Шчаслівае жыццё: 7 дзён настаўлення для бацькоў пра тое, каб жыць на падставе прыняцця, а не дзеля таго, каб атрымаць прыняццеУзор

Дзень другі: Вялікі абмен

Калі мы думаем, што мы можам быць дастаткова добрымі, каб зарабіць Божую любоў, мы абражаем Бога. Таму што, калі мы можам быць дастаткова добрымі для таго, каб заслужыць Божую любоў, то Бог дарма паслаў Ісуса, Свайго Сына, каб Ён памёр за нас. Але Бог не дарма паслаў Свайго Сына паміраць на крыжы! Ісус памёр за нас, таму што мы ніколі не зможам зарабіць сабе шлях да Бога. Справа ў тым, што Бог - чысты і святы, больш чысты і святы, чым мы калі-небудзь маглі ўявіць сабе. Бог настолькі святы, што Ён не можа трываць ніякі грэх. Ён не можа суіснаваць з грахом, што сапраўды з'яўляецца дрэннай навіной для нас, таму што ўсе мы зграшылі. Усе мы далёка адпалі ад Бога.

І ўсё ж Бог моцна любіць нас.

Ён жадае дараваць нам і ачысціць нас ад усялякага граху. Па прычыне Сваёй вялікай любові да нас, у дакладна вызначаны час нашай гісторыі, Бог паслаў Свайго Сына памерці на крыжы за нашыя грахі. Біблія вучыць нас, што, калі Ісус паміраў за нас, з тымі, хто верыць у Ісуса, адбылося нешта вельмі дзіўнае і цудоўнае. Усе нашыя грахі былі ўскладзены на Ісуса, а мы сталі апранутымі ў бязгрэшнасць Ісуса. Доўгі час людзі, якія вывучалі Біблію, называлі момант смерці Ісуса "вялікім абменам".

Ісус здзяйсняе вялікі абмен з тымі, хто верыць у Яго. Ён бярэ нашыя грахі і ўскладае іх на сябе, а нам дае сваю дасканаласць. У нас, тых, хто верыць, не толькі ўсе грахі знішчаны, але мы таксама валодаем ўсей праведнасцю Ісуса. Бог глядзіць на нас, як быццам, мы дасканалыя, як быццам, мы жывём так, як жыў Ісус.

У гісторыі"Квокі, Слімакі і Шчаслівая Зямля"Квокі валодаюць поўным камплектам стыкераў. Кожны хрысціянін таксама валодае поўным камплектам "духоўных стыкераў" - не таму, што мы зарабілі іх (іх немагчыма зарабіць!), а таму, што Ісус даў нам гэтыя стыкеры. Дзякуючы Ісусу, мы валодаем поўным камплектам!