Навошта нам Вялікдзень?Узор

Свабода ад чаго?

Ісус заплаціў цану выкупу Сваёй кроўю на крыжы, каб вызваліць нас.

Свабода ад віны.

Незалежна ад таго, ці мы адчуваем сябе вінаватымі, ці не, усе мы зьяўляемся вінаватымі перад Богам, бо мы парушылі Ягоныя законы ў думках, словах і ўчынках. Гэтак жа як на таго, хто ўчыняе нейкае злачынства, накладаюць спагнаньне, існуе спагнаньне за парушэньне Божага закону. “Плата за грэх - сьмерць” (Рымлянаў 6:23).

Вынікам усіх тых няправільных рэчаў, якія мы робім, ёсьць духоўная сьмерць - вечнае аддзяленьне ад Бога. Кожны з нас заслугоўвае таго пакараньня. Ісус быў пакараны на крыжы замест нас, каб мы змаглі атрымаць поўнае прабачэньне й пазбавіцца віны.

Свабода ад залежнасьці.

Ісус сказаў, што “кожны, хто робіць грэх, ёсьць нявольнік грэху” (Яна 8:34). Ісус памёр, каб даць нам волю ад таго нявольніцтва. На крыжы моц тае залежнасьці была пераможаная. Хоць час-часом мы ўсё яшчэ падаем, моц гэтае залежнасьці слабее, калі Ісус вызваляе нас.

Свабода ад страху.

Ісус прыйшоў, каб “каб сьмерцю пазбавіць сілы таго, хто меў уладу сьмерці, гэта значыцца - д'ябла, і выратаваць тых, якія ад страху сьмерці праз усё жыцьцё былі ў няволі” (Габрэяў 2:14-15). Мы можам ужо больш не баяцца сьмерці.

Сьмерць - гэта не канец для тых, каго Ісус вызваліў. Наадварот, яна ёсьць уваходам на нябёсы, дзе мы будзем вольнымі нават ад самой прысутнасьці грэху. Ісус вызваліў нас ад страху сьмерці, а таксама ад усіх іншых страхаў.