Wysheid vir GeestesgesondheidVoorbeeld

Ligtoring Drie: Gebed

Hoor God my? Sien Hy my pyn raak? En … sal Hy my help? Dit is algemene vrae, veral vir diegene wat met geestesgesondheid worstel.

Verse soos vandag sin, bied hoop:

"Kom ons gaan dan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word" Hebreërs 4:16.

Dit sê dat ons in gebed kan tree met die versekering dat God ons sien, hoor en liefhet. Alhoewel ons weet dat dit waar is, voel dit nie altyd so eenvoudig nie.

Miskien het jy God om hulp gevra, maar dit voel nie asof dinge beter word nie. Dit laat jou wonder of hierdie vers werklik op jou van toepassing is.

Gelukkig het die apostel Paulus dieselfde gewonder in 2 Korintiërs 12. Wat het hy in die gesig gestaar? Ons weet nie regtig nie. Paulus noem dit eenvoudig "'n doring in die vlees."

Baie mense spekuleer oor wat dit kon wees, maar daar is geen duidelike antwoord nie. Paulus sou dit dalk so verkies het. Hoekom? Omdat die punt van die Skrifgedeelte nie Paulus se doring is nie — dit is hoe ons reageer wanneer God nie ons gebede beantwoord soos ons verwag nie.

Paulus het drie keer gebid dat sy doring weggeneem moet word, maar dit het nie gebeur nie. Hy het dalk hartseer, gefrustreerd of verraai gevoel; ons weet nie vir seker nie. Ons ken egter sy reaksie.

Paulus het nie moed opgegee met God of gebed nie. In plaas daarvan het hy wysheid ontdek wat hom gehelp het om vrede te vind. Sy doring was dalk pynlik, maar dit was deel van God se plan vir sy lewe. Deur sy doring het hy 'n dieper en meer persoonlike verhouding met God gevind.

Kortom: Gebed vir genesing is 'n goeie ding en is dikwels 'n bron van vrede en vertroosting. Dus, hou aan bid, selfs wanneer God nie antwoord soos jy verwag nie.

Jy word genooi om te bid. Vra God vir vrede, en dalk ook genesing. Terwyl jy bid, onthou om tyd te neem om te luister. Dit mag wees dat God jou wil bemoedig of iets nuuts wil leer. Miskien het hierdie tydperk van pyn 'n doel, en net gebed kan die moontlikheid daarvan ontsluit.

God is teenwoordig, en Hy wil 'n verbintenis hê. Hy het ons genooi om Hom met vertroue te nader en enigiets te vra. Soms ontvang ons waarvoor ons vra. Ander kere nie. Wanneer God nie reageer soos ons verwag nie, is dit altyd 'n uitnodiging om te luister, te leer en God se liefde op 'n nuwe manier te ervaar.

Bid: Vader, dankie dat U naby en standvastig is. Help my asseblief om U te onthou wanneer ek gebroke voel, sodat ek kan bid en vrede vind. In die Naam van Jesus. Amen.