Божы плян для твайго жыцьцяУзор

Што, калі мы ня бачым Божага пляну?

Ерамія быў прарокам Старога Запавету, які абвяшчаў Божыя паведамленьні Ягонаму народу, што быў у выгнаньні ў Бабілёне. Ім, бясспрэчна, не хацелася быць там. Яны таго не плянавалі. Заміж таго, каб адразу ж вызваліць іх, Бог кажа ім “будаваць дамы й жыць у іх” (Ераміі 29:5) і “клапаціцца пра дабрабыт горада, у які Я перасяліў вас.” (Ераміі 29:7)

Некалькі вершаў пазьней Бог кажа ім: “Калі споўніцца вам у Бабілёне семдзесят гадоў, тады Я наведаю вас і спраўджу добрае слова Маё пра вас, каб вярнуць вас на месца гэтае.” Ераміі 29:10

Семдзесят гадоў! Некаторыя з нас ня маюць цярплівасьці пачакаць нечага 70 сэкундаў, ня кажучы ўжо пра 70 гадоў.

Усё тое ёсьць кантэкстам наступнага вершу, які ты, пэўна, чуў раней: “Бо толькі Я ведаю намеры, якія маю пра вас, кажа Госпад, намеры на дабро, а не на ліха, каб даць вам будучыню ды надзею.” Ераміі 29:11

Вось тры рэчы, якія ты павінен ведаць наконт Божага пляну:

1.) Добрыя пляны патрабуюць шмат часу. Бог сказаў Ізраільцянам, што яны меліся быць у выгнаньні на працягу 70 гадоў. Шмат якім людзям, якія пачулі тое паведамленьне, не было наканавана ўбачыць спраўджаньне гэтага абяцаньня. Часам можа падавацца, што Бог надта марудзіць з адкрыцьцём Свайго пляну табе. Насамрэч ты, магчыма, наогул ніколі ня ўбачыш усіх вынікаў таго, што Бог падрыхтаваў дзеля цябе, - магчыма, ты паўплываеш на будучыя пакаленьні, сам таго ня ведаючы!

2.) Поры чаканьня ня ёсьць змарнаванымі порамі. Заўваж, што Бог не сказаў Ізраільцянам проста чакаць і нічога не рабіць усе тыя семдзесят гадоў. Ён сказаў ім клапаціцца пра дабрабыт і супакой горада, у які Ён перасяліў іх. Незалежна ад таго, дзе ты знаходзішся цяперака, Бог можа выкарыстаць цябе! Чакаючы пары, у якой яшчэ не жывеш, не прапусьці нагоду зрабіць нешта дзеля Валадарства зараз.

3.) Яго пляны - добрыя. Незалежна ад пары жыцьця, у якой ты цяперака знаходзішся, абяцаньне зь Ераміі 29:11 ёсьць верным: Бог сапраўды мае добрыя намеры пра цябе - намеры на дабро й надзею. Магчыма, табе падаецца, што ўсё ідзе ня так, але калі ты будзеш працягваць давяраць Богу наконт твае будучыні, то пасьля абавязкова зазнаеш дабро.