Popular Bible Verses from Mateo 21

Share

Ang bisan ano nga inyo pangayuon sa pangamuyo mabaton gid ninyo, kon nagatuo kamo.”

Nagsabat si Jesus sa ila, “Sa pagkamatuod, kon may pagtuo kamo kag wala nagaduhaduha, mahimo man ninyo ang ginhimo ko sa kahoy nga higera. Kag indi lang ina kundi makasiling kamo bisan pa sa sini nga bukid, ‘Maghalin ka kag magsaylo sa dagat,’ kag matabo ina.

Nagsinggit ang mga tawo nga nagauna kag ang nagasunod sa iya, “Dayawon ta ang kaliwat ni David!” “Ginapakamaayo sang Ginoo ang iya pinadala!” “Dayawon ta ang Dios!”

Nagsiling siya sa ila, “Nagasiling ang Dios sa Kasulatan, ‘Ang akon balay tawgon nga balay nga palangamuyuan.’ Pero ginhimo ninyo nga palanaguan sang mga tulisan!”

“Sugiri ang mga pumuluyo sang Zion nga ang ila hari nagaabot na. Mapainubuson siya, kag nagaabot nga nagasakay sa bataon nga donkey.”

Nagsiling pa si Jesus sa ila, “Wala bala ninyo ini mabasahi sa Kasulatan? “ ‘Ang bato nga ginsikway sang mga panday amo ang nangin pundasyon nga bato. Ang Ginoo ang naghimo sini kag makatilingala ini sa aton!’ ”

Dayon nagsiling si Jesus, “Amo ina nga indi na kamo ang pagaharian sang Dios kundi ang katawhan nga nagatuman sang iya mga ginapahimo.