ha gathar ja lah; Nisi gathar jama nang du, bede thikhade ang gathar se, thi hi reb du.

Basa grao maniyarao lai dong hi, sagang ha jar ni phap libima ha dongba lai nisi da dong lah.

Odebani, dang mani khlai hi nisi baoyaba buthu khe salai lah. Jar khe sibring lah, Jisu Krista nujao phaiba ha khasaoma khe nisi nebo labu ri mani khlai hi asa khlai lah.

Sastro thiba lai, Khrip subungbo sam ba lai se, Bonsi ni khrip muimabo sam bubar lai se, Sam de rain hi, boni bubar bo grai re, Thikhabo, Gabra ni grao de dongsong ma se, Bo ning ja kha, hamba graojma nisi ne khna riyaba se.