BibleProject | Wat Gee Jou Hoop?Voorbeeld

Hoop in die Goeie Koning

Evangelie beteken "goeie nuus", en in die antieke wêreld is dit altyd gekoppel aan die aankondiging van 'n nuwe koning. Die Evangelie van God se Koninkryk is dus die goeie nuus dat God se beloofde koning hier is; Sy Koninkryk kom. Waarom maak dit egter saak? Gaan die Evangelie nie oor Jesus wat vir sondes sterf en dan opstaan nie?

Let in die Nuwe Testament op hoe Jesus sy Evangelie verkondig lank voor Sy kruisiging of opstanding. Hy fokus nie daarop in Sy vroeë bediening nie. In plaas daarvan sê Hy dat God se antieke belofte om 'n goeie koning te stuur en sy eie koninkryk op aarde op te rig alreeds besig is om te gebeur. Dit word werklik! Die Koning (Jesus self) het gekom—goeie nuus!

Let op hoe hierdie Koninkryk van God begin met dade van genesing en vrygewige voorsiening. Hy stig 'n wonderlike nuwe wêreld op grond van liefdevolle sorg vir die mensdom, nie op grond van militêre mag nie. Ons wêreld se normale koninkryke vind gewoonlik krag in oorwinnende geweld, maar God se goddelik-menslike Koninkryk begin en brei slegs uit met die oneindige krag van liefde.

Dit is veral vandag goeie nuus as jy 'n mens is wat die pyn ervaar wat deur gemiddelde heersers en sogenaamde owerhede veroorsaak word. Diegene wat na Jesus se Evangelie-aankondiging luister, leer gou dat Hy self nou die ware heerser oor die hele skepping is; die enigste ware gesag oor enige van ons. Ons het hoop op God self as Koning Jesus, die onverganklike wat met liefde regeer en Sy krag gebruik, nie om mense te dwing of te vernietig nie, maar om elkeen van ons te genees en ons vry te maak.