БОГ + ПЛЯНЫ: Як плянаваць, калі ты хрысьціянінУзор

ДЗЕНЬ 4: Як мне ажыццяўляць свае мэты і не супярэчыць Божай волі? 

Ты стаіш на стартавай лініі, зьбіраешся дасягаць вядомыя Богам мэты, і... ты баішся. Цябе пужаюць дзеяньні да гэтых мэт, і ты настолькі факусуешся на іх дасягненьні, што ты выкрэсьліваеш Бога з гэтага працэсу. Як трымаць фокус на Госпада і адначасова дасягаць сваіх мэт?

Перш за ўсё, правільныя мэты будуць весьці да Яго, а не ад Яго. 

Па-другое, ты ня проста паставіш мэту і пачнеш кудысьці рухацца. Бог хоча, каб на кожным кроку ты меў сувязь з Ім, і Ён будзе весьці цябе. У рэшце рэшт, Ён і ёсьць нашая галоўная мэта. Ідучы да пастаўленых Ім мэт, мы рухаемся па Яго мапе. Ён ведае шляхі. 

Гэтаксама як ты бы рабіў у падарожжы, правярай мапу, каб не згубіць кірунак. Калі ты не будзеш глядзець на мапу, ты можаш апынуцца на незнаёмай вуліцы. Але, зьвярніся да мапы, і ты вернешся на правільны шлях! Богу ня важна наколькі дасканала ты будзеш выконваць плян; Ён глядзіць на тваё сэрца. І крок за крокам, малітва за малітвай, момант за момантам, калі ты шукаеш Яго, ты застанешся на правільным шляху. У размовах з Ім ты застанешся пад Яго кантролем.

Памаліся зараз:Госпад, я баюся стаць на шлях, які не ад Цябе. Калі ласка, дай мне духа не страху, але моцы, любві і дысцыпліны (2 Цімафея 1:7). Дзякуй за тваю мапу – Тваё Слова – і за магчымасьць маліцца да Цябе! Калі ласка, дапамажы мне шукаць Цябе, а не ўхваленьня людзей, узнагарод і задавальненьня ад выкананьня спраў. Я хачу добра працаваць дзеля Цябе з правільнай матывацыяй. Дзякуй Табе, што вядзеш мяне і трымаеш мяне на сваім шляху. У імя Ісуса Хрыста. Амэн.