Навошта нам Вялікдзень?Узор

Што мы мусім зрабіць?

Новы Запавет ясна вучыць, што мы мусім нешта зрабіць, каб прыняць дар, які дае нам Бог. Гэта акт веры. Ян піша, што “Бог так палюбіў сьвет, што Сына Свайго Адзінароднага аддаў, каб кожны, хто верыць у Яго, не загінуў, але меў жыцьцё вечнае” (Яна 3:16).

Верыць улучае ў сабе акт веры, заснаваны на ўсім тым, што мы ведаем пра Ісуса. Гэта не сьляпая вера. Гэта значыць давяраць Асобе. У пэўным сэнсе, гэта накшталт кроку веры, які робіць маладая альбо малады, калі кажа “так” у дзень шлюбу.

Тое, як людзі робяць гэты крок веры розьніцца, але я хачу апісаць адзін спосаб, і ты можаш зрабіць гэты крок веры цяперака, калі хочаш. Яго можна падсумаваць трыма вельмі простымі словамі:

“Даруй”

Ты мусіш папрасіць Бога дараваць табе за ўсё тое, што ты зрабіў ня так і адвярнуцца ад усяго няправільнага ў тваім жыцьці. Біблія называе гэта “пакаяньнем”.

“Дзякую”

Мы верым, што Ісус памёр за нас на крыжы. Ты мусіш падзякаваць Яму за тое, што Ён памёр за цябе і даў табе бясплатны дар прабачэньня, свабоды й Сьвятога Духа.

“Калі ласка”

Бог ніколі не ўрываецца ў нашае жыцьцё гвалтам. Ты мусіш прыняць Ягоны дар і запрасіць Яго прыйсьці жыць у табе Ягоным Духам.

Калі ты хочаш наладзіць узаемаадносіны з Богам і гатоў сказаць гэтыя тры словы, то вось вельмі простая малітва, якой ты можаш памаліцца зараз і якая будзе пачаткам тых узаемаадносінаў:

Госпадзе Ісусе,

Мне шкада за ўсё тыя рэчы, што я зрабіў ня так у маім жыцьці (затрымайся на некалькі хвілінак, каб папрасіць прабачэньня за канкрэтныя рэчы ў тваёй сьвядомасьці). Калі ласка, даруй мне. Я хачу адмовіцца ад усяго няправільнага ў маім жыцьці.

Дзякую, што Ты памёр на крыжы за мяне дзеля таго, каб я мог знайсьці прабачэньне й волю.

Дзякую за прабачэньне й дар Сьвятога Духа. Я прымаю той дар.

Калі ласка, увайдзі ў маё жыцьцё Тваім Сьвятым Духам назаўжды.

Дзякую Табе, Госпадзе Ісусе. Амін.