Шчаслівае жыццё: 7 дзён настаўлення для бацькоў пра тое, каб жыць на падставе прыняцця, а не дзеля таго, каб атрымаць прыняццеУзор

Дзень трэці: Няшчасны лад жыцця

Многія людзі атрымліваюць ад Хрыста дараванне грахоў і пазней думаюць, што яны могуць захаваць дараванне, калі будуць добрымі і будуць рабіць добрыя справы. Людзі прымаюць бясплатны дар вечнага жыцця і пазней думаюць, што ад іх залежыць, ці утрымаюць яны яго, даказваючы сваю вартасць. Пасланне да Галатаў - гэта пісьмо Апостала Паўла да людзей, якіх ён любіў. Ён пісаў ім, каб нагадаць, што Божая ласка - гэта тое, дзякуючы чаму яны сталі хрысціянамі, і ім усё роўна патрэбна Божая ласка. Для іх пачаць "збіраць усе духоўныя стыкеры" было б жудасным! Гэта было б пакутлівым і складаным заняткам, таму што б яны не атрымлівалі асалоду ад ласкі і свабоды, якую яны атрымалі.

Калі мы шукаем Божага адабрэння ў нашых справах, наша радасць не будзе поўнай. Мы будзем абцяжараныя, заўсёды пад цяжарам сваіх праблем.

Калі мы шукаем Божага адабрэння праз нашыя ўласныя справы, наша праца не будзе мець канца. Спробы заслужыць Божую любоў выматваюць, таму што нам заўсёды трэба нешта рабіць.

На шчасце, Божую ласку можна атрымаць, а не зарабіць. Праца завершана, таму што завершана праца Ісуса на крыжы. Паміраючы, Ісус усклікнуў: "Скончана". Не вяртайцеся ў рабства, спрабуючы зарабіць Божую любоў.