Vryheid

Jesus het gekom sodat ons in vryheid kan lewe. Nie net vryheid van ons sondes nie, maar ook vryheid van ons verlede se pyn, vasgevang in 'n houpatroon of om na dinge te jaag wat ons leeg laat. So baie mense dra swaar aan die las van teleurstelling, seerkry en onvervulde verwagtinge, maar God wil hê ons moet voluit leef.

In my vroeë volwasse jare het ek die wêreld geglo dat jy 'n man nodig het om gelukkig te wees. Ek was desperaat om 'n man te kry. Ek wou 'n "vir altyd" troudatum hê, gelukkige familiefoto's, die hele boel! Ek wou beslis nie 30 jaar oud word en nog enkellopend en kinderloos wees nie. Ek wou nie alleen wees nie, dus het ek vreeslik gebid om 'n man te kry. 

Tog het ek gou besef my redes om 'n man te kry, was heeltemal verkeerd. My gebede was klein en het heeltemal net om myself gedraai. Ek was verteer van verlange om 'n man te hê, in plaas daarvan om verteer te wees oor wat my regtig sou vervul — om God te ken en vir Hom te lewe. Ek weet nou om 'n man te hê, sal my nie onderhou nie. Indien daardie tyd wel kom, sal om te trou soos die kersie op die koek wees. Dit sal daardie bietjie ekstra wees bo en behalwe wat my werklik onderhou — en dit is Jesus. 

Gedurende my enkellopende jare, het ek geleer dat God goed is, selfs in die wagperiodes. Selfs in die teleurstelling, seerkry en onsekerheid, is Hy getrou. Vandag is my lewe anders as wat ek gedink het dit sou wees, maar dis soveel beter as wat ek ooit gedroom het. Ek lewe nou in vryheid met die wete dat ek nie myself in 'n vorm hoef te giet waarvoor ek nooit ontwerp is nie. Ek is ten volle oorgegee, genees en hoopvol vir dit wat kom. Ek droom nog om 'n gesin te hê, maar ek is tevrede in die Here.

As jy voel daar is meer om voor te lewe as waarvoor jy nou lewe, wil ek jou aanmoedig om nog meer op God te leun. Die goeie wat God vir jou wil gee, is baie meer as om 'n man te hê. In Hom kry jy genesing van jou verlede, vertroosting en doel in die wagperiode en hoop vir dit wat nog kom.

Om die lewe voluit te leef, beteken om Jesus te ken, lief te hê en te volg. Daar is vreugde om 'n intieme verhouding met Jesus te hê en te glo jy is presies waar Hy jou op hierdie oomblik wil hê. Om vrede te hê, is om te weet al het die verlanges van jou hart nog nie gebeur nie, kan jy God met vandag en jou toekoms vertrou. Om voluit vir Hom te lewe, beteken jy lewe in vryheid.