ПошукіУзор

Задаючы першыя чатыры пытаньні, Бог нібыта трымае ліхтар, каб сьмяротны чалавек праверыў сам сябе ў сваіх адносінах з Богам: Дзе ты? Хто сказаў табе тое? Чаго ты шукаеш? Чаму ты спалохаўся? У супрацьлегласьці да гэтага, пытаньне “Куды болей?” заўсёды адвядзе позірк таго, хто знайшоў праўду, ад глыбокай цемры засяроджваньня ўвагі на сябе да гарызонту, дзе золак расфарбоўвае неба.

“Дык калі вы, будучы благімі, умееце даваць добрыя дарэньні дзецям вашым, куды болей Айцец ваш зь неба дасьць…?” Лукаша 11:13а

Хрыстос намякае на адказ праз рытарычнае пытаньне: Куды болей?

Нашмат болей.

Тое двуслоўнае пытаньне й адказ заўжды прыносіць з сабой паток надзеі.

Вельмі цікава параўнаць Лукашовы словы наконт гэтага вучэньня Хрыста з Мацьвеевымі. Прачытай Мацьвея 7:7-11. Што ты заўважыў?

Па завяршэньні кнігі Дзеяў, Лукаш згадаў Сьвятога Духа больш за пяцьдзесят пяць разоў. Ці мае нейкае значэньне Дзеі 10:45?

Пасьля ўсяго таго, што Лукаш убачыў, пачуў ды перажыў, ня дзіва, што пад Божым натхненьнем ягонае эвангельлье кажа: “куды болей Айцец ваш зь неба дасьць Духа Сьвятога тым, што просяць у яго!” (Лукаша 11:13). Ён выдатна ведаў, што не існуе дара, лепшага за Сьвятога Духа. Уяві сабе як доктар, што зрабіў сваю кар’еру праз сыстэматызаваныя веды навуковых мэтадаў, назірае, як Сьвяты Дух супрацівіцца тлумачэньням ды законам прыроды. Лукаш ня быў наіўным дурнем. Ён быў дасьведчаным у выпрабаваньні вынікаў дзеля вызначэньня прычынаў. Ён убачыў шматлікія праяўленьні Сьвятога Духа праз слова, аздараўленьне і ўчынкі, і быў выкарыстаны Богам дзеля таго, каб увекавечыць факты звышнатуральных здарэньняў, якім паспрыяў той самы Дух.

Памятай, Бог - гэта той, хто дае. У захапляльных словах Рымлянаў 8:32, “Той, Хто Сына Свайго не пашкадаваў, а аддаў Яго за ўсіх нас, як зь Ім не даруе нам і ўсяго?” Мы можам да хрыплых галасоў расказваць пра часовыя дары, якія Бог даў нам, але ўсе яны разам ня могуць параўнацца з найвышэйшым дарам Духа самога Мэсіі. З гэтага аднаго падарунку мы дастаём бясконца многа іншых: Ягонае суцяшэньне, Ягоную радасьць, Ягоныя спатканьні, Ягоную сілу, Ягоны накірунак, Ягоную любоў. Гэтым няма канца.