Навошта нам Вялікдзень?Узор

Свабода чаго?

Ісус больш ня ходзіць па зямлі фізычна, але Ён не пакінуў нас аднымі. Ён паслаў Свайго Сьвятога Духа, каб Ён быў з намі. Калі Ягоны Дух прыходзіць “жыць у нас, то Ён дае нам новыя вольнасьці.

Свабода пазнаньня Бога

Няправільныя рэчы, якія мы робім, ствараюць бар’ер паміж намі і Богам: “беззаконьні вашыя зрабілі падзел паміж вамі і Богам вашым” (Ісаі 59:2). Калі Ісус памёр на крыжы, то Ён скасаваў падзел, які існаваў паміж намі й Богам. У выніку, мы можам наладжваць узаемаадносіны з нашым Творцам. Мы становімся Ягонымі сынамі й дочкамі. Сьвяты Дух гарантуе нам гэтыя адносіны й дапамагае нам знаёміцца з Богам бліжэй. Ён дапамагае нам маліцца й разумець Божае Слова (Біблію).

Свабода любіць

“Мы любім Яго, бо Ён першы палюбіў нас” (1 Яна 4:19). Гледзячы на крыж, мы разумеем любоў Бога да нас. Калі Сьвяты Дух прыходзіць, каб жыць у нас, то мы перажываем тую любоў. Робячы тое, мы атрымліваем новую любоў да Бога й да іншых людзей. Нас вызвалілі дзеля таго, каб мы жылі жыцьцё, поўнае любові - жыцьцё, засяроджанае на любові да Ісуса і служэньні Яму, а таксама на любові да іншых людзей і на служэньні ім, а не жыцьцё, засяроджанае на нас саміх.

Свабода зьмяняцца

Людзі часам кажуць: “Ты ёсьць тым, кім ты ёсьць. Ня можаш зьмяніцца.” Добрая навіна заключаецца ў тым, што з дапамогай Сьвятога Духа мы здолеем зьмяняцца. Сьвяты Дух дае нам свабоду жыць жыцьцё, якое глыбока ўнутры нам заўсёды карцела жыць. Апостал Павал кажа нам, што плады Духа - гэта “любоў, радасьць, згода, доўгая цярплівасьць, добрасьць, міласэрнасьць, вера, лагоднасьць, устрымлівасьць” (Галятаў 5:22-23). Калі мы запрашаем Божага Духа прыйсьці й пасяліцца ў нас, гэтыя цудоўныя якасьці пачынаюць расьці ў нашым жыцьці.