БОГ + ПЛЯНЫ: Як плянаваць, калі ты хрысьціянінУзор

ДЗЕНЬ 2: Як даведацца, што твой плян ад Бога, а не ад цябе самога?

Вы пачынаеце ўжо разумець: без плянаў вы можаце бязмэтна блукаць па жыцьці. Створаныя Богам пляны добрыя. Але! Як даведацца, ці яны створаныя Богам, а не вамі? Як адрозьніць? Вы баіцеся, што абераце няправільныя мэты!

Ці ведаеце вы, што ў Богу цудоўнага? Шмат рэчаў, але асабліва цудоўна тое, што Ён хоча будаваць вашае жыцьцё разам з вамі. Калі вы адчуваеце сябе згубленым у сваіх плянах і мэтах альбо стаіце ў выбары паміж тым ці іншым шляхам, Бог хоча, каб вы папрасілі ў Яго дапамогі - і Ён любіць яе аказваць! Якуб кажа нам: "Калі ж у каго з вас не хапае мудрасьці, няхай просіць у Бога, няхай просіць у Бога, Які дае ўсім шчыра і не дакараючы, і будзе яму дадзена" (Якуб 1:5 НЗПРП). 

Ня ведаеце, ці вашыя пляны добрыя?

Зрабіце невялікую праверку:

• Адкрыйце Слова і пашукайце ў Бібліі канкрэтныя вершы ці гісторыі, якія пацьвярджаюць плян, які вы маеце на ўвазе. Ці адпавядае ваш плян Бібліі? Ці існуюць канкрэтныя вершы, якія гэта пацьвярджаюць? "Усё Пісаньне натхнёнае Богам і карыснае дзеля навучаньня, дзеля дакараньня, дзеля выпраўленьня, дзеля дысцыплінаваньня ў праведнасьці" (2 Цімафея 3:16 НЗПРП).


• Запытайце Яго!Маліцеся і прасіце Бога паказаць вам шлях, які Ён для вас падрыхтаваў. "Увяду цябе ў розум, настаўлю цябе на шлях, па якім табе йсьці; буду табой кіраваць, вока Маё над табою" (Псалтыр 31:8 ББЛ)


• Запытайце парады ў веруючых сяброў ці настаўнікаў."Бяз рады руйнуюцца намеры, а з мноствам дарадцаў яны зьдзяйсьняюцца" (Прыповесьці 15:22 НЗПРП).

Памятайце, што няма адзінай чароўнай формулы для пастаноўкі мэт, толькі Бог можа дапамагчы. Калі адказы ўсё яшчэ не зразумелыя, не здавайцеся! Гэта можа быць часткай працэсу, які Ён хоча, каб вы прайшлі. У чаканьні мы мацуемся і рыхтуемся да наступнага. Пачакайце Яго мудрасьці, і Ён дасьць вам яе ў свой ідэальны час!

Памаліцеся зараз:Госпад, дзякуй за тваё Слова! Я вельмі ўдзячны(ая) за Тваё дакладнае кіраўніцтва і мудрасьць. Калі ласка, дапамажы мне зразумець розьніцу паміж мэтамі і плянамі, якія нарадзіліся з маёй любові да Цябе і ўсімі астатнімі. Дапамажы мне пачуць Твой голас, даверыцца Табе і шукаць Цябе перш за ўсё. У імя Ісуса. Амэн!