Перапоўнена маімі дабраславеннямі (Частка 5)Узор

Якія дабраславёныя жанчыны... пакуль вы не зазірнеце ў сацыяльныя сеткі. Вось там усё пекла вырываецца на волю!

Вакцыны або не? Натуральныя роды або эпідуральная анестэзія? Навучанне дома або дзяржаўная школа? Фізічныя пакаранні або не? Кармленне грудзьмі або з бутэлечкі? Адлучэнне ад грудзей пад кіраўніцтвам дзіцяці або кармленне з лыжачкі? А ежа? Можна назбіраць цэлую старонку меркаванняў і спрэчных пытанняў! Без цукру, без малочных прадуктаў, без глютэну, без пестыцыдаў, без арэхаў, карміць зелянінай, натуральнымі прадуктамі, з нізкім утрыманнем тлушчу, вугляводаў, без ГМА, без бісфенола, без глутамату. Ух! Гэта ўжо занадта. Мы ўсе маем уласныя меркаванні, але часам гэтыя меркаванні могуць адштурхнуць і разлучыць сяброў. Гэтым мы сумна вядомыя. Нашыя страсці бяруць верх над намі, і хутка мы пачынаем думаць, што іншыя павінны верыць так, як мы.

А што, калі б мы дазволілі б астатнім жанчынам быць тымі, кім яны з'яўляюцца? Што, калі б замест таго, каб зневажаць адзін аднаго, каб нам самім адчуць сябе лепей, мы пачнём падбадзёрваць і ўмацоўваць адзін аднаго? Што, калі мы перастанем дзяліцца сваім сама праведным меркаваннем с іншымі жанчынамі для таго, каб добра выглядаць, а проста пакінем свае думкі пры сабе?

Сацыяльныя сеткі ўскладняюць задачу. Мы хочам быць уключанымі ў размову. Мы хочам быць пачутымі. Але ці сапраўды яно таго варта? Нам патрэбна абадзёрваць адзін аднаго ў гэтай справе, якую называюць мацярынствам. Мы патрэбныя адно аднаму, каб выжыць!

Сёння я заклікаю цябе падняць настрой якой-небудзь сяброўцы. Няма лепшага спосабу падбазёрыць сябе, як падбадзёрыць іншага.

Адпраў па пошце сапраўдную ад рукі напісаную нататку замест таго, каб адправіць электроннае пісьмо або хуткае тэкставае паведамленне. Вазьмі яе любімы напой або латтэ і зазірні да яе, каб хутка абняць і сказаць ёй, якая яна выдатная мама. Прыгатуй ёй суп або запяканку, каб пакласці ў маразілку. Прапануй прыглядзець за яе дзецьмі, каб у яе была магчымасць правясці вечар з мужам. Праяві творчасць і знайдзі шляхі, каб праявіць пашану для іншых жанчын, іншых мам. Твае абадзёрваючыя словы маюць значэнне, і жанчыны у тваім жыцці павінны пачуць іх. Ты будзеш здзіўлена, колькі мужнасці гэта дадасць да твайго ўласнага дня.

Ойча, я ведаю, што прымала ўдзел у размовах, у якіх не павінна была удзельнічаць, марнуючы свой час на нязначныя рэчы. Я ведаю, што мае перакананні могуць быць крыўднымі для іншых. Няхай я больш ніколі не буду узвышацца за кошт іншых людзей. Я малюся, каб маё сэрца пашырылася ад усведамлення таго, што словы падбадзёрвання маюць большую каштоўнасць, чым маё меркаванне па любым пытанні. Пакажы мне патрэбнага чалавека, якога я магу падбадзёрыць сёння і падрыхтуй маё сэрца, каб ведаць, што менавіта трэба зрабіць і сказаць ёй. Я ў захапленні ад магчымасцяў!

Прачытайце першы ўрывак в Пісання ў гэтым плане