БОГ + ПЛЯНЫ: Як плянаваць, калі ты хрысьціянінУзор

ДЗЕНЬ 3: Як выглядаюць мэты, матываваныя хрысьціянскай верай? 

Як увогуле выглядаюць мэты ад Госпада? Ці можна ставіць мэты, якія ня маюць прамога дачыненьня да служэньня – напрыклад, прывесьці сябе ў форму або заняцца вучобай? Ці ўсе нашы мэты павінны быць накшталт "больш маліцца", "адправіцца ў місіянэрскую паездку" і "служыць у сваёй памеснай царквы"?

Некаторыя нашы мэты і задачы ўжо выкладзены ў Сьвятым Пісаньні, што вельмі дапамагае: чытай Біблію (Псальм 118(ці 119):9), праводзь час у малітве (1 Тэсалонцаў 5:17-18), кантактуй з іншымі вернікамі (Габрэяў 10:25) і дзяліся сваёй верай (Псальм 95(ці 96):3). Бог хоча, каб усё гэта дапамагала нам мець блізкія зносіны з Ім – каб мы заставаліся плённымі і вернымі. Гэта не чэкліст, якому трэба прытрымлівацца, а імкненьне сэрца, зьмененага Божай ласкай. Мы хочам так рабіць, таму што Ён так моцна любіць нас. 

А як наконт астатняга жыцьця? Бог хоча, каб мы рабілі ўсё для Яго славы (1-ы Карыньцянаў 10:31) – вялікія задачы, якія Ён ставіць перад намі, і тыя, што здаюцца сьвецкімі і штодзённымі. Ці гэта стварэньне бізнэсу, атрыманьне дыплёма, выхаваньне дзяцей, прыняцьце мудрых фінансавых рашэньняў, клопат пра сваё цела альбо нават праньне (духоўная праньне? Так!) – калі мы робім усё гэта з мэтай дагадзіць Богу, то выконваючы гэтыя рэчы мы можам несці Яго сьвятло. Гэта ня значыць, што мы павінны быць дасканалымі, мы проста павінны быць вернымі. 

Калі мы робім усё для Яго славы, людзі бачаць у нас нешта асаблівае. Яны задаюцца пытаньнем аб крыніцы нашай надзеі, і, калі Бог дазволіць, у нас будзе магчымасьць расказаць пра нашу Крыніцу. Такім чынам, ці павінны ўсе твае мэты быць зьвязанымі з місіяй або служэньнем у памеснай царкве? Куды б вас ні паставіў Гасподзь, квітнейце там, дзе вас пасадзілі. Працуйце і сьпявайце, і тады нават звычайнае набудзе сэнс!

Памолімся: Госпад, дзякую, што Ты зьмясьціў мяне там, дзе я зараз ёсьць. Дапамажы мне бачыць духоўнымі вачыма тыя задачы, што Ты паставіў перада мной; бачыць Твае мэты, няважна, якое менавіта заданьне пры гэтым я выконваю. Хай усё, што я раблю, сьведчыць пра Цябе – нават калі я памыляюся і трываю няўдачу. Хай Твая ласка будзе маім сьцягам, калі я буду рухацца да пастаўленых мэт, ведаючы, што гаворка ідзе не пра дасканаласьць, а пра Цябе – таго, Хто даў мне веру і выкшталцоўвае яе. У імя Ісуса. Амэн!