Перапоўнена маімі дабраславеннямі (Частка 5)Узор

Падбадзёрванне мужа можа дапамагчы яму паверыць у сябе.

Магчыма, ты ўжо некаторы час займаешся гэтым у сваім сямейным жыцці. Як і з мацярынствам, усё можа быць не так, як уяўлялася ў тваіх казачных марах. А для некаторых, увогуле усё дрэнна. Сямейнае жыццё - складаная рэч і лепей за ўсё атрымліваецца, калі абодва бакі ўключаюцца на 100%.

Калі ты замужам і сустракаешся з цяжкасцямі ў пытанне падбадзёрвання, не адчайвайся. У цябе будзе атрымлівацца ўсё лепей і лепей, калі ты вырашыш падбадзёрваць свайго мужа. Для тых, у каго няма мужа, асабліва, калі твой муж пакінуў сваіх дзяцей, навучыцеся фармаваць тваіх маладых сыноў так, каб яны змянілі тое, што атрымалі ў спадчыну. Спусташэнне, якое засталося пасля сыходу мужа - гэта не тое, што б ты хацела, каб перажылі твае ўнукі. Напаўняй твайго мужа ці сына сваімі добрымі словамі, напоўненымі тваёй любоўю і павагай. Умацоўвай яго. Рабі яму ін'екцыі надзеі і мужнасці, напаўняючы ягоны розум і сэрца сваёй верай у яго.

"Дзякуй, што ты так цяжка працуеш для нашай сям'і. Гэта значыць для мяне больш, чым я магу выказаць словамі, але я хачу, каб ты ведаў, што я сапраўды гэта заўважаю."

"Твой спакойны і ураўнаважаны характар - гэта тое, што мне трэба. Бог ведаў, калі Ён прывёў мяне да цябе."

"Я рада, што ты такі моцны! Я ніколі б не перасунула гэтую канапу без цябе."

"Калі ты адчыняеш дзверы для мяне, я адчуваю сябе такой каханай і каштоўнай."

Добра, магчыма, гэта не твае сцвярджэнні. На самай справе, твой муж або сын, магчыма пацярпеў няўдачу ў многіх згаданых аспектах, ці нават больш. Хоць мы і ведаем, што нашыя словы не могуць змяніць сэрца, нашыя рэзкія словы часта могуць пакінуць у мужа адчуванне спустошанасці.

"Не, я раблю гэта не так."

"У тысячны раз прашу, калі ласка, апусці сядзенне унітаза!"

"Чаму ты заўсёды ___________?”

"Я хацела б, каб ты ___________.”

“Ты занадта грубы і рэзкі".

Гэтыя крытычныя заўвагі занадта часта злятаюць з нашых вуснаў, прыносячы прыгнечанасць, збянтэжанасць і расчараванне нашым мужчынам. І мы здзіўляемся, чаму нашыя мужы і сыны аддаляюцца і больш не хочуць размаўляць з намі!

Калі гэта закранула цябе за жывое, калі ласка, папрасі прабачэння ў мужа, сына або іншага мужчыны ў тваім жыцці. Будзь чулай і папрасі яго гаварыць табе, калі ягоныя словы або заўвагі прыносяць яму боль. Пачні штодня дадаваць словы падбадзёрвання ў сваю размову з ім. Падсоўвай запіскі ў ягоны партфель ці скрынку для абеду. На працягу дня пішы яму паведамленні з добрымі словамі і думкамі, а не пра тое, што зламалася, каго трэба пакараць або што ён забыў зрабіць. Памятай аб тым, каб сказаць яму, што ён для цябе значыць. Кожны раз, калі табе ў галаву прыйдуць станоўчыя думкі, выкажы іх!

Маміны дні рана ці позна скончацца, але спадзяюся, твае дні жонкі будуць працягвацца. А вас, мам-адзіночак, пачнецца новы сезон жыцця. Беражы свайго мужа зараз, каб будучыя дні разам былі захапляльнымі і напоўненымі любоўю і радасцю! Мамы-адзіночкі, рыхтуйце сваіх сыноў для доўгатэрміновых адносін!

Замужнія мамы: Ойча, я ведаю, у мяне не заўсёды добра атрымліваецца падбадзёрваць майго мужа і часам сапраўды складана знайсці нешта пазітыўнае, каб пахваліць. З усімі гэтымі хатнімі клопатамі і клопатамі аб дзецях я часта пакідаю яму рэшткі ўсяго, а затым патрабую і камандую, замест таго, каб умацоўваць яго. Я прызнаю гэта перад Табой і малюся, каб мне мець адкрытае сэрца і розум, перавучваючы сябе, каб падабдзёрваць яго. Дай мне смеласць і пакорлівасць, каб прызнацца яму ў маіх недахопах і мужнасць, каб усё выправіць. Я ведаю, што Ты пакажаш мне шлях.

Адзінокія мамы: Ойча, мы з Табой ведаем, што падбадзёрванне не было простым для мяне, бо вельмі цяжка было знайсці сказаць нешта добрае. Я малюся, каб разбураная спадчына майго мінулага не перадалася маім дзецям. Няхай мае словы будуць для іх узвышаючымі і падбадзёрваючымі, няхай яны нагадваюць ім, кім яны з'яўляюцца і Кім Ты з'яўляешся для іх. Будзь іх Бацькам і маім мужам. (Ісаія 54:5) Дзякуй за Тваю любоў, якая ніколі не спыняецца.

Калі вам спадабаўся гэты план Робін Медаўз, прачытайце 4-ую частку і знайдзіце 6-ую частку hereзнайдзіце друкаваны варыянтhere.

Звяжыцеся з Робін у Інстаграм @manymeadows