Wanneer dit Moeilik is om te VergeweVoorbeeld

VERGIFNIS BETEKEN NIE VERSOENING NIE

Wonder jy soms of jy werklik iemand vergewe het, as jy nie kan toelaat dat hulle dieselfde rol in jou lewe speel as voorheen nie? Dit is belangrik om die gedagte van "volkome vergifnis" te skei van "iemand te vertrou". Om iemand te vergewe beteken nie dat jy hulle weer in jou lewe moet toelaat nie. Vergifnis word vrylik gegee, maar vertroue word verdien. Vergifnis is onvoorwaardelik, maar die karakter van die persoon moet wys dat hy of sy betroubaar is om weer saam met jou te stap.

GETUIENIS

Maria het hierdie fout verskeie kere gemaak deur hierdie mense toe te laat om in haar lewe terug te keer. Hulle het egter voortgegaan om haar posisie en hulpbronne vir persoonlike gewin te misbruik. Vandag kan sy eerlik sê dat sy hulle vergewe het, maar sy sal nie meer haar lewe op 'n persoonlike vlak met hulle deel soos voorheen nie. Wanneer sy egter van hierdie mense teëkom, het sy genade met hulle, bly sy vriendelik en stel opreg in hul welstand belang.

GEBED

Here, help my om heeltemal te vergewe, en ook vry te wees van self-twyfel. Help my om die verskil te onderskei tussen volkome vergifnis en om iemand te vertrou. Gee my wysheid om gesonde grense te stel terwyl ek steeds in liefde en waarheid wandel. In die Naam van Jesus. Amen.