ПошукіУзор

Мы ўжо абмеркавалі два з нашых пяці пытаньняў, якія здолеюць зьмяніць нашыя адносіны з Богам: 1) Дзе ты? і 2) Хто сказаў табе тое? Нашае трэцяе пытаньне - гэта пытаньне, якое Ісус задаў у Яна 1:38: “Чаго шукаеце?” Ён ня будзе ўражаным, калі мы скажам Яму ў адказ тое, што мы думаем, што Ён хоча пачуць. Ісус цалкам здольны зьнесьці нашую шчырасьць. Ён ведае, калі сапраўдны адказ на пытаньне “Чаго шукаеш?” - гэта “пабаламуціць”. Або грошай. Або ўпэўненасьці. Або сэксу. Або існасьці. Часам, найцудоўнейшым сьведчаньнем можа быць “Я шукаў ___________________ , а знайшоў Ісуса.”

Самаранка зь Яна 4 не прыйшла да калодзежу па Ісуса. Яна прыйшла па ваду, і Ён распавёў ёй пра жывую ваду. Ён не адмовіўся прыняць яе за тое, што ёй хацелася ня тых рэчаў. Ён скарыстаў прадмет ейных пошукаў, каб прывесьці яе да таго, чаго Ён ведаў, што ейнае сэрца прагнула больш за ўсё: Збаўцы, здольнага спыніць гэтае вар’яцтва, дараваць ейныя грахі й даць ёй годнасьць. Мэсію, Які ведаў сапраўдную вэрсію ейнае гісторыі й не паверыў бы ў ейныя дасьціпныя дывэрсіі.

Гэтак сама Саўл зусім не шукаў Ісуса, калі ён спаткаўся зь Ім на дарозе да Дамаску. Ён не ганяўся за Ісусам. Ён ганяўся за Ісусавымі пасьлядоўнікамі. Бачыш, тыя, хто просяць, атрымліваюць - нават калі тое, што яны атрымліваюць адрозьніваецца ад таго, чаго яны прасілі. Тыя, хто шукаюць, знаходзяць - нават калі тое, што яны знаходзяць адрозьніваецца ад таго, чаго яны шукалі. Дзьверы адчыняюцца тым, хто стукае, - нават калі адмыкае неспадзяваны гаспадар. Ён здолее бачыць тое, што хаваецца пад нашымі часовымі жаданьнямі ды прадбачваць тое, чаго мы будзем прагнуць найбольш, калі мы дабяромся да фінішу. У Ісаі 46:10 занатавана паймо тытанічнага памеру ў нашых пошуках: Бог ведае, што будзе ў канцы, на пачатку. Гэтыя восем словаў мяняюць усё ў гэтым Алімпійскім бегу. Яны прыносяць упэўненасьць таму, хто шукае.

Чаго ты прагнеш больш за ўсё? Якія твае наймацнейшыя жаданьні? Якія зь іх трывала ня спраўджваюцца? Напішы Богу ды раскажы Яму пра ўсё тое, чаго прагнеш. Чаго табе моцна хочацца. Раскажы Яму, якія жаданьні заахвочваюць цябе. Магчыма, у хуткім часе ты зразумееш, што сам Бог даў табе некаторыя з гэных жаданьняў.

На заканчэньне, прачытай Псальму 37:10 уголас, зьвяртаючыся да Ісуса. Паразважай над гэтым вершам. Завучы яго на памяць. Хай гэтая праўда будзе табе намётам, дзе можаш адпачыць на тваім шляху.