Een lewe: 'n Studie van integriteit in Hebreërs

Net ek en U Here, getrouheid in die geheime plek - PC Pretorius

Is ek sout en lig soos die Woord van my vra?

Die krag van ’n biddende vrou

7 Lewensbesluite vir geestelike krag

Jou aandag

Ek Voel Verwerp

Tye van groei

Lewe ek in die Lig van God se Waarheid

Die Troos van die Psalms in die Stryd van die Lewe

<div class="version vid6 iso6393afr" data-vid="6" data-iso6393="afr">
 <div class="book bkEXO">
 <div class="chapter ch39" data-usfm="EXO.39">
 <div class="label">39</div><div class="s1">Die priesters se klere</div><div class="r">(Vgl. Eks. 28:1-31)</div><div class="p"> 1Van die blou, pers en bloedrooi wolstof het Besale&#235;l en sy helpers die geborduurde klere gemaak wat in die diens van die heiligdom gebruik is. Soos die Here vir Moses beveel het, het hulle vir A&#228;ron ampsklere gemaak en dit gewy. 2Die skouerkleed is gemaak van gouddraad, blou, pers en bloedrooi wolstof en goed geweefde linne. 3Hulle het bladgoud gemaak en dit in drade opgesny en ingeborduur in die blou, die pers en die bloedrooi wolstof en in die goed geweefde linne. Dit was die werk van 'n vakman. 4Hulle het vir die skouerkleed twee bande gemaak om dit aan die punte oor die skouer aanmekaar vas te maak. 5Die gordel wat oor die skouerkleed gekom het, was van dieselfde gehalte en daarvoor het hulle ook gouddraad, blou, pers en bloedrooi wolstof en goed geweefde linne gebruik, soos die Here vir Moses beveel het.</div><div class="p"> 6Hulle het oniks verwerk en gemonteer in goud. Die name van die seuns van Israel is daarop gegraveer, soos 'n vakman dit op 'n se&#235;lring doen. 7Die stene is op die skouerbande van die skouerkleed vasgewerk sodat die stene kan herinner aan die stamme van Israel. Dit alles is gedoen soos die Here vir Moses beveel het.</div><div class="p"> 8Hulle het ook 'n borssak uitgeborduur soos die skouerkleed, die werk van 'n vakman, gemaak van gouddraad, blou, pers en bloedrooi wolstof en goed geweefde linne. 9Die borssak is dubbel gevou, vyf en twintig sentimeter in die vierkant. 10Hierop het hulle vier rye edelstene gemonteer. Die eerste ry het bestaan uit 'n karneool, 'n topaas en 'n smarag; 11die tweede uit 'n turkoois, 'n saffier en 'n jaspis; 12die derde uit 'n hiasint, 'n agaat en 'n ametis, 13en die vierde uit 'n chrisoliet, 'n oniks en 'n opaal. Die hele montering was van goud. 14Daar was twaalf stene, een vir elke naam van die twaalf stamme van Israel. Die name van al twaalf stamme is daarop gegraveer soos op 'n se&#235;lring.</div><div class="p"> 15Hulle het toe van suiwer goud vir die borssak kettinkies gemaak, gedraai soos tou. 16Hulle het ook twee goue monterings en twee goue ringe gemaak. Die twee ringe is agter aan die twee boonste hoeke van die borssak vasgewerk 17en aan elkeen van hierdie ringe aan die hoeke van die borssak is 'n goue kettinkie vasgemaak. 18Die ander twee punte van die kettinkies is aan die twee monterings aan die voorkant van die skouerbande van die skouerkleed vasgemaak. 19Hulle het nog twee goue ringe gemaak en dit vasgewerk aan die onderste hoeke van die borssak, aan die agterkant waar dit teen die skouerkleed is. 20Hulle het nog twee ander goue ringe gemaak en dit aan die twee skouerbande van die skouerkleed vasgesit, laag af aan die voorkant, aan die naat net bo die gordel. 21Die ringe van die borssak is met 'n blou toutjie aan die ringe van die skouerkleed vasgemaak, net bokant die gordel van die skouerkleed, sodat die borssak nie van die skouerkleed af wegskuif nie. Dit alles is gedoen volgens die voorskrif van die Here aan Moses.</div><div class="p"> 22Die mantel wat saam met die skouerkleed gedra word, is as een stuk blou wolstof geweef. 23In sy middel was daar 'n opening omgeboor, sterk soos 'n pantserhemp dat dit nie kan skeur nie. 24Vir die some van die mantel het hulle granaatjies gemaak van goed geweefde blou, pers en bloedrooi wolstof. 25Dan het hulle ook klokkies van suiwer goud gemaak en die klokkies tussen die granaatjies rondom die hele soom van die mantel vasgewerk, 26een klokkie tussen elke twee granaatjies. Die mantel was vir diens bestem soos die Here dit vir Moses beveel het.</div><div class="p"> 27Hulle het ook priesterklere van linne geweef vir A&#228;ron en sy seuns, 28asook 'n tulband en mooi kopdoeke van linne, en linnebroeke van goed geweefde linne. 29Hulle het ook 'n serp gemaak van goed geweefde linne, blou, pers en bloedrooi wolstof. Dit was weefwerk, soos die Here vir Moses beveel het. 30Hulle het 'n blom van suiwer goud vir die gewyde tulband gemaak en daarop, soos op 'n se&#235;lring, gegraveer: Aan Die Here Gewy. 31Dit is met 'n blou toutjie aan die voorkant van die tulband vasgemaak, soos die Here vir Moses beveel het.</div><div class="s1">Die tabernakel en sy toebehore is voltooi</div><div class="r">(Vgl. Eks. 35:10-19)</div><div class="p"> 32Uiteindelik was al die werk vir die tabernakel, die tent van ontmoeting, klaar. Die Israeliete het alles gemaak presies net soos die Here vir Moses beveel het. 33Hulle het die tabernakel, die tent met al sy toebehore, na Moses toe gebring: die kramme, die rame, die dwarslatte, die style met hulle voetstukke; 34die seil van rooigekleurde ramsvel, die seil van gebreide vel, die voorhangsel, 35die ark met die getuienis, die draaghoute, die deksel, 36die tafel met sy draaghoute en al sy toebehore, die offerbrood; 37die gewyde kandelaar met sy ry lampe en toebehore en olie vir die lampe, 38die goue altaar, die salfolie, die geurige wierook en die afskorting vir die tentdeur; 39die bronsaltaar met al sy toebehore, die bronstraliewerk waaraan die draaghoute vas was, die waskom met sy voetstuk, 40die gordyne van die voorhof, hulle style met hulle voetstukke, die afskorting vir die deur van die voorhof met sy toue en penne, en al die ander toebehore vir die diens in die tabernakel, die tent van ontmoeting; 41die geborduurde klere om in die heiligdom mee te dien, die gewyde klere vir die priester A&#228;ron en vir sy seuns om daarin as priesters diens te doen.</div><div class="p"> 42Die Israeliete het alles gemaak net soos die Here vir Moses beveel het. 43Moses het al die werk ge&#239;nspekteer en gesien dat dit gemaak is soos die Here beveel het. Toe het Moses die vakmanne gelukgewens en bedank.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkEXO">
 <div class="chapter ch40" data-usfm="EXO.40">
 <div class="label">40</div><div class="s1">Die tabernakel word opgeslaan en gewy</div><div class="p"> 1Die Here het vir Moses ges&#234;: 2&#8220;Op die eerste dag van die eerste maand moet jy die tabernakel, die tent van ontmoeting, opslaan. 3Jy moet die ark met die getuienis neersit in die tent en die ark afskort met die voorhangsel.</div><div class="p"> 4&#8220;Dan moet jy die tafel inbring en sy toebehore daarop regsit. Jy moet ook die kandelaar inbring en sy lampe opsteek. 5Die goue wierookaltaar moet jy neersit voor die ark met die getuienis en dan die voorhangsel in die deur van die tabernakel hang. 6Jy moet die brandofferaltaar neersit voor die ingang van die tabernakel, die tent van ontmoeting. 7Die waskom moet jy neersit tussen die tent van ontmoeting en die altaar, en jy moet water daarin gooi. 8Jy moet die voorhof opslaan en die afskorting in die ingang van die voorhof hang. 9Vat dan salfolie en salf die tabernakel en alles wat daarin is. Wy die tabernakel en al die toebehore. Dan sal dit gewyd wees.</div><div class="p"> 10&#8220;Salf die brandofferaltaar en al sy toebehore. Jy moet die altaar ook wy: dit moet 'n gewyde altaar wees.</div><div class="p"> 11&#8220;Salf die waskom en sy voetstuk en wy dit ook.</div><div class="p"> 12&#8220;Laat A&#228;ron en sy seuns na die deur van die tent van ontmoeting toe kom en was hulle met water. 13Laat A&#228;ron dan die gewyde klere aantrek; salf en wy hom sodat hy vir My as priester kan diens doen. 14Laat sy seuns ook naderkom en laat hulle ook hulle priesterklere aantrek. 15Jy moet hulle salf soos jy hulle pa gesalf het sodat ook h&#250;lle vir My as priesters kan diens doen. Hulle salwing dui aan dat hulle en hulle nageslag vir altyd as priesters sal moet diens doen.&#8221;</div><div class="p"> 16Moses het alles gedoen presies net soos die Here hom beveel het. 17Op die eerste dag van die eerste maand van die tweede jaar na die uittog is die tabernakel opgerig. 18Moses het dit soos volg gedoen: hy het die voetstukke neergesit, die rame regop gesit, die dwarslatte vasgesit en die style regop gesit. 19Hy het die tent oor die tabernakel gesit en die seil daarbo-oor gespan, soos die Here hom beveel het.</div><div class="p"> 20Hy het die getuienis gevat en dit in die ark gesit. Hy het die draaghoute van die ark ingesteek en die deksel bo-op die ark neergesit. 21Daarna het hy die ark in die tabernakel gebring en die voorhangsel opgehang om die ark met die getuienis af te skort, soos die Here hom beveel het.</div><div class="p"> 22Hy het die tafel in die tent van ontmoeting neergesit, aan die noordekant van die tabernakel, buite die voorhangsel. 23Hy het offerbrood daarop neergesit voor die Here, soos die Here hom beveel het. 24Hy het die kandelaar in die tent van ontmoeting neergesit, regoor die tafel, aan die suidekant van die tabernakel.</div><div class="p"> 25Toe het hy die lampe opgesteek voor die Here, soos die Here hom beveel het. 26Hy het die goue altaar in die tent van ontmoeting neergesit, voor die voorhangsel. 27Toe het hy geurige wierook daarop aan die brand gesteek, soos die Here hom beveel het.</div><div class="p"> 28Hy het 'n afskorting in die deur van die tabernakel gehang. 29Hy het die brandofferaltaar neergesit by die deur van die tabernakel, die tent van ontmoeting, en daarop brandoffers en graanoffers aan die brand gesteek, soos die Here hom beveel het.</div><div class="p"> 30Hy het die waskom neergesit tussen die tent van ontmoeting en die brandofferaltaar, en waswater daarin gegooi. 31Moses, A&#228;ron en sy seuns het hulle hande en voete daarin gewas. 32Elke keer as hulle by die tent van ontmoeting kom en na die altaar toe gaan, het hulle eers gewas, soos die Here vir Moses beveel het. 33Daarna het hy die voorhof rondom die tabernakel en die altaar opgerig en die afskorting voor die ingang van die voorhof gehang. So het Moses sy werk afgehandel.</div><div class="s1">Die magtige teenwoordigheid van die Here vul die tabernakel</div><div class="p"> 34'n Wolk het die tent van ontmoeting oordek, en die magtige teenwoordigheid van die Here het die tabernakel gevul. 35Moses kon nie in die tent van ontmoeting inkom nie: die wolk was daarin, en die magtige teenwoordigheid van die Here het die tabernakel gevul.</div><div class="p"> 36Later het dit so gegaan: wanneer die wolk van die tabernakel af voor die Israeliete uit wegtrek, het hulle agter die wolk aan versit. 37As die wolk nie weggetrek het nie, het hulle daar gebly totdat dit wel weggetrek het. 38Die wolk van die Here was bedags 'n wolk oor die tabernakel en snags het dit 'n vuur daarbo-oor geword.</div><div class="p">So het die hele Israel dit ervaar elke keer as hulle versit.</div>
 </div>
 </div>
</div>

BibleProject | Ou Testament In 'n JaarVoorbeeld

Skrif

Aangaande hierdie leesplan

Verwante Leesplanne