Божы плян для твайго жыцьцяУзор

Як даведацца, які ёсьць Божы плян для твайго жыцьця?

Калі ты калі-небудзь удзельнічаў у гонках, то ты ведаеш, што захоўваньне адпаведнае хуткасьці зьяўляецца вельмі важным. Калі ты будзеш марудзіць, то адстанеш, і людзі цябе абгоняць. Аднак, калі ты будзеш бегчы зашпарка, то хутка стомісься й у цябе ня будзе сілы закончыць гонкі.

Знайсьці аптымальную хуткасьць, бегучы ў гонках, можа быць нялёгкай справай. На шчасьце, калі гаворка ідзе пра хрысьціянскае жыцьцё, то ў нас ёсьць нехта такі, хто вызначае хуткасьць за нас.

Галятаў 5:25 кажа: “Калі мы жывем Духам, хадзіма таксама Духам.”

Калі мы павінны хадзіць Духам, то гэта азначае, што Сьвяты Дух задае нам хуткасьць. Мы не павінны цягнуцца ззаду або бегчы сьпераду - мы павінны ісьці ў такт.

Калі мы ідзем у такт з Духам, то Ён дае нам мудрасьць ды бачаньне, гэтак накіроўваючы нашыя рашэньні. Прыповесьці 3:6 кажа, што калі мы скараемся Яму, то Ён паказвае нам дарогу й выпроствае нашыя сьцежкі.

Ну добра, тэарэтычна - усё тое выдатна. Але як хадзіць Духам на практыцы?

Вось тры спосабы на пачатак:

1.) Шукай Бога празь Ягонае Слова. Ты чытаеш гэты біблійны плян у дадатку Bible App - значыць, ты ўжо пачаў рабіць гэта! Выпрацуй у сабе звычку чытаць Божае Слова штодня. Ёсьць шмат розных біблійных плянаў, зь якіх можаш пачаць, а калі табе патрэбны нагляд, то можаш чытаць іх зь іншымі вернікамі!

2.) Маліся рэгулярна. Хай малітва не палохае цябе. Гэта проста размова з Богам, у якой ты кажаш Яму нешта, а потым слухаеш, што Ён кажа. Калі іншыя рэчы лёгка адцягваюць тваю ўвагу (як тое здараецца з кожным з нас), то можаш адчыніць дадатак Нататкі ў тваім мабільным тэлефоне ды занатаваць, пра што хочаш маліцца.

3.) Заставайся ў супольнасьці. Ісьці ў такт з Духам азначае кантактаваць з падобнымі да цябе пасьлядоўнікамі Хрыста. Найлепшы спосаб зрабіць тое - гэта рэгулярна ўдзельнічаць у хатніх групах і наведваць царкву. А нават лепей: пачаць служыць у царкве. Гэтак ты зможаш пазнаёміцца з новымі людзьмі й наладзіць блізкія адносіны зь іншымі хрысьціянамі.