Шчаслівае жыццё: 7 дзён настаўлення для бацькоў пра тое, каб жыць на падставе прыняцця, а не дзеля таго, каб атрымаць прыняццеУзор

Дзень чацвёрты: Шчаслівы страх

З той прычыны, што людзі звыкла не лічаць, што страх і шчасце (або дабраславёнасць) не сумяшчальныя, Псалом 127:1 можа гучаць не вельмі зразумелым пры першым прачытанні: я буду шчаслівым, калі буду баяцца Бога?

Так! Ёсць страх, які прыводзіць да шчасця. Ёсць трапятанне, якое вядзе да радасці.

Калі страх робіць вас шчаслівым? Калі вы адчуваеце глыбокую павагу em>і ў той самы час вы адчуваеце сябе ў бяспецы. Людзі катаюцца на амерыканскіх горках, каб адчуць прыемнае хваляванне, і страх выклікае ўскрыкі і ўсмешкі, таму што яны надзейна замацаваныя на сваіх сядзеннях. Тое самае адносіцца да альпінізму і парашутнаму спорту, або, калі вы ў бяспецы стаіце на краі гары ў захапленні ад таго, што вы бачыце вакол вас. Калі адчуванне глыбокай павагі спалучаецца з адчуваннем бяспекі, такія моманты хвалюючыя і прыемныя.

Хоць гэта не зусім тое самае што пошук фізічных вострых адчуванняў, калі Біблія гаворыць аб страху Божым, гэта таксама мае дачыненне да адчування глыбокай пашаны. Мы павінны мець адчуванне глыбокай пашаны і трапятання перад гэтым вялікім Богам, які стварыў неба і зямлю, усемагутным Богам, які ведае ўсё і бачыць ўсё. Мы адчуваем глыбокую пашану і ў той жа час, дзякуючы Ісусу, мы адчуваем сябе ў бяспецы. Мы можам стаяць перад гэтым вялікім Богам дзякуючы Ісусу. Мы можам атрымліваць асалоду ад адносін з Ім дзякуючы Ісусу. Гэты цудоўны Бог надзейна трымае нас побач з Сабой.

калі Біблія гаворыць пра шчасце, яна не гаворыць пра часовае шчасце ці палёгку, але пра вечную радасць, якая прыходзіць ад пазнання Бога. Нават калі нашае штодзённае жыццё напоўнена цяжкасцямі - фінансавыя праблемы, інваліднасць, хваробы - мы можам мець вечную радасць - сапраўднае шчасце - не таму што мы маем дасканалае асяроддзе, але таму што мы маем дасканалага Збавіцеля.

Калі ўзрастае ваша глыбокая павага да Бога і ўдзячнасць Яму, тады павялічваецца ваша шчасце.