Шчаслівае жыццё: 7 дзён настаўлення для бацькоў пра тое, каб жыць на падставе прыняцця, а не дзеля таго, каб атрымаць прыняццеУзор

Дзень шосты: Адпачынак ад працы

Ёсць два спосабы, каб наблізіцца да Бога. Самы распаўсюджаны падыход - паспрабаваць зарабіць сабе права прыйсці да Яго, лічыць, што мы можам стаць дастаткова добрымі, каб быць вартымі ягонай увагі. Людзі, якія спрабуюць наблізіцца да Хрыста такім спосабам, імкнуцца рабіць у сваім жыцці больш добрых учынкаў, чым дрэнных і спадзяюцца, што Бог убачыць іхнія намаганні і прыме іх. Гэта найбольш распаўсюджаны спосаб, таму што так часта адбываецца ў гэтым свеце.Працуй старанна, каб атрымаць добрыя адзнакі. Працуй старанна, каб мець поспех у сваёй працы. Працуй старанна, каб быць добрым гульцом у любімым відзе спорту.

Але Біблія вучыць нас, што такі спосаб наблізіцца да Бога не з'яўляецца эфектыўным, таму што мы не можам наблізіцца да Бога пры дапамозе нашай уласнай праведнасці. Не мае значэння, наколькі мы добрыя, мы ніколі не будзем добрымі дастаткова, таму што Бог дасканалы, а мы не. Калі мы спрабуем зарабіць сваімі ўчынкамі шлях да Бога, мы атрымаем тое, што заслугоўваем за свае ўчынкі, а гэта не вельмі добрая навіна. З прычыны нашай недасканаласці мы заслугоўваем аддзяленне ад Таго Адзінага, Хто можа даць нам жыццё. Калі мы спрабуем наблізіцца да Бога праз свае учынкі, мы не здолеем атрымліваць асалоду ад Яго і будзем заўсёды аддзеленыя ад Яго.

Нераспаўсюджаны, але правільны спосаб наблізіцца да Бога - гэта супакоіцца!

Замест таго, каб спрабаваць зарабіць Божую любоў, знайдзіце супакой у тым, што Ён ужо любіць вас. Замест таго, каб спадзявацца на свае добрыя ўчынкі, ускладайце сваё спадзяванне на тую справу, што Ісус зрабіў на крыжы за вашы грахі. Замест таго, каб спрабаваць дасягнуць Бога, знайдзіце ў Ім супакой і прыміце Яго.

Вы можаце прыблізіцца да Бога толькі дзякуючы праведнасці і дасканаласці Ісуса. Калі вы супакоіцеся ад сваіх справаў і ускладзеце свае спадзяванні на Хрыста, вы атрымаеце ўсю ягоную праведнасць. Дасканаласць Ісуса будзе вашай, калі вы перастанеце спадзявацца на свае справы і знойдзеце спакой у тым, што Хрыстос зрабіў для вас. Калі вы знойдзеце спакой у Ісусе, вы не будзеце абвінавачаныя ў ніводным граху!