БОГ + ПЛЯНЫ: Як плянаваць, калі ты хрысьціянінУзор

ДЗЕНЬ 5: Што рабіць, калі я не спраўлюся?

Ты маеш на ўвазе некалькі добрых мэтаў, і ты верыш, што Госпад павядзе цябе. Але што, калі ты правалішся? Ты баішся, што не выканаеш плян, сапсуеш усё і расчаруеш Бога.

Існуе папулярная прымаўка, якая абвяшчае: "Яна верыла, што зможа, і таму зрабіла". Божае Слова адкрывае нам больш глыбокую, вызваленчую праўду: яна верыла, што не можа , таму Бог і зрабіў. Табе не трэба ўсё рабіць самому, сябра. Бог не чакае, што ты будзеш ідэальным(ай). Вось чаму Ён паслаў Ісуса, каб выратаваць нас – Ён ведаў, што нам патрэбны Збаўца, які будзе нашай сілай, калі мы слабыя, будзе накіроўваць нас, паказваць нам шлях і прымаць пакараньне за нашы грахі. Эвангельле - гэта тое, што падсілкоўвае мэты, створаныя Богам, і дапамагае нам мець матывацыю, каб вярнуцца на правільны шлях, калі мы падаем. Дзе ў цябе не атрымліваецца, атрымаецца ў Яго. На самой справе, Ён ужо зрабіў усё на крыжы. Ня важна, што ты дасягнуў, а што не, Бог дасягнуў канчатковую перамогу пад сьмерцю для цябе і мяне! Няма такога бязладзьдзя ў тваім жыцьці, з якога Ён ня зможа стварыць нешта прыгожае.

Давайце падсумуем:

• Шукай Яго мудрасьці ў мэтах і плянаваньні. Ён дасьць яе табе!
• Рабі крокі веры, як у вялікіх мэтах, так і на першы погляд нязначных кроках да іх.
• І дазволь Яму праліць Сваю ласку  на цябе усе тыя разы, калі ты ўпадзеш – а так здарыцца! Але, калі твае мэты накіраваны на Яго, ты не кінеш справу. Зьвяртайся да Бога за сілай і мудрасьцю, ведаючы штояк ты дасягаеш мэт, мае ня столькі значэньне, як навошта.

Памаліся зараз:  Госпадзе, дзякуй за цудоўнае падарожжа па тваім жыватворным Слове! Дапамажы мне рэалізаваць нешта з таго, што я даведаўся, і больш за ўсё, дапамажы мне падзяліцца Добрай Навіной Ісуса. Няхай усе мае мэты, вялікія і малыя, прывядуць мяне да Тваіх ног. І ў тыя часы, калі я хістаюся, нагадай мне пра Тваю ласку, якая зьмяняе людзей. Няхай гэтая ласка дапаможа мне рэалізаваць Тваю мэту на маё жыцьцё! У імя Ісуса Хрыста. Амэн!