Omvou deur GenadeVoorbeeld

“Christelike karma?” Ons leef in ’n oorsaak-en-gevolg-wêreld. As jy hard leer, kry jy goeie punte. As jy saans uitglip, word jy gehok. Hele godsdienste is al rondom hierdie universele begrip ontwikkel. Tog is dit juis wat Christenskap anders maak. Daar is geen oorsaak en gevolg betrokke by die verlossingswonderwerk nie. God het die natuurlike orde verbreek en iets radikaals gedoen deur sy Seun te stuur om die prys te betaal wat ons vir ons eie sondes moes betaal het. Hy het die oorsaak-en-gevolg-straf wat op ons gewag het, verwyder. Ons leef egter steeds in ’n oorsaak-en-gevolg-wêreld. Hoe jy ander behandel, het ’n invloed op hoe jy behandel sal word. Natuurlik moet jy nooit bang gemaak word of gesus word deur die dreigement dat dít wat jy doen, na jou sal terugkom nie. Maar jou dade en reaksies beïnvloed ander, want hulle is die boumateriaal waarmee jy verhoudings bou. Bou dus met wysheid. DINK NA: Wie het jy gister net so goed behandel as wat jy wil hê hulle jou moet behandel? GEBED: Here, ek wil U verheerlik deur die manier waarop ek genade en goedheid aan ander bewys. Nie sodat ek die een of ander soort beloning kan kry nie, maar omdat dit vir U vreugde verskaf. Amen. Hierdie oordenking is geneem uit OMVOU DEUR GENADE deur Dalene Reyburn © Christelike Uitgewersmaatskappy.