Popular Bible Verses from Hipuru 4

Share

Godoni irijaho mai'o hiji'ini harurijara itu'o'una paranana. Huni enijaho so'wa ka'ene 'ena ronu ronujaho asitaha paranana. 'Ena'omo so'wa kajihuni enijara nuni ura 'ee vwihijaho 'uhua aruma va'e 'e'uhuna. 'Enareje núni oja ichá'inijaho najuha parahuna.

'Enakúne núni Godi mavwihanúa aremu jihuni toronu rori paju'ika'i Huni una'i va'ajiva. 'E'avajihuna'e Huni numisaraa 'ee mavwihanii'inijaho nú pivusa'avajaho Hu ni'ajúha vajúhuna.

Ike núni Ni'ajúhi'ina Ni'ima'urakara núni ajuasinijaho hena kamuna. Ijihuni maijaho venakúa ka'ene nú va'e aruvukaho Hu 'u'o ija'ina va'e arumana vo Hu sisea kwinu pavenana.

Uneunecha mapoka ka'ene venaji paki'eje nahuna pa'amaa. 'Ene uneunecha mapokakija Huni nia 'ahijaho samaumaa areri maisu namijuja'ina. Ike Godikara raka ka'ene nú vejujaho veje samaahiravakame nú ijihuni maijaho Hu 'warahuna.

Ijihuni hahi Jesu ka'ene Godoni Harihijaho núni Ni'ajúhi'ina Mavarasa'ina Ni'ima'urijara akúpi 'ahi va'ana. 'Ena'omo nú ijihuna'e Hu ija kisi 'uname nimaa roji'i hina apena vahuna.

Ijihuni hahi nú harura venareje ijí 'ojuta hwena hihuna kaji vahuna. 'Enavo ea irahipo panimaa ro'avajaho areri Isureri opo panimaa rojaja'ina'e ve'ava jihuna'e pu tinia kajaho pavahuna.