Oswald Chambers: Hoop - ‘n Heilige Belofte Voorbeeld

Petrus sê dat ons altyd met ‘n antwoord gereed moet wees wanneer iemand ons vra oor die rede vir die hoop wat in ons is. Hy sê nie ons moet redeneer nie, maar dat ons ‘n rede moet gee. Ons kan ‘n rede gee vir dit wat ons weet, maar ons kan dit nie beredeneer met iemand wat nie dieselfde gees as ons het nie. Ons kan verklaar dat ons geregverdig voor God staan, omdat ons glo in die woord van Jesus wat sê dat ons die Heilige Gees van Hom ontvang het, maar ons denke word as onsin beskou deur die persoon wat nie die Heilige Gees aanvaar het nie.

Ons wag in hoop op die openbaring van die Here Jesus Christus. Die Heilige Gees is soekend na mense wat Hy uit hulle sluimerende toestand kan wakker maak; Hy pleit, smag daarna, seën, stort seëninge uit oor mense, om hulle te oortuig en nader aan Hom te trek, met slegs een doel, dat hulle Hom sal ontvang sodat Hy van hulle heilige manne en vroue kan maak wat die lewe van Jesus Christus leef.

Oordenkingsvrae: Is ek bereid om 'n rede vir my hoop te gee, of dring ek daarop aan dat my rede goed genoeg is vir iemand anders? Waarom het ek so min geduld met die werking van die Heilige Gees in die lewens van ander?

Aanhalings uit" "If Thou Wilt Be Perfect" en "Biblical Ethics", © Discovery House Publishers