Die Troos van die Psalms in die Stryd van die Lewe

7 Lewensbesluite vir geestelike krag

Groei in geloof

Die krag van ’n biddende vrou

Lewe ek in die Lig van God se Waarheid

Die sin van die lewe

Die deur is toe; wat nou?

Is ek sout en lig soos die Woord van my vra?

Net ek en U Here, getrouheid in die geheime plek - PC Pretorius

Jou aandag

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch17" data-usfm="1SA.17">
 <div class="label">17</div><div class="s1">Goliat verkleineer Saul se le&#235;r</div><div class="p"> 1Die Filistyne het hulle krygsmag opgeroep. Hulle het bymekaargekom in Soko wat aan Juda behoort, en het kamp opgeslaan in Efes-Dammim tussen Soko en Aseka. 2Saul en die manskappe van Israel het bymekaargekom en kamp opgeslaan in die laagte by die groot boom en teenoor die Filistyne stelling ingeneem om te veg. 3Die Filistyne het teen die een rant gestaan, en die Israeliete teen die ander, met 'n smal vallei tussen hulle. 4Toe kom daar 'n baasvegter uit die laer van die Filistyne uit. Sy naam was Goliat en hy was afkomstig uit Gat. Hy was drie meter lank. 5Daar was 'n bronshelm op sy kop, en hy het 'n harnas met skubbe aangehad. Die gewig van die harnas was sewe en vyftig kilogram. 6Daar was bronsskerms voor sy bene en tussen sy wapens was daar 'n bronsswaard. 7Die steel van sy spies was so dik soos die dwarsbalk van 'n weefstoel, en die ysterlem daarvan was sewe kilogram. Sy skilddraer het voor hom uit geloop.</div><div class="p"> 8Goliat het gaan staan en na die linies van Israel geroep. Hy het vir hulle ges&#234;: &#8220;Waarom het julle uitgekom om gevegslinies op te stel? Is ek nie 'n Filistyn en julle almal Saul se slawe nie? Kies vir julle iemand om na my toe uit te kom. 9As hy teen my kan veg en my verslaan, sal ons julle slawe wees. As ek hom baasraak en verslaan, sal julle ons slawe wees en vir ons werk.&#8221;</div><div class="p"> 10Verder het die Filistyn nog ges&#234;: &#8220;Ek staan die linies van Israel al heeldag en verkleineer! Gee my tog iemand dat ons teen mekaar kan veg.&#8221;</div><div class="p"> 11Toe Saul en die hele Israel hoor wat die Filistyn s&#234;, het hulle geskrik en baie bang geword.</div><div class="p"> 12Dawid was die seun van 'n Efratiet, iemand uit Betlehem in Juda met die naam Isai. Hy het ag seuns gehad. In die tyd van Saul was hierdie man al oud en afgeleef. 13Die drie oudste seuns van Isai het Saul na die oorlog toe gevolg. Die name van die drie seuns wat gaan veg het, was Eliab die oudste, Abinadab die tweede, en Samma die derde. 14Dawid was die jongste. Die drie oudstes het pal met Saul saamgegaan, 15maar Dawid het om die beurt na Saul toe gegaan en dan weer sy pa se kleinvee in Betlehem gaan oppas.</div><div class="p"> 16Die Filistyn het veertig dae lank vroeg in die m&#244;re en teen die aand nader gekom en regoor die Israeliete gaan staan.</div><div class="p"> 17Isai het vir sy seun Dawid ges&#234;: &#8220;Vat tog vir jou broers sestien kilogram gebraaide koring en tien brode en bring dit gou vir hulle in die kamp. 18Die tien kase moet jy na die aanvoerder van die afdeling toe vat. Dan moet jy sommer kyk of dit nog goed gaan met jou broers, en 'n bewys daarvan saambring. 19Saul en jou broers en die hele Israel is in die laagte by die groot boom aan die veg teen die Filistyne.&#8221;</div><div class="p"> 20Dawid het die m&#244;re vroeg opgestaan, die kleinvee aan die wagter afgegee, die goed opgetel en gegaan soos Isai hom beveel het. Net toe hy by die kamp aankom, het die le&#235;r wat na die gevegslinie toe uitgaan, die oorlogskreet aangehef. 21Israel en die Filistyne het naamlik in linies teenoor mekaar stelling ingeneem. 22Dawid het die pak wat hy gedra het, onder die sorg gelaat van die man wat die goed oppas, en na die linies toe gehardloop. Toe hy daar aankom, vra hy sy broers hoe dit gaan, 23en terwyl hy nog met hulle praat, kom die baasvegter Goliat die Filistyn uit Gat juis uit die linies van die Filistyne vorentoe en hy praat weer so. Dawid het dit gehoor. 24Toe die Israeliete die man sien, het hulle almal vir hom gevlug en hulle was baie bang.</div><div class="p"> 25'n Israeliet s&#234; toe: &#8220;Julle sien hierdie man wat vorentoe kom? Hy kom net om Israel te verkleineer. Die man wat hom verslaan &#8211; die koning sal daardie man baie ryk maak en sy dogter aan hom gee, en die man se familie sal in Israel van alle verpligtinge vrygestel wees.&#8221;</div><div class="p"> 26Dawid het vir die manskappe wat by hom staan, gevra: &#8220;Wat sal gebeur met die man wat die skande van Israel wegneem en die Filistyn daar anderkant verslaan? Wie is hierdie heiden, hierdie Filistyn, nogal dat hy die linies van die lewende God verkleineer?&#8221;</div><div class="p"> 27Die manskappe het dieselfde vir hom ges&#234;: &#8220;So sal gedoen word aan die man deur wie die Filistyn verslaan word.&#8221;</div><div class="p"> 28Dawid se oudste broer Eliab het gehoor wat hy met die manskappe praat en Eliab het hom vir Dawid vererg en ges&#234;: &#8220;Waarom het jy hierheen gekom en aan wie het jy daardie klompie kleinvee in die dro&#235;veld afgegee? Ek ken jou vermetelheid en kwaadwilligheid. Het jy net hierheen gekom om na die geveg te kyk?&#8221;</div><div class="p"> 29Toe s&#234; Dawid: &#8220;Wat het ek nou gedoen? Is dit dan nie 'n belangrike saak nie?&#8221;</div><div class="p"> 30Dawid het van hom af weggedraai na 'n ander een toe en dieselfde gevra, en die manskap het geantwoord soos die eerste.</div><div class="s1">Dawid verslaan die Filistyn</div><div class="p"> 31Die woorde wat Dawid ges&#234; het, het rugbaar geword. Die manskappe het dit vir Saul vertel, en hy het hom laat haal.</div><div class="p"> 32&#8220;'n Mens moenie oor h&#243;m moedeloos word nie,&#8221; s&#234; Dawid toe vir Saul. &#8220;Ek sal gaan en teen hierdie Filistyn veg.&#8221;</div><div class="p"> 33Maar Saul s&#234; vir Dawid: &#8220;Jy kan nie teen hierdie Filistyn gaan veg nie, want jy is jonk en hy 'n vegter van kindsbeen af.&#8221;</div><div class="p"> 34Toe s&#234; Dawid vir Saul: &#8220;As ek die kleinvee vir my pa oppas, en daar kom 'n leeu of 'n beer en dra 'n lam weg uit die kudde, 35gaan ek agter hom aan en slaan hom dood en red die lam uit sy bek; as hy op my afstorm, gryp ek hom aan sy baard en slaan hom dood. 36Ek het die leeu en ook die beer doodgeslaan, en hierdie heiden, hierdie Filistyn, sal soos hulle word, want hy het die linies van die lewende God verkleineer.&#8221; 37Verder het Dawid ges&#234;: &#8220;Die Here, wat my gered het uit die kloue van die leeu en uit die kloue van die beer, H&#253; sal my red uit die mag van hierdie Filistyn.&#8221;</div><div class="p">Toe s&#234; Saul vir Dawid: &#8220;Gaan, en mag die Here by jou wees.&#8221;</div><div class="p"> 38Saul het sy eie uitrusting vir Dawid laat aantrek: hy het 'n bronshelm op sy kop gesit en hom 'n harnas laat aantrek, 39en Dawid het Saul se swaard bo-oor sy uitrusting vasgegord. Maar hy kon nie loop nie, want hy was dit nie gewoond nie.</div><div class="p">Dawid s&#234; toe vir Saul: &#8220;Ek kan nie hiermee loop nie, want ek is dit nie gewoond nie.&#8221;</div><div class="p">En Dawid het dit uitgetrek. 40Hy het sy kierie in sy hand gevat, vyf gladde klippies in die spruit uitgesoek en dit by sy skaapwagtersgoed in sy slingersak gesit. En met sy slingervel in die hand het hy op die Filistyn af geloop. 41Die Filistyn het al hoe nader gekom na Dawid toe, terwyl sy skilddraer voor hom was. 42Toe hy vir Dawid sien, het die Filistyn hom met minagting aangekyk omdat hy jonk was, met 'n rooi gelaatskleur en 'n mooi voorkoms.</div><div class="p"> 43Die Filistyn het vir Dawid ges&#234;: &#8220;Is ek 'n hond dat jy met kieries na my toe kom?&#8221;</div><div class="p">Hy het Dawid toe in die naam van die Filistynse gode vervloek. 44Verder het die Filistyn vir Dawid ges&#234;: &#8220;Kom 'n bietjie hier dat ek jou vleis vir die roofvo&#235;ls en vir die wilde diere kan gee.&#8221;</div><div class="p"> 45Maar Dawid s&#234; vir die Filistyn: &#8220;J&#253; kom na my toe met 'n dolk en 'n spies en 'n swaard, maar &#233;k kom na jou toe in die Naam van die Here die Almagtige, die God van die linies van Israel, wat jy verkleineer het. 46Vandag sal die Here jou in my mag oorgee sodat ek jou kan verslaan en jou kop van jou lyf afkap. Dan sal ek vandag nog die lyke van die Filistynse laer vir die roofvo&#235;ls en vir die wilde diere gee, sodat die hele w&#234;reld kan besef dat Israel 'n God het. 47Dan sal hierdie hele skare besef dat die Here nie deur swaard of spies verlos nie, maar dat die oorlog aan die Here behoort en dat Hy julle in ons mag oorgee.&#8221;</div><div class="p"> 48Toe die Filistyn regmaak en nader kom om Dawid te ontmoet, het Dawid die Filistyn vinnig op die vegterrein tegemoet gehardloop. 49Toe steek Dawid sy hand in die sak, vat 'n klip daaruit, gooi met die slingervel, en tref die Filistyn teen die voorkop. Die klip het in sy voorkop ingedring, en hy het vooroor geval op die grond. 50Met die slingervel en klip was Dawid sterker as die Filistyn en het hy hom verslaan en doodgemaak. Dawid het nie eens 'n swaard by hom gehad nie!</div><div class="p"> 51Toe het Dawid gehardloop, by die Filistyn gaan staan, sy swaard gevat, dit uit die skede getrek en hom van kant gemaak: hy het sy kop daarmee afgekap.</div><div class="p">Die Filistyne het gesien dat hulle held dood is, en het gevlug. 52Die manskappe van Israel en Juda het opgestaan, die aanvalskreet uitgeskreeu en die Filistyne agtervolg tot by die ingang van Gat en die poorte van Ekron, sodat die gesneuweldes van die Filistyne op die pad van Sa&#228;rajim af tot by Gat en Ekron gel&#234; het. 53Daarna het die Israeliete teruggekom van die strawwe agtervolging van die Filistyne af en hulle kamp geplunder. 54Dawid het die kop van die Filistyn gevat en dit na Jerusalem toe gebring, maar die Filistyn se wapens het hy in sy eie tent gaan sit.</div><div class="p"> 55Toe Saul vir Dawid sien uitgaan om die Filistyn te ontmoet, het hy vir Abner die hoof van die le&#235;r gevra: &#8220;Abner, wie se kind is di&#233; jong man tog?&#8221;</div><div class="p">Abner het geantwoord: &#8220;So seker as u leef, U Majesteit, ek weet nie.&#8221;</div><div class="p"> 56Die koning s&#234; toe: &#8220;Vra jy tog wie se kind die jong man is.&#8221;</div><div class="p"> 57Toe Dawid terugkom nadat hy die Filistyn verslaan het, het Abner hom gevat en voor Saul gebring met die kop van die Filistyn nog in sy hand. 58Saul het vir hom gevra: &#8220;Seun, wie se kind is jy?&#8221;</div><div class="p">&#8220;Die kind van u onderdaan Isai, uit Betlehem,&#8221; het Dawid geantwoord.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch18" data-usfm="1SA.18">
 <div class="label">18</div><div class="s1">Dawid bly by Saul</div><div class="p"> 1Nadat Dawid klaar met Saul gepraat het, het Jonatan baie geheg geraak aan Dawid en hom liefgekry soos homself. 2Dieselfde dag nog het Saul vir Dawid saamgevat huis toe en hom nie toegelaat om na sy pa se huis toe terug te gaan nie. 3Jonatan en Dawid het 'n verbond gesluit omdat Jonatan hom liefgekry het soos homself. 4Jonatan het die mantel wat hy aangehad het, uitgetrek en dit vir Dawid gegee, ook sy uitrusting, sy swaard, sy boog en sy gordel. 5Dawid het toe opgetrek teen elkeen teen wie Saul hom uitgestuur het. Hy was suksesvol, en Saul het hom oor die soldate aangestel. Die hele volk en Saul se amptenare het dit goedgevind.</div><div class="s1">Saul wantrou vir Dawid</div><div class="p"> 6Toe Dawid teruggekom het nadat hy die Filistyn verslaan het en Saul-hulle op pad was huis toe, het die vroue van al die dorpe van Israel uitgegaan om te sing, en die danseresse het koning Saul tegemoet gegaan met tamboeryne en driesnarige musiekinstrumente en met gejubel. 7Die vroue het gedans en gesing:</div><div class="b"></div><div class="q1">&#8220;Saul het sy duisende verslaan,</div><div class="q1">maar Dawid sy tienduisende!&#8221;</div><div class="b"></div><div class="m"> 8Daaroor het Saul hom vererg. Dit het hom nie geval nie en hy het ges&#234;: &#8220;Aan Dawid het hulle tienduisende gegee en aan my duisende. Die koningskap sal ook nog syne word!&#8221;</div><div class="p"> 9Van toe af het Saul vir Dawid gewantrou.</div><div class="p"> 10Die volgende dag het 'n boosaardige gees wat deur God gestuur is, vir Saul beetgepak, sodat hy in sy huis te kere gegaan het soos 'n waansinnige. Soos gewoonlik het Dawid op die lier gespeel. In die hand van Saul was daar 'n spies. 11Toe lig Saul die spies op en dink: ek gaan vir Dawid teen die muur vaspen.</div><div class="p">Maar Dawid het weggekoes, selfs twee maal. 12Saul het bang geword vir Dawid omdat die Here by hom was, maar die Here het vir Saul verlaat. 13Saul het daarna nie meer vir Dawid by hom laat bly nie en hom aangestel as hoof van 'n le&#235;rafdeling. Hy het in die oorlog as aanvoerder van die manskappe opgetree 14en in alles sukses behaal omdat die Here by hom was. 15Saul het opgemerk dat Dawid baie suksesvol was, en Saul was bang vir hom. 16Maar die hele Israel en Juda was lief vir Dawid, en hy het in die oorlog as hulle aanvoerder opgetree.</div><div class="s1">Dawid word Saul se skoonseun</div><div class="p"> 17Later het Saul vir Dawid ges&#234;: &#8220;Hier is my oudste dogter Merab. Ek gee haar aan jou as vrou. Jy moet net vir my 'n dapper man wees en die oorlo&#235; van die Here voer.&#8221;</div><div class="p">Saul het naamlik gedink: ek moenie teen hom wees nie. Laat die Filistyne teen hom wees.</div><div class="p"> 18Dawid s&#234; toe vir Saul: &#8220;Wie is ek en wie is my broers en my familie in Israel dat ek die koning se skoonseun mag word?&#8221;</div><div class="p"> 19Maar teen die tyd dat Saul se dogter Merab aan Dawid gegee moes word, is sy aan Adri&#235;l die Megolatiet as vrou gegee. 20Saul se ander dogter, Mikal, was verlief op Dawid, en toe dit aan Saul vertel is, was hy in sy skik daarmee. 21Saul het naamlik gedink: ek sal haar aan hom gee dat sy vir hom 'n vangstrik word en die Filistyne teen hom kan wees.</div><div class="p">So het Saul dan twee keer vir Dawid ges&#234;: &#8220;Jy kan vandag my skoonseun word.&#8221;</div><div class="p"> 22Saul het sy amptenare beveel: &#8220;S&#234; so ongemerk vir Dawid: Jy weet, die koning hou van jou en al sy amptenare is lief vir jou. Word nou maar die koning se skoonseun.&#8221;</div><div class="p"> 23Saul se amptenare het hierdie boodskap vir Dawid in die oor gefluister en Dawid het ges&#234;: &#8220;Dink julle dis 'n kleinigheid om die koning se skoonseun te word? Ek is maar 'n arm man sonder aansien.&#8221;</div><div class="p"> 24Saul se amptenare het hom meegedeel wat Dawid ges&#234; het.</div><div class="p"> 25Maar Saul het ges&#234;: &#8220;So moet julle vir Dawid s&#234;: Die koning wil niks anders as honderd voorhuide van die Filistyne as huweliksvergoeding h&#234; nie, om so wraak te neem teen sy vyande.&#8221;</div><div class="p">Saul se gedagte was om Dawid deur die Filistyne te laat omkom. 26Saul se amptenare het hierdie woorde aan Dawid meegedeel, en Dawid het ingestem om die koning se skoonseun te word.</div><div class="p">Dawid het nie tyd verspeel nie, 27maar klaargemaak, en hy en sy manskappe het twee honderd Filistyne gaan doodmaak. Dawid het hulle voorhuide gebring, en di&#233; is almal aan die koning oorhandig sodat Dawid die koning se skoonseun kon word. Saul het sy dogter Mikal aan hom gegee as vrou.</div><div class="p"> 28Dit het vir Saul duidelik geword dat die Here by Dawid is. Boonop het Saul se dogter Mikal vir Dawid liefgehad. 29Toe het Saul nog banger geword vir Dawid, Saul was vir goed vyandig teenoor hom. 30Die regeerders van die Filistyne het herhaaldelik opgetrek om oorlog te maak, maar elke keer as hulle optrek, het Dawid meer sukses gehad as die offisiere van Saul, sodat hy groot aansien verkry het.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch19" data-usfm="1SA.19">
 <div class="label">19</div><div class="s1">Jonatan pleit by Saul vir Dawid</div><div class="p"> 1Saul het naderhand selfs met sy seun Jonatan en met al sy offisiere gepraat om Dawid dood te maak. Maar Saul se seun Jonatan het baie van Dawid gehou. 2Toe het Jonatan vir Dawid vertel: &#8220;My pa wil jou doodmaak. Jy moet tog m&#244;reoggend versigtig wees. Gaan sit op 'n beskutte plek en kruip weg. 3Dan sal ek in die veld waar jy is, langs my pa gaan staan en met hom oor jou praat. As ek agterkom hoe dit gesteld is, sal ek jou dit vertel.&#8221;</div><div class="p"> 4Jonatan het toe vir Dawid voorspraak gedoen by Saul en vir hom ges&#234;: &#8220;Die koning moet hom tog nie aan sy onderdaan Dawid besondig nie, want hy het u geen kwaad aangedoen nie, sy dade was baie voordelig vir u. 5Hy het sy lewe gewaag en die Filistyn verslaan di&#233; keer toe die Here die groot uitkoms vir die hele Israel bewerk het. U het dit gesien en u was self bly. Waarom sal u sonde doen oor 'n onskuldige man en vir Dawid sonder rede doodmaak?&#8221;</div><div class="p"> 6Saul het na Jonatan geluister en 'n eed afgel&#234;: &#8220;So seker as die Here leef, hy sal nie doodgemaak word nie.&#8221; 7Hiern&#225; het Jonatan vir Dawid gaan roep, en Jonatan het hom die hele gesprek meegedeel. Jonatan het vir Dawid na Saul toe gebring, en Dawid het vir Saul gedien soos voorheen.</div><div class="p"> 8Daar het weer 'n keer oorlog gekom, en Dawid het opgetrek om teen die Filistyne te veg. Hy het hulle in 'n bloedige veldslag verslaan, en hulle het voor hom gevlug.</div><div class="s1">Mikal bedrieg vir Saul en red Dawid se lewe</div><div class="p"> 9Saul het in sy huis gesit met sy spies in sy hand, en Dawid het op die lier gespeel. Toe 'n boosaardige gees wat deur die Here gestuur is, oor Saul kom, 10het hy geprobeer om Dawid teen die muur vas te pen met die spies. Maar Dawid het weggekoes, en Saul het die spies teen die muur vasgegooi. Dawid het gevlug en daardie nag ontsnap. 11Toe stuur Saul mense na Dawid se huis toe om hom dop te hou en hom in die m&#244;re dood te maak.</div><div class="p">Maar sy vrou Mikal het hom gewaarsku: &#8220;As jy nie vannag vlug nie, word jy m&#244;re doodgemaak.&#8221;</div><div class="p"> 12Mikal het Dawid toe deur die venster laat afsak. Hy het weggegaan, gevlug en ontsnap. 13Maar Mikal het die afgodsbeeld gevat en op die bed neergesit. Sy het 'n bokhaarnet om die beeld se kop gedraai en dit met 'n kombers toegemaak.</div><div class="p"> 14Toe Saul se mense daar kom om vir Dawid te vang, s&#234; sy: &#8220;Hy is siek.&#8221;</div><div class="p"> 15Daarna het Saul sy manne gestuur om na Dawid te gaan kyk en beveel: &#8220;Bring hom na my toe met bed en al dat ek hom kan laat doodmaak.&#8221; 16Die manne het ingekom, en toe l&#234; die afgodsbeeld op die bed, met die bokhaarnet aan die koppenent.</div><div class="p"> 17Saul s&#234; toe vir Mikal: &#8220;Waarom het jy my so bedrieg en my vyand vrygelaat om te ontsnap?&#8221;</div><div class="p">Maar Mikal het vir Saul geantwoord: &#8220;Hy het vir my ges&#234;: Laat my gaan, anders maak ek jou dood.&#8221;</div><div class="s1">Saul weer tussen die profete</div><div class="p"> 18Ondertussen het Dawid gevlug en ontsnap en by Samuel in Rama gekom en hom alles vertel wat Saul hom aangedoen het. Hy en Samuel het in die woonkwartiere van die profete gaan woon. 19Daarna is aan Saul berig: &#8220;Weet u, Dawid is in die profetekwartiere in Rama.&#8221;</div><div class="p"> 20Daarop stuur Saul boodskappers om Dawid gevange te neem. Toe hulle die groep profete sien wat besig was om as profete op te tree onderwyl Samuel hulle voorgaan, het die Gees van God oor die boodskappers van Saul gekom, en hulle het self ook begin om as profete op te tree.</div><div class="p"> 21Dit is aan Saul vertel, en hy het ander boodskappers gestuur. Ook h&#250;lle het self begin om as profete op te tree. Hy het 'n derde groep boodskappers gestuur, en hulle het &#243;&#243;k begin om as profete op te tree. 22Daarop het hy self na Rama toe gegaan en toe hy by die groot opgaardam in Seku kom, vra hy: &#8220;Waar is Samuel en Dawid?&#8221;</div><div class="p">Iemand het geantwoord: &#8220;Daar in die profetekwartiere in Rama.&#8221;</div><div class="p"> 23Hy het na die profetekwartiere toe gegaan in Rama, en die Gees van God het ook oor hom gekom en hy het so in die loop begin om as profeet op te tree totdat hy by die kwartiere in Rama gekom het. 24Ook h&#253; het sy klere uitgetrek en self as profeet opgetree in die teenwoordigheid van Samuel. Daardie hele dag en nag het Saul sonder klere op die grond gel&#234;, sodat die mense gevra het: &#8220;Is Saul ook onder die profete?&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch20" data-usfm="1SA.20">
 <div class="label">20</div><div class="s1">Jonatan pleit nog 'n keer vir Dawid by Saul</div><div class="p"> 1Daarna het Dawid uit die profetekwartiere in Rama padgegee en by Jonatan gekom en vir hom gevra: &#8220;Wat het ek gedoen? Wat is my oortreding of wat het ek verkeerd gedoen teenoor jou pa dat hy my lewe soek?&#8221;</div><div class="p"> 2Jonatan het hom geantwoord: &#8220;Nee, wag. Jy sal nie sterwe nie. Jy weet goed my pa doen niks, groot of klein, sonder om dit vertroulik vir my te vertel nie. Waarom sou my pa dan hierdie ding vir my wegsteek? Dit is nie soos jy dink nie.&#8221;</div><div class="p"> 3Dawid het toe vir Jonatan met 'n eed verseker: &#8220;Jou pa weet baie goed dat jy van my hou en hy het gedink: Jonatan mag dit nie weet nie sodat hy nie sleg voel nie. Maar so seker as die Here leef en so seker as jy leef, daar is maar net een tree tussen my en die dood.&#8221;</div><div class="p"> 4En Jonatan s&#234; vir Dawid: &#8220;Ek sal vir jou doen net wat jy wil h&#234;.&#8221;</div><div class="p"> 5Dawid s&#234; toe vir Jonatan: &#8220;M&#244;re is dit nuwemaan, en ek m&#243;&#233;t saam met die koning aansit om te eet. Maar laat my gaan dat ek in die veld kan wegkruip tot die derde aand. 6As jou pa uitdruklik na my vra, moet jy s&#234;: &#8216;Dawid het my dringend verlof gevra om gou na sy stad Betlehem toe te gaan, want die hele familie se jaarlikse offer vind daar plaas.&#8217; 7As hy sou s&#234;: &#8216;Goed!&#8217; dan is ek veilig, maar as hy baie kwaad word, weet dan beslis dat hy klaar besluit het om my dood te maak. 8Jy het my met 'n verbond van die Here aan jou verbind. Toon jou trou aan my, en as ek skuldig is, maak j&#253; my dan dood. Waarom moet jy my nog na jou pa toe bring?&#8221;</div><div class="p"> 9Toe antwoord Jonatan: &#8220;Nee, as ek seker weet dat my pa klaar besluit het om jou dood te maak, sal ek jou dit beslis laat weet.&#8221;</div><div class="p"> 10Dawid s&#234; toe vir Jonatan: &#8220;Wie sal vir my kom s&#234; of jou pa jou 'n harde antwoord gegee het?&#8221;</div><div class="p"> 11Jonatan het daarna vir Dawid ges&#234;: &#8220;Kom ons gaan uit veld toe.&#8221;</div><div class="p">Hulle twee het veld toe gegaan, 12en Jonatan het vir Dawid ges&#234;: &#8220;So seker as die Here die God van Israel leef, ek sal my pa m&#244;re of oorm&#244;re pols. Hy sal gunstig gestem wees teenoor jou. So nie, sal ek na jou toe stuur en dit in die geheim aan jou bekend maak. 13Mag die Here my om die lewe bring as my pa besluit het om jou dood te maak en ek jou dit nie in die oor fluister nie en jou nie kans gee om veilig weg te kom nie. Mag die Here by jou wees soos Hy by my pa was. 14En as ek dan nog lewe, moet jy die trou van die Here aan my betoon, sodat ek nie sterwe nie, 15en jy moet jou trou nooit aan my familie onttrek nie. Selfs wanneer die Here die vyande van Dawid een vir een van die aarde af wegvee, 16mag Jonatan nie deur die familie van Dawid uitgeroei word nie, want dan sal die Here dit vergeld deur Dawid se vyande.&#8221;</div><div class="p"> 17Jonatan het Dawid dit met 'n eed vir hom laat belowe vanwe&#235; sy liefde vir hom, want hy het hom liefgehad soos homself.</div><div class="p"> 18Jonatan het ook nog vir hom ges&#234;: &#8220;M&#244;re is nuwemaan, en jy sal gemis word omdat jou le&#235; sitplek opgemerk sal word. 19Op die derde dag moet jy beslis na die plek toe kom waar jy die vorige keer op die werkdag weggekruip het. Jy moet langs die hoop klippe gaan sit. 20Ek sal drie pyle aan die kant daarvan verby skiet, asof ek na 'n teiken skiet. 21Dan sal ek my slaaf stuur: &#8216;Gaan soek die pyle.&#8217; As ek uitdruklik vir hom s&#234;: &#8216;Kyk, die pyle is duskant jou; tel hulle op en kom!&#8217; is jy veilig en so seker as die Here leef, daar is dan geen gevaar nie. 22Maar as ek vir hom s&#234;: &#8216;Kyk, die pyle is anderkant jou!&#8217; moet jy weggaan. Dan stuur die Here jou weg. 23En wat die saak betref waaroor ek en jy gepraat het: onthou, die Here is vir altyd getuie daarvan.&#8221;</div><div class="p"> 24Dawid het toe in die veld weggekruip. Met nuwemaan het die koning by die maaltyd aangesit, 25en hy het soos gewoonlik op sy plek teen die muur gaan sit. Jonatan het regoor hom gesit en Abner langs Saul. Dawid se le&#235; plek is opgemerk, 26maar op daardie dag het Saul niks ges&#234; nie, want hy het gedink: daar moes iets gebeur het, en hy is dalk nie rein nie, hy mag dalk nie aan tafel kom nie. 27Die volgende dag van die nuwemaan, die tweede dag, is Dawid se le&#235; plek weer opgemerk.</div><div class="p">Saul vra toe vir sy seun Jonatan: &#8220;Waarom het die seun van Isai gister en vandag nie na die maaltyd toe gekom nie?&#8221;</div><div class="p"> 28Maar Jonatan het vir Saul geantwoord: &#8220;Dawid het my dringend verlof gevra om na Betlehem toe te gaan. 29Hy het ges&#234;: &#8216;Laat my tog gaan, want ons het 'n familie-offer in die stad. My broer self het my laat roep. As u dit goedvind, laat my dan tog gaan sodat ek my broers kan gaan besoek.&#8217; Daarom het hy nie aan die koning se tafel verskyn nie.&#8221;</div><div class="p"> 30Toe het Saul hom bloedig vererg vir Jonatan en ges&#234;: &#8220;Jou rebelse ellendeling! Jy verkies mos die seun van Isai tot jou eie skande en tot skande van jou ma wat jou in die w&#234;reld gebring het. 31Solank die seun van Isai op hierdie aarde leef, sal daar nie plek wees vir jou en jou koningskap nie. Stuur en bring hom na my toe, hy moet dood!&#8221;</div><div class="p"> 32Daarop het Jonatan sy pa geantwoord en gevra: &#8220;Waarom moet hy doodgemaak word? Wat het hy gedoen?&#8221; 33Toe Saul die spies na Jonatan mik om hom dood te maak, het Jonatan geweet sy pa is vasbeslote om vir Dawid om die lewe te bring. 34Woedend het Jonatan van die tafel af opgestaan en op die tweede dag van die nuwemaan niks ge&#235;et nie omdat hy bekommerd was oor Dawid en omdat Saul vir Dawid so sleg behandel.</div><div class="p"> 35In die m&#244;re het Jonatan volgens sy afspraak met Dawid uitgegaan na die veld toe, en daar was 'n jong slaaf by hom. 36Hy het vir sy slaaf ges&#234;: &#8220;Hardloop, gaan haal die pyle wat ek afskiet.&#8221;</div><div class="p">Die slaaf het gehardloop en Jonatan het die pyl by hom verby geskiet. 37Toe die slaaf by die plek kom waarheen Jonatan die pyl geskiet het, het Jonatan agter hom aan geroep en ges&#234;: &#8220;Die pyl l&#234; verder.&#8221;</div><div class="p"> 38Jonatan het weer agter hom aan geroep: &#8220;Maak gou! Vinnig! Moenie tyd mors nie!&#8221;</div><div class="p">Die slaaf het toe die pyl opgetel en na Jonatan toe gekom. 39Hy het van niks geweet nie. Net Jonatan en Dawid het daarvan geweet. 40Jonatan het sy wapens aan die slaaf wat by hom was, gegee en vir hom ges&#234;: &#8220;Loop! Vat dit stad toe.&#8221;</div><div class="p"> 41Toe die slaaf weg was, het Dawid opgestaan langs die kliphoop en op sy knie&#235; geval en drie maal vooroor gebuig. Hulle het mekaar gesoen en saam gehuil totdat Dawid baie ontroerd geword het.</div><div class="p"> 42Jonatan het vir Dawid ges&#234;: &#8220;Gaan in vrede omdat ons twee in die Naam van die Here trou gesweer het en ges&#234; het: Die Here is vir altyd daarvan getuie tussen ons en tussen ons twee se nageslagte.&#8221;</div><div class="p"> 43Dawid het toe klaargemaak en weggegaan, maar Jonatan is terug stad toe.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch21" data-usfm="1SA.21">
 <div class="label">21</div><div class="s1">Dawid kom in Nob by Agimelek</div><div class="p"> 1Dawid het in Nob by die priester Agimelek gekom. Agimelek het Dawid ontsteld tegemoet gegaan en gevra: &#8220;Waarom is u alleen? Waarom is daar niemand by u nie?&#8221;</div><div class="p"> 2Dawid het vir die priester Agimelek ges&#234;: &#8220;Die koning het my 'n opdrag gegee en ges&#234;: &#8216;Niemand mag iets weet van die saak waarvoor ek jou stuur en wat ek jou beveel nie.&#8217; Ek het my manskappe op 'n sekere plek bestel. 3Maar nou iets anders: wat het u byderhand? Gee my tog vyf brode of net wat u beskikbaar het.&#8221;</div><div class="p"> 4Die priester het Dawid geantwoord: &#8220;Ek het nie gewone brood byderhand nie, hier is net gewyde brood. As die manskappe hulle tog maar van vrouens weerhou het.&#8221;</div><div class="p"> 5Toe s&#234; Dawid vir die priester: &#8220;Soos altyd wanneer ek gaan oorlog maak, is vrouens vir ons verbode en daarom is die liggame van die manskappe rein. Al is dit ook 'n gewone onderneming, is die liggame vandag tog rein.&#8221;</div><div class="p"> 6Die priester het toe aan hom gewyde brood gegee, want daar was nie gewone brood nie, net die offerbrood wat op 'n bepaalde tyd uit die tempel verwyder word om dit deur vars brood te vervang.</div><div class="p"> 7Een van Saul se slawe moes daardie dag in die tempel deurbring. Sy naam was Do&#235;g. Hy was 'n Edomiet, die hoof van Saul se veewagters.</div><div class="p"> 8Dawid het ook vir Agimelek ges&#234;: &#8220;Is hier nie miskien 'n spies of 'n swaard byderhand nie? Ek kon selfs nie eens my swaard of my ander wapens vat nie, want die saak van die koning was dringend.&#8221;</div><div class="p"> 9Die priester het hom geantwoord: &#8220;Die swaard van Goliat die Filistyn, vir wie u in die dal by die groot boom verslaan het, is hier, toegedraai in 'n mantel agter die skouerkleed. Vat dit vir u as u wil, want in hierdie plek is daar niks behalwe hierdie een nie.&#8221;</div><div class="p">En Dawid s&#234;: &#8220;Daar is nie nog so een nie. Gee dit vir my.&#8221;</div><div class="s1">Dawid vlug na Akis toe</div><div class="p"> 10Hiern&#225; het Dawid klaargemaak en dieselfde dag nog van Saul af weggevlug na koning Akis van Gat toe. 11Akis se amptenare het vir hom ges&#234;: &#8220;Is dit nie Dawid, die koning van die land nie? Sing hulle nie vir hom in koordanse nie:</div><div class="b"></div><div class="q1">&#8220;Saul het sy duisende verslaan,</div><div class="q1">maar Dawid sy tienduisende!&#8221;</div><div class="b"></div><div class="p"> 12Toe Dawid besef wat hulle s&#234;, het hy baie bang geword vir koning Akis van Gat. 13Daarom het Dawid hom voor die Filistyne waansinnig gehou, en terwyl hy by hulle was, het hy hom soos 'n mal mens gedra. Hy het teen die deure van die poort gekrap en sy spoeg in sy baard laat afloop.</div><div class="p"> 14Akis het vir sy amptenare ges&#234;: &#8220;Julle kan mos sien die man is mal. Waarom bring julle hom na my toe? 15Het ek behoefte aan mal mense dat julle hierdie een na my toe bring om by my mal te wees? Moet h&#253; in my huis inkom?&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch22" data-usfm="1SA.22">
 <div class="label">22</div><div class="s1">Dawid skuil in Moab</div><div class="p"> 1Dawid het daarvandaan weggegaan en ontsnap na die Adullamgrot toe. Sy broers en sy hele familie het dit gehoor en daarheen gegaan na hom toe. 2Verder het elkeen wat in die moeilikheid was, en elkeen wat 'n skuldeiser gehad het, en elkeen wat verbitterd was, by hom aangesluit, en hy het hulle leier geword. Daar was ongeveer vier honderd man by hom. 3Daarvandaan het Dawid na Mispe in Moab toe gegaan en vir die koning van Moab gevra: &#8220;Laat my ouers tog uitkom na u toe totdat ek weet wat God aan my sal doen.&#8221;</div><div class="p"> 4Dawid het hulle toe in die sorg van die koning van Moab gelaat. Hulle het by hom gebly so lank as Dawid in die bergskuiling was. 5Maar die profeet Gad het vir Dawid ges&#234;: &#8220;Jy mag nie in die skuiling bly nie. Trek weg en gaan na Juda toe.&#8221;</div><div class="p">Dawid het toe na die Geretbos toe gegaan.</div><div class="s1">Saul laat die priesters van Nob doodmaak</div><div class="p"> 6Terwyl Saul in Gibea op 'n hoogte onder 'n tamarisk gesit het met sy spies in sy hand, en al sy amptenare by hom gestaan het, het hy verneem dat die mense weet waar Dawid en sy manne is. 7Saul het vir sy amptenare wat by hom staan, ges&#234;: &#8220;Luister tog, Benjaminiete! Sal die seun van Isai miskien ook vir julle almal velde en wingerde gee en julle almal aanstel as leiers van duisende en leiers van honderde? 8Julle almal het saamgesweer teen my. Niemand het my vertel dat my seun 'n verbond met die seun van Isai gesluit het nie; niemand van julle het medelye met my nie; niemand het my vertel dat my seun 'n amptenaar van my teen my opmaak, sodat hy vandag vir my 'n bedreiging is nie.&#8221;</div><div class="p"> 9Do&#235;g die Edomiet het tussen die amptenare van Saul gestaan en hy het ges&#234;: &#8220;Ek het die seun van Isai gesien toe hy in Nob by Agimelek seun van Agitub gekom het. 10Agimelek het die Here vir Dawid geraadpleeg en vir hom padkos gegee. Agimelek het ook die swaard van die Filistyn Goliat vir hom gegee.&#8221;</div><div class="p"> 11Daarop het die koning gestuur om die priester Agimelek, seun van Agitub, en sy hele familie, die priesters in Nob, te ontbied, en hulle het almal na die koning toe gekom.</div><div class="p"> 12Saul het toe ges&#234;: &#8220;Luister, seun van Agitub.&#8221;</div><div class="p">En hy het geantwoord: &#8220;Ek luister, U Majesteit.&#8221;</div><div class="p"> 13En Saul het vir hom gevra: &#8220;Waarom het jy en die seun van Isai teen my saamgesweer toe jy vir hom brood en 'n swaard gegee en God vir hom geraadpleeg het, sodat hy teen my in opstand kon kom en vandag vir my 'n bedreiging is?&#8221;</div><div class="p"> 14Agimelek het die koning geantwoord: &#8220;Maar wie van al u amptenare is so betroubaar soos Dawid, die skoonseun van die koning? Hy is die hoof van u lyfwag en geniet ho&#235; aansien in u huis. 15Dit is in elk geval nie die eerste keer dat ek God vir hom geraadpleeg het nie. Die koning moet my en my hele familie nie van iets beskuldig nie, want ek het beslis niks van die hele saak af geweet nie.&#8221;</div><div class="p"> 16Maar die koning het ges&#234;: &#8220;Agimelek, jy moet sterwe, jy en jou hele familie.&#8221;</div><div class="p"> 17Toe beveel die koning die hardlopers wat by hom staan: &#8220;Pak hulle en maak dood die priesters van die Here, want hulle is aan Dawid se kant. Hulle het baie goed geweet dat hy vlug en hulle het my dit nie vertel nie.&#8221;</div><div class="p">Maar die amptenare van die koning wou nie 'n vinger verroer om die priesters van die Here aan te val nie.</div><div class="p"> 18Toe s&#234; die koning vir Do&#235;g: &#8220;Spring onder hulle in en val die priesters aan.&#8221;</div><div class="p">Do&#235;g die Edomiet het onder hulle ingespring, die priesters aangeval en daardie dag vyf en tagtig man wat die linneskouerkleed dra, doodgemaak.</div><div class="s1">Abjatar vlug na Dawid toe</div><div class="p"> 19Nob, die dorp van die priesters, is met die swaard uitgewis: man en vrou, kind en suigling, bees en donkie en kleinvee. 20Maar een seun van Agimelek seun van Agitub het ontkom. Sy naam was Abjatar en hy het agter Dawid aan gevlug. 21Abjatar het aan Dawid vertel dat Saul die priesters van die Here doodgemaak het.</div><div class="p"> 22Dawid het vir Abjatar ges&#234;: &#8220;Ek het daardie dag toe Do&#235;g die Edomiet daar was, geweet dat hy beslis alles vir Saul sou vertel. Ek het die lewe van jou hele familie in gevaar gestel. 23Bly by my en moenie bang wees nie, want hy wat my lewe soek, soek ook jou lewe. Maar jy is veilig by my.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch23" data-usfm="1SA.23">
 <div class="label">23</div><div class="s1">Dawid bevry Ke&#239;la</div><div class="p"> 1Op 'n keer is aan Dawid vertel: &#8220;Die Filistyne veg teen Ke&#239;la en plunder die dorsvloere.&#8221;</div><div class="p"> 2Dawid het die Here geraadpleeg: &#8220;Sal ek optrek en hierdie klomp Filistyne verslaan?&#8221;</div><div class="p">Die Here het vir Dawid geantwoord: &#8220;Trek op en verslaan die Filistyne en bevry Ke&#239;la.&#8221;</div><div class="p"> 3Maar die manne van Dawid s&#234;: &#8220;O nee, ons verkeer hier in Juda alreeds in gevaar, hoeveel te meer as ons na die skanse van die Filistyne toe gaan by Ke&#239;la?&#8221;</div><div class="p"> 4Dawid het weer die Here geraadpleeg, en die Here het geantwoord: &#8220;Maak klaar, trek op na Ke&#239;la toe, want Ek lewer die Filistyne aan jou oor.&#8221;</div><div class="p"> 5Dawid en sy manne het toe opgetrek na Ke&#239;la toe en teen die Filistyne oorlog gemaak. Hy het hulle vee as buit saamgevat nadat hy hulle in 'n groot veldslag verslaan het. So het Dawid die inwoners van Ke&#239;la bevry.</div><div class="s1">Abjatar raadpleeg die Here vir Dawid</div><div class="p"> 6Toe Abjatar seun van Agimelek na Dawid toe in Ke&#239;la gevlug het, het hy die skouerkleed saamgevat. 7Daar is toe aan Saul berig dat Dawid in Ke&#239;la gekom het, en hy het ges&#234;: &#8220;God het Hom aan Dawid onttrek. Hy is nou in my hand, want deur in 'n stad met grendeldeure in te gaan, het hy homself toegesluit.&#8221;</div><div class="p"> 8Saul het al die manskappe opgekommandeer vir die oorlog, om op te trek na Ke&#239;la toe en Dawid en sy manne te bele&#235;r. 9Maar Dawid het te wete gekom dat Saul hom wil aanval en hy het vir die priester Abjatar ges&#234;: &#8220;Bring die skouerkleed hier.&#8221;</div><div class="p"> 10Dawid het ges&#234;: &#8220;Here, God van Israel, ek is u dienaar. Ek het verneem dat Saul na Ke&#239;la toe wil kom om die stad te verwoes omdat ek hier is. 11Sal die regeerders van Ke&#239;la my aan hom uitlewer? Sal Saul optrek soos ek verneem het? Here, God van Israel, lig my tog in.&#8221;</div><div class="p">En die Here antwoord: &#8220;Ja, hy sal optrek.&#8221;</div><div class="p"> 12Toe vra Dawid: &#8220;Sal die regeerders van Ke&#239;la my en my manne aan Saul uitlewer?&#8221;</div><div class="p">Die Here het hom geantwoord: &#8220;Ja.&#8221;</div><div class="p"> 13Dawid en sy manne, ongeveer ses honderd man, het klaargemaak, uit Ke&#239;la uitgegaan en heen en weer rondgetrek. Daar is ook aan Saul vertel dat Dawid uit Ke&#239;la ontsnap het en Saul het sy agtervolging gestaak. 14Daarna het Dawid in die woestyn in bergskuilings gaan woon. Hy het in die berge in die Sifwoestyn gewoon. Saul het hom die hele tyd gesoek, maar God het hom nie in Saul se mag oorgegee nie. 15Toe Dawid besef dat Saul steeds daarop uit is om hom dood te maak, is hy na Goresa toe in die Sifwoestyn.</div><div class="s1">Dawid en Jonatan vernuwe hulle verbond</div><div class="p"> 16Jonatan seun van Saul het toe klaargemaak en na Dawid toe in Goresa gegaan en hom bemoedig in sy vertroue op God. 17Hy het vir hom ges&#234;: &#8220;Moenie bang wees nie, want my pa sal jou nie in die hande kry nie. Jy sal koning word oor Israel, en ek sal onder jou staan. Selfs my pa weet dat dit so is.&#8221;</div><div class="p"> 18Hulle twee het toe 'n verbond voor die Here gesluit. Dawid het in Goresa gebly, en Jonatan het huis toe gegaan.</div><div class="s1">Siffiete verklap Dawid</div><div class="p"> 19Daarna het Siffiete na Saul in Gibea toe gegaan en ges&#234;: &#8220;Dawid kruip by ons weg in die skuilplekke in Goresa, op die Gakilarant suid van die onherbergsame gebied. 20U Majesteit, as dit dan nou u begeerte is om op te trek, trek op en ons sal sorg dat hy aan u uitgelewer word.&#8221;</div><div class="p"> 21Toe antwoord Saul: &#8220;Mag die Here julle se&#235;n omdat julle saam met my voel. 22Gaan dan nou, stel weer vas waar Dawid is, kyk goed en verken die plek: waar sy spore is en wie hom daar gesien het, want iemand het vir my ges&#234; hy is baie uitgeslape. 23Gaan kyk en stel haarfyn vas waar hy oral skuil. Bring vir my sekerheid terug. Dan sal ek saamgaan. Indien hy nog in die land is, sal ek hom opspoor met al die afdelings van Juda.&#8221;</div><div class="p"> 24Die Siffiete het klaargemaak en voor Saul uit na Sif toe gegaan. Dawid en sy manne was in die Maonwoestyn in die vlakte suid van die onherbergsame streek.</div><div class="p"> 25Toe Saul en sy manskappe hom gaan soek, is dit aan Dawid vertel, en hy het na die kliprant toe gegaan, nog in die Maonwoestyn. Saul het dit verneem en Dawid in die Maonwoestyn agtervolg. 26Saul het aan die een kant van die berg langs gegaan, en Dawid en sy manne net aan die ander kant. En toe Dawid bang voor Saul wegvlug, terwyl Saul en sy manskappe al vir Dawid en sy manne begin omsingel om hulle te vang, 27kom daar 'n boodskapper by Saul en s&#234;: &#8220;Maak gou en kom, want die Filistyne het die land ingeval.&#8221;</div><div class="p"> 28Saul het opgehou om Dawid te agtervolg en het die Filistyne tegemoet gegaan. Daarom noem hulle die plek Skeidingsrant.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch24" data-usfm="1SA.24">
 <div class="label">24</div><div class="s1">Dawid spaar Saul se lewe</div><div class="p"> 1Daarvandaan het Dawid in die skuilplekke by En-Gedi gaan bly. 2Net toe Saul van die veldtog teen die Filistyne af terugkom, is aan hom vertel: &#8220;Dawid is in die En-Gediwoestyn.&#8221;</div><div class="p"> 3Saul het drie afdelings manskappe wat uitgesoek is uit die hele Israel, gevat en gegaan om Dawid en sy manne op te spoor in die omgewing van Klipbokrotse. 4Onderweg het Saul afgekom op skaapkrale met 'n grot daarby. Hy het daar ingegaan om homself te ontlas, terwyl Dawid en sy manne agter in die grot sit.</div><div class="p"> 5Dawid se manne s&#234; toe vir hom: &#8220;Kyk daar, vandag s&#234; die Here vir jou: Ek gee jou vyand in jou hand en jy moet met hom maak soos jy dit goedvind.&#8221;</div><div class="p">Dawid het opgestaan en ongemerk die punt van Saul se mantel afgesny. 6Maar agterna het Dawid se gewete hom gepla omdat hy Saul se mantelpunt afgesny het. 7Hy het vir die manne ges&#234;: &#8220;Mag die Here my daarvan bewaar dat ek my hand teen my koning, die gesalfde van die Here, oplig, want hy is die gesalfde van die Here.&#8221;</div><div class="p"> 8So het Dawid sy manne met sy woorde gekeer en hulle nie toegelaat om teen Saul op te tree nie. En Saul het opgestaan en sy koers gegaan uit die grot uit.</div><div class="p"> 9Dawid het ook klaargemaak en uit die grot uitgegaan. Hy het agter Saul aan geroep: &#8220;U Majesteit, die Koning!&#8221; Toe Saul omkyk, het Dawid gekniel en diep gebuig.</div><div class="p"> 10Dawid s&#234; toe vir Saul: &#8220;Waarom luister u na die praatjies van mense wat s&#234; Dawid soek u ondergang? 11U sien vandag met u eie o&#235; dat die Here u nou in die grot in my hand gegee het en as 't ware vir my ges&#234; het om u dood te maak. Maar ek het u gespaar en ges&#234;: &#8216;Ek sal my hand nie teen my koning oplig nie, want hy is die gesalfde van die Here.&#8217; 12My vader, kyk tog, kyk na die punt van u mantel in my hand. Deurdat ek die punt van u mantel afgesny het, maar u nie doodgemaak het nie, kan u weet en sien dat daar geen kwaadwilligheid of opstandigheid by my is nie. Ek het nie teen u in opstand gekom nie, selfs al agtervolg u my om my lewe te neem. 13Die Here sal regspreek tussen my en u en die Here sal my wreek op u, maar ek sal nie teen u wees nie. 14Soos die spreekwoord van die voorgeslag lui:</div><div class="b"></div><div class="q1">&#8220; &#8216;Boosheid gaan uit van die boosdoeners,&#8217;</div><div class="b"></div><div class="m">&#8220;maar ek sal nie teen u wees nie. 15Agter wie aan het die koning van Israel opgetrek? Agter wie kom u aan? Agter 'n dooie hond aan; agter een enkele vlooi aan! 16Die Here sal regter wees en Hy sal regspreek tussen ons. Hy sal sorg en my saak behartig en aan my reg verskaf teenoor u.&#8221;</div><div class="p"> 17Nadat Dawid dit alles vir Saul ges&#234; het, het Saul gevra: &#8220;Is dit jy wat praat, my seun, Dawid?&#8221;</div><div class="p">Toe begin Saul hard huil 18en hy s&#234; vir Dawid: &#8220;Jy is 'n beter man as ek, want jy het aan my goed gedoen en ek het jou kwaad aangedoen. 19Jy het so pas duidelik getoon watter weldaad jy my bewys het deurdat jy my nie doodgemaak het toe die Here my in jou hand oorgegee het nie. 20Sal iemand sy vyand ongedeerd sy koers laat gaan as hy hom raakloop? Mag die Here jou met weldade beloon vir wat jy vandag aan my gedoen het. 21En nou, ek weet jy sal koning word, en die koningskap oor Israel sal in jou hand bestendig wees. 22L&#234; dan nou in die Naam van die Here 'n eed af dat jy nie my nageslag sal uitroei nie en so in my familie aan my naam 'n einde sal maak nie.&#8221;</div><div class="p"> 23Nadat Dawid vir Saul 'n eed afgel&#234; het, het Saul huis toe gegaan, maar Dawid en sy manne het opgegaan na die bergskuiling toe.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch25" data-usfm="1SA.25">
 <div class="label">25</div><div class="s1">Samuel se dood</div><div class="p"> 1Samuel is oorlede, en die hele Israel het bymekaargekom en oor hom gerou. Hulle het hom begrawe by sy huis in Rama.</div><div class="s1">Nabal beledig vir Dawid</div><div class="p">Dawid het klaargemaak en na die Paranwoestyn toe getrek. 2Daar was 'n man in Maon wat sy boerdery in Karmel gehad het, 'n baie ryk man. Hy het drie duisend skape en duisend bokke gehad. Hy was besig om sy skape in Karmel te skeer. 3Die naam van die man was Nabal en die naam van sy vrou Abigajil. Die vrou het 'n goeie verstand gehad en sy was mooi, maar die man was 'n regte korrelkop en onbeskof. Hy was 'n Kalebiet. 4Toe Dawid in die woestyn verneem dat Nabal skape skeer, 5het hy tien jong manne gestuur en vir hulle ges&#234;: &#8220;Gaan na Karmel toe, en as julle by Nabal kom, moet julle hom namens my vra hoe dit gaan. 6En s&#234; vir hom: Gesondheid en voorspoed vir u en u familie en alles wat u besit! 7Ek het verneem dat hulle besig is om by u te skeer. U skaapwagters was by ons en ons het hulle nie kwaad aangedoen nie. Hulle het niks vermis solank hulle in Karmel was nie. 8Vra maar u veewagters sodat hulle dit kan vertel. Wees dan tog my mense goedgesind. Ons het op die regte tyd gekom. Gee asseblief wat u kan afstaan aan u seun Dawid en sy manne.&#8221;</div><div class="p"> 9Die jong manne van Dawid het gekom en Dawid se hele boodskap aan Nabal oorgedra en gewag. 10Maar Nabal het die manne van Dawid geantwoord: &#8220;Wie is Dawid, wie is die seun van Isai? Daar is deesdae baie slawe wat wegloop van hulle eienaars af. 11Moet ek nou my brood en water vat en die vleis wat ek vir my skeerders geslag het, en dit vir mense gee van wie ek nie weet waar hulle vandaan is nie?&#8221;</div><div class="p"> 12Die jong manne van Dawid het net daar in hulle spore omgedraai en teruggegaan. Hulle het alles wat Nabal ges&#234; het, vir Dawid gaan vertel.</div><div class="p"> 13Dawid het toe aan sy manne ges&#234;: &#8220;Gord aan julle swaarde!&#8221; En elkeen het sy swaard aangegord, Dawid ook. Omtrent vier honderd man het saam met Dawid opgetrek, terwyl twee honderd by hulle goed gebly het.</div><div class="p"> 14Een van die veewagters het vir Abigajil, die vrou van Nabal, vertel: &#8220;Dawid het boodskappers uit die woestyn gestuur om vir Meneer te groet, maar hy het teen hulle uitgevaar. 15Tog was die manne baie goed vir ons. Solank ons saam met hulle in die veld rondgetrek het, is ons nie kwaad aangedoen nie, en het ons niks vermis nie. 16Hulle het ons dag en nag beskerm so lank as ons die kleinvee naby hulle opgepas het. 17Nou kan u gerus gou kyk wat u kan doen, want daar is klaar besluit om vir Meneer en sy hele huis te straf; en hy is so 'n verkeerde man dat 'n mens nie met hom daaroor kan praat nie.&#8221;</div><div class="p"> 18Abigajil het gou twee honderd brode, twee kruike wyn, vyf gaargemaakte skape, vyf emmer gebraaide koring, honderd trosse rosyntjies en twee honderd koeke gedroogde vye gevat en op donkies gelaai.</div><div class="p"> 19Sy het vir haar slawe ges&#234;: &#8220;Gaan vooruit. Ek kom sommer nou agter julle aan.&#8221;</div><div class="p">Aan haar man Nabal het sy niks hiervan vertel nie. 20Terwyl sy nog op die donkie ry en in 'n kloof teen die berg afgaan, kom Dawid en sy manne juis na haar kant toe aan, sodat sy hulle te&#235;kom. 21Dawid het juis net gedink: ek het verniet alles wat aan daardie man behoort in die woestyn opgepas, sodat daar niks van sy goed vermis is nie. Hy vergeld my kwaad vir goed. 22Mag God my deur my vyande om die lewe bring as ek teen m&#244;reoggend nog enige manspersoon van Nabal laat oorbly.</div><div class="p"> 23Toe Abigajil vir Dawid sien, het sy gou van die donkie af afgespring en vir Dawid eerbiedig gegroet. Sy het diep gebuig voor hom 24en ges&#234;: &#8220;Verskoon tog die onreg, Meneer! Mag ek vertroulik met u praat? Luister tog na my woorde. 25Meneer moet hom tog nie steur aan daardie verkeerde mens, aan Nabal nie, want hy is net soos sy naam. Sy naam beteken dwaas, en dwaas is hy. Maar ek, ek het nie die manne van Meneer vir wie Meneer gestuur het, gesien nie. 26Meneer, so seker as die Here leef en so seker as wat u self leef, dit is die Here wat gekeer het dat u bloed vergiet en die reg in u eie hande neem. Mag dit met u vyande gaan soos dit met Nabal sal gaan en met almal wat u ondergang soek. 27Neem tog nou hierdie blyk van goeie wense wat ek vir Meneer gebring het, en laat dit gegee word aan die manne wat altyd vir Meneer volg. 28Vergewe tog my oortreding, want die Here sal beslis vir u 'n bestendige huis besorg, omdat Meneer die oorlo&#235; van die Here voer, en mag 'n ramp u nooit tref nie. 29En sou daar iemand opstaan om u te agtervolg en u te probeer doodmaak, mag die lewe van Meneer dan by die Here, u God, veilig wees saam met die lewendes. Maar mag die lewe van u vyande weggeslinger word soos 'n klip uit 'n slingervel. 30Wanneer die Here al die goeie dinge wat Hy oor u ges&#234; het, aan Meneer volbring het, en Hy u as regeerder van Israel aangestel het, 31mag hierdie voorval dan nie vir u tot kwelling en gewetenswroeging wees omdat u onskuldige bloed vergiet het deur die reg in eie hande te neem nie. En wanneer die Here aan Meneer goed gedoen het, mag u my dan in gedagte hou.&#8221;</div><div class="p"> 32Dawid het vir Abigajil ges&#234;: &#8220;Geloof sy die Here die God van Israel wat jou vandag gestuur het om my te ontmoet. 33Mag jy gese&#235;n word vanwe&#235; jou insig en ook omdat jy my vandag verhinder het om bloed te vergiet en die reg in my eie hand te neem. 34Maar, so seker as die Here die God van Israel leef, Hy wat my gekeer het om jou kwaad aan te doen, as jy my nie gou tegemoet gekom het nie, sou daar beslis geen enkele manspersoon van Nabal tot die m&#244;relig oorgebly het nie.&#8221;</div><div class="p"> 35Daarna het Dawid die goed wat sy gebring het, aanvaar en vir haar ges&#234;: &#8220;Wees gerus en gaan maar huis toe. Kyk, ek het jou versoek gehoor en ek staan dit toe.&#8221;</div><div class="p"> 36Toe Abigajil by Nabal kom, het hy in sy huis 'n feesmaal gehad soos 'n koning. Nabal was opgeruimd en baie dronk. Voor die oggend met ligdag het sy hom hoegenaamd niks vertel nie. 37Die oggend het Nabal nugter geword, en toe sy vrou hom al hierdie dinge vertel, het hy 'n beroerteaanval gekry en is hy heeltemal verlam. 38Omtrent tien dae later het die Here hom weer met 'n aanval getref, en het hy gesterf.</div><div class="s1">Dawid trou met Abigajil</div><div class="p"> 39Toe Dawid hoor dat Nabal dood is, het hy ges&#234;: &#8220;Geloof sy die Here wat my regsaak behartig het oor die onreg wat Nabal my aangedoen het, en my van kwaad weerhou het. Die Here het Nabal se kwaad op sy eie kop laat afkom.&#8221;</div><div class="p">Daarna het Dawid gestuur en met Abigajil laat praat om haar as vrou vir hom te neem. 40Die manne van Dawid het by Abigajil die Karmeliet gekom en vir haar ges&#234;: &#8220;Dawid het ons na u toe gestuur om u as vrou vir hom te neem.&#8221;</div><div class="p"> 41Sy het opgestaan en gebuig en ges&#234;: &#8220;Ag nee, ek wil net 'n slavin wees om die voete van Meneer se manne te was.&#8221;</div><div class="p"> 42Abigajil het toe gou klaargemaak en op 'n donkie gery terwyl haar vyf slavinne te voet gevolg het. Sy het die boodskappers van Dawid gevolg en sy vrou geword.</div><div class="p"> 43Dawid was reeds met Aginoam uit Jisre&#235;l getroud. Hy het nou twee vrouens gehad. 44Saul het sy dogter Mikal, die vrou van Dawid, aan Palti die seun van Lajis uit Gallim gegee.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk1SA">
 <div class="chapter ch26" data-usfm="1SA.26">
 <div class="label">26</div><div class="s1">Dawid sluip Saul se kamp binne</div><div class="p"> 1Daarna het Siffiete by Saul in Gibea gekom en ges&#234;: &#8220;Dawid kruip weg op die Gakilarant teenoor die onherbergsame streek.&#8221; 2Saul het toe klaargemaak en na die Sifwoestyn toe gegaan. Saam met hom was daar drie afdelings, uitgesoektes uit Israel, om Dawid in die Sifwoestyn op te spoor. 3Saul het kamp opgeslaan langs die pad op die Gakilarant, wat teenoor die onherbergsame gebied is. Dawid het in die woestyn gebly. Toe hy hoor dat Saul tot in die woestyn agter hom aankom, 4het Dawid spioene uitgestuur en so het hy sekerheid gekry dat Saul na hom toe op pad was. 5Toe het Dawid klaargemaak en by die plek gekom waar Saul kamp opgeslaan het. Dawid het die plek gesien waar Saul en Abner seun van Ner, die hoof van Saul se le&#235;r, gel&#234; en slaap het. Saul het op die wa gel&#234; en die manskappe rondom hom. 6En Dawid het vir Agimelek die Hetiet, en vir Abisai, broer van Joab en seun van Seruja, gevra: &#8220;Wie wil saam met my na Saul toe in die kamp gaan?&#8221;</div><div class="p">Abisai het geantwoord: &#8220;Ek sal saam met jou gaan.&#8221;</div><div class="p"> 7Dawid en Abisai het daardie nag by die manskappe van Saul gekom, en Saul was vas aan die slaap op die wa terwyl sy spies aan die koppenent in die grond steek en Abner en die manskappe rondom hom l&#234; en slaap. 8Abisai het vir Dawid ges&#234;: &#8220;God het jou vyand nou in jou mag oorgegee. Laat ek hom nou sommer hier met die spies in die grond vassteek. Ek sal hom nie 'n tweede keer hoef te steek nie.&#8221;</div><div class="p"> 9Maar Dawid het vir Abisai ges&#234;: &#8220;Jy moet hom nie om die lewe bring nie, want wie sal sy hand oplig teen die gesalfde van die Here en nog onskuldig wees?&#8221; 10Dawid het ook ges&#234;: &#8220;So seker as die Here leef, die Here sal hom met 'n vroe&#235; dood tref, of sy tyd sal aanbreek en hy sal sterwe, of hy sal gaan oorlog maak en hy sal omkom. 11Mag die Here my verhinder dat ek my hand oplig teen die gesalfde van die Here. Vat net die spies by sy koppenent en die waterkruik en laat ons hier wegkom.&#8221;</div><div class="p"> 12Dawid het die spies en die waterkruik by Saul se koppenent gevat en weggegaan sonder dat iemand iets gesien of gehoor het of wakker geword het, want almal het geslaap. Die Here het hulle vas laat slaap. 13Daarna het Dawid na die oorkant toe gegaan en op die top van die berg gaan staan, ver weg met 'n groot afstand tussen hulle.</div><div class="p"> 14Dawid het na die manskappe van Saul en na Abner seun van Ner geroep: &#8220;Abner, antwoord jy dan nie?&#8221;</div><div class="p">En Abner het geantwoord: &#8220;Wie is jy wat na die koning roep?&#8221;</div><div class="p"> 15Toe s&#234; Dawid vir Abner: &#8220;Is jy nie 'n man nie? Wie is soos jy in Israel? Waarom het jy nie wag gestaan by jou koning nie? Daar het een van die volk gekom om die koning dood te maak. 16Wat jy gedoen het, is nie goed nie. So seker as die Here leef, julle moet eintlik dood wees omdat julle nie by julle koning, die gesalfde van die Here, wag gestaan het nie. Kyk net 'n bietjie! Waar is die koning se spies en die waterkruik wat by sy koppenent was?&#8221;</div><div class="p"> 17Saul het Dawid se stem herken en ges&#234;: &#8220;Is dit jy wat praat, my seun, Dawid?&#8221;</div><div class="p">Dawid het ges&#234;: &#8220;Dit is, U Majesteit!&#8221; 18Hy het verder gevra: &#8220;Waarom agtervolg die koning tog sy onderdaan? Wat het ek gedoen wat verkeerd is? 19Maar nou moet die koning tog na my luister. As dit die Here is wat u teen my aanhits, bring dan vir Hom 'n offer. Maar as dit mense is, vervloek is hulle voor die Here, want hulle het my nou uitgedryf sodat ek voel asof ek nie meer aan die volk van die Here behoort nie. Hulle het ges&#234;: &#8216;Gaan dien vreemde gode.&#8217; 20Laat my bloed tog nie ver van die heiligdom af op die grond val nie. Waarlik, die koning van Israel het uitgetrek om een enkele vlooi te soek soos 'n mens 'n patrys in die berge agtervolg.&#8221;</div><div class="p"> 21Maar Saul het ges&#234;: &#8220;Ek het 'n fout gemaak. Kom terug, my seun, Dawid, want ek sal nie meer verkeerd teenoor jou optree nie omdat jy vandag my lewe gespaar het. Ja regtig, ek het dwaas opgetree en 'n growwe fout gemaak.&#8221;</div><div class="p"> 22Toe s&#234; Dawid: &#8220;Hier is die koning se spies. Laat een van u manskappe tog oorkom en dit kom haal. 23Mag die Here elkeen volgens sy geregtigheid en trou beloon, want die Here het u vandag in my mag gegee. Maar ek was nie bereid om my hand te lig teen die gesalfde van die Here nie. 24En kyk, mag die Here my lewe net so spaar soos ek vandag u lewe gespaar het, en mag Hy my uit elke benoudheid red.&#8221;</div><div class="p"> 25Saul het vir Dawid ges&#234;: &#8220;Mag dit goed gaan met jou, my seun, Dawid. Jy sal van krag tot krag gaan en beslis ook die oorhand kry.&#8221;</div><div class="p">Daarna het Dawid sy koers ingeslaan, en Saul het omgedraai huis toe.</div>
 </div>
 </div>
</div>

OT90 (Old Testament in 90 Days)Voorbeeld

Skrif

Aangaande hierdie leesplan

Verwante Leesplanne