Is ek sout en lig soos die Woord van my vra?

Die krag van ’n biddende vrou

Die sin van die lewe

Die deur is toe; wat nou?

Net ek en U Here, getrouheid in die geheime plek - PC Pretorius

Die Troos van die Psalms in die Stryd van die Lewe

Tye van groei

Groei in geloof

7 Lewensbesluite vir geestelike krag

Lewe ek in die Lig van God se Waarheid

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch37" data-usfm="GEN.37">
 <div class="label">37</div><div class="s1">Josef en sy drome</div><div class="p"> 1Jakob het in Kana&#228;n gebly, die land waar sy voorvaders ook as vreemdelinge gebly het. 2Hier volg die familiegeskiedenis van Jakob.</div><div class="p">Josef was nog jonk, sewentien, toe hy kleinvee opgepas het saam met sy broers, die seuns van Bilha en Silpa, sy pa se vrouens. Josef het slegte stories oor sy broers by hulle pa aangedra.</div><div class="p"> 3Van al sy seuns was Israel die liefste vir Josef, die seun wat in sy ouderdom gebore is, en daarom het hy vir Josef lang klere met moue gemaak. 4Toe sy broers sien dat hulle pa vir Josef liewer het as vir enige van hulle, het hulle 'n afkeer van Josef gekry en het hulle niks goeds oor hom ges&#234; nie.</div><div class="p"> 5Op 'n keer het Josef gedroom en dit vir sy broers vertel. Daarna was hulle afkeer van hom nog groter. 6Hy het vir hulle ges&#234;: &#8220;Luister na die droom wat ek gehad het. Ons was op die land besig om gerwe te bind 7en skielik gaan staan my gerf regop en julle gerwe gaan staan daar rondom en hulle buig voor myne.&#8221;</div><div class="p"> 8Toe s&#234; sy broers vir hom: &#8220;Jy verbeel jou jy sal oor ons koning word. Dink jy dalk jy sal oor ons regeer?&#8221;</div><div class="p">Oor sy drome en sy praatjies het hulle 'n nog groter afkeer van hom gekry.</div><div class="p"> 9Hy het ook nog 'n ander droom gehad en hy het dit vir sy broers vertel. Hy het ges&#234;: &#8220;Ek het weer gedroom. Die son en die maan en elf sterre het voor my kom buig.&#8221;</div><div class="p"> 10Toe hy dit vir sy pa en sy broers vertel, het sy pa hom berispe en vir hom ges&#234;: &#8220;Wat vir 'n soort droom is dit wat jy gehad het? Verbeel jy jou ek en jou ma en jou broers moet voor jou kom buig?&#8221;</div><div class="p"> 11Sy broers was afgunstig op hom, en sy pa het aan die droom bly dink.</div><div class="s1">Josef word 'n slaaf</div><div class="p"> 12Josef se broers het hulle pa se kleinvee gaan oppas in Sigem. 13Toe s&#234; Israel vir Josef: &#8220;Kyk, jou broers pas die kleinvee op in Sigem. Ek wil jou na hulle toe stuur.&#8221;</div><div class="p">Josef het geantwoord: &#8220;Goed, Pa!&#8221;</div><div class="p"> 14Toe s&#234; Israel vir hom: &#8220;Gaan kyk of alles nog reg is by jou broers en met die kleinvee en kom vertel my alles.&#8221;</div><div class="p">Israel het hom van die laagte by Hebron af gestuur na Sigem toe. 15Hy het daar in die veld rondgesoek, en toe kom 'n man by hom en di&#233; vra vir hom: &#8220;Wat soek jy?&#8221;</div><div class="p"> 16Josef antwoord hom: &#8220;Ek soek my broers. Kan jy my dalk s&#234; waar hulle die kleinvee oppas?&#8221;</div><div class="p"> 17Toe s&#234; die man: &#8220;Hulle het van hier af versit. Ek het gehoor hulle s&#234; hulle wil na Dotan toe gaan.&#8221;</div><div class="p">Josef is toe agter sy broers aan en hy het hulle by Dotan gekry.</div><div class="p"> 18Hulle het hom al van ver af gesien en voor hy by hulle gekom het, het hulle ooreengekom om hom dood te maak. 19Hulle het naamlik vir mekaar ges&#234;: &#8220;Kyk, daar kom die ou dromer aan. 20Kom ons maak hom dood en gooi hom in 'n put. Ons kan s&#234; 'n roofdier het hom opgevreet. Dan sal ons sien wat word van sy drome.&#8221;</div><div class="p"> 21Ruben het hulle hoor praat en omdat hy vir Josef wou red, het Ruben ges&#234;: &#8220;Nee, ons moet hom nie doodmaak nie. 22Moenie moord pleeg nie. Gooi hom liewer in hierdie put hier in die veld. Moenie sy lewe neem nie.&#8221; Ruben het dit ges&#234; sodat hy vir Josef kon red en hom na sy pa toe kon terugstuur.</div><div class="p"> 23Josef het skaars by sy broers aangekom of hulle trek sy klere uit, die lang klere met moue wat hy aangehad het, 24en vat hom en gooi hom in die put. Dit was 'n dro&#235; put, sonder water. 25Daarna het hulle gaan sit en eet, en toe hulle weer sien, kom daar 'n klomp Ismaelitiese handelaars uit Gilead aan. Hulle was op pad na Egipte toe en op hulle kamele was daar gom, balsem en hars gelaai.</div><div class="p"> 26Toe s&#234; Juda vir sy broers: &#8220;Watter nut het dit vir ons om ons broer dood te maak en dit dig te hou? 27Kom ons verkoop hom aan die Ismaeliete. Ons moenie sy lewe neem nie, hy is ons broer, hy is bloedfamilie.&#8221;</div><div class="p">Juda se broers het na hom geluister, 28en toe daar van die Midianitiese handelaars verbykom, het die broers vir Josef uit die put uit opgetrek en vir twintig stukke silwer aan die Ismaeliete verkoop en di&#233; het hom Egipte toe gevat.</div><div class="p"> 29Toe Ruben terugkom by die put, was Josef nie daar nie. Ruben het sy klere geskeur 30en teruggegaan na sy broers toe en vir hulle ges&#234;: &#8220;Die kind is weg! Wat moet ek nou doen?&#8221;</div><div class="p"> 31Maar sy broers het 'n boklam geslag en die klere van Josef gevat en in die bloed gedoop. 32Toe stuur hulle Josef se klere met 'n boodskap vir hulle pa: &#8220;Ons het d&#237;t opgetel. Kyk of dit dalk u seun se klere is.&#8221;</div><div class="p"> 33Israel het dit herken en ges&#234;: &#8220;Dit is my seun se klere. 'n Roofdier het hom opgevreet. Josef is opgevreet!&#8221;</div><div class="p"> 34Jakob het sy klere geskeur en rouklere aangetrek. Hy het lank oor sy seun getreur. 35Al sy kinders het vir Jakob probeer troos, maar hy wou hom nie laat troos nie. Hy het ges&#234;: &#8220;Ek sal bly treur oor my seun tot ek by hom in die dood is.&#8221;</div><div class="p">So het Josef se pa bly treur oor hom.</div><div class="p"> 36Die Midianiete het vir Josef in Egipte verkoop aan Potifar. Hy was aan die farao se paleis verbonde as hoof van die lyfwag.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch38" data-usfm="GEN.38">
 <div class="label">38</div><div class="s1">Juda en Tamar</div><div class="p"> 1Destyds het Juda weggetrek van sy broers af, in die rigting van Adullam waar hy by 'n man met die naam Gira uitgekom het. 2Daar het Juda vir Bat-Sua, 'n Kana&#228;nitiese meisie, raakgeloop en met haar getrou. Hy het met haar gemeenskap gehad, 3en sy het swanger geword en 'n seun in die w&#234;reld gebring. Juda het hom Er genoem. 4Sy het weer swanger geword en nog 'n seun in die w&#234;reld gebring en hom Onan genoem. 5Toe Juda in Kesib was, het sy weer 'n seun in die w&#234;reld gebring en hom Sela genoem.</div><div class="p"> 6Juda het sy oudste seun Er laat trou met Tamar. 7Maar Er, Juda se oudste, was in die o&#235; van die Here 'n slegte man, en die Here het hom laat sterf.</div><div class="p"> 8Toe s&#234; Juda vir Onan: &#8220;Gaan na jou broer se weduwee toe, jou skoonsuster, en trou met haar, en sorg dat daar kinders gebore word vir jou broer.&#8221;</div><div class="p"> 9Onan het geweet dat die kinders wat gebore sou word, nie as syne beskou sou word nie, en daarom het hy elke keer as hy met die weduwee van sy broer gemeenskap gehad het, gesorg dat sy saad op die grond kom. Hy wou nie dat daar kinders vir sy broer gebore word nie. 10Maar wat Onan gedoen het, was verkeerd in die o&#235; van die Here, en Hy het ook vir hom laat sterf.</div><div class="p"> 11Toe s&#234; Juda vir sy skoondogter Tamar: &#8220;Gaan terug na jou pa se huis toe en bly daar 'n weduwee totdat my seun Sela groot is.&#8221; Maar Juda het eintlik gedink: netnou sterf h&#253; ook soos sy broers.</div><div class="p">Tamar is toe weg en sy het in haar pa se huis gebly.</div><div class="p"> 12'n Lang ruk hiern&#225; het Juda se vrou Bat-Sua gesterf. Nadat hy oor haar gerou het, is hy na Timna toe om sy kleinvee te laat skeer. Sy vriend Gira van Adullam is saam. 13Daar is aan Tamar vertel dat haar skoonpa na Timna toe gaan om sy kleinvee te laat skeer. 14Ondertussen het sy gemerk dat Sela al groot is, maar dat sy nog nie vir hom as vrou gegee is nie. Sy het toe haar rouklere tuis gelaat, haar gesig met 'n sluier toegemaak, haar vermom en by die poort van Enajim langs die Timnapad gaan sit.</div><div class="p"> 15Juda het haar gesien en gedink sy is 'n prostituut. Haar gesig was mos toegemaak. 16Hy het na haar toe uitgedraai en vir haar ges&#234;: &#8220;Kom! Ek wil met jou gemeenskap h&#234;!&#8221;</div><div class="p">Hy het nie besef dat dit sy skoondogter is nie.</div><div class="p">Toe vra sy vir hom: &#8220;Wat sal jy my daarvoor betaal?&#8221;</div><div class="p"> 17Hy het geantwoord: &#8220;Ek sal vir jou 'n boklam uit my kudde stuur,&#8221; maar sy s&#234;: &#8220;Dan moet jy my solank 'n pand gee.&#8221;</div><div class="p"> 18Toe vra hy: &#8220;Wat se pand kan ek jou gee?&#8221;</div><div class="p">Sy het geantwoord: &#8220;Jou se&#235;lring met die ketting en jou kierie.&#8221;</div><div class="p">Hy het dit vir haar gegee en met haar gemeenskap gehad en sy het swanger geword.</div><div class="p"> 19Sy is toe terug huis toe waar sy haar sluier afgehaal en weer haar rouklere aangetrek het. 20Juda het sy vriend, Gira van Adullam, gestuur met die boklam om die pand by haar te gaan haal, maar hy kon haar nie opspoor nie. 21Hy het navraag gedoen by die mense van die plek waar sy gesit het. Hy het gevra: &#8220;Waar is daardie tempelprostituut wat by Enajim langs die pad was?&#8221;</div><div class="p">Hulle het hom geantwoord: &#8220;Hier by ons is nie 'n tempelprostituut nie.&#8221;</div><div class="p"> 22Hy is toe terug en het vir Juda ges&#234;: &#8220;Ek kon haar nie kry nie. En die mense van daardie plek s&#234; self ook daar is nie 'n tempelprostituut by hulle nie.&#8221;</div><div class="p"> 23Toe s&#234; Juda: &#8220;Laat sy die goed hou. Netnou maak ek nog 'n gek van my. Ek sou die boklam stuur, maar jy kon die vrou nie kry nie.&#8221;</div><div class="p"> 24Drie maande later is aan Juda vertel: &#8220;Jou skoondogter Tamar het haar soos 'n prostituut gedra en is swanger.&#8221;</div><div class="p">Toe s&#234; hy: &#8220;Bring haar uit dat sy kan verbrand word.&#8221;</div><div class="p"> 25Maar toe hulle haar wou gaan haal, stuur sy 'n boodskap na haar skoonpa toe: &#8220;Die man aan wie hierdie goed behoort &#8211; ek het by hom swanger geword. Stel vas aan wie hierdie se&#235;lring met die ketting en die kierie behoort.&#8221;</div><div class="p"> 26Juda het dit herken en ges&#234;: &#8220;Sy is onskuldig, ek nie! Ek moes my seun Sela aan haar as man gegee het.&#8221;</div><div class="p">Juda het nooit weer met haar gemeenskap gehad nie.</div><div class="p"> 27Toe die tyd van haar bevalling aanbreek, het dit geblyk dat sy 'n tweeling verwag. 28Toe die geboorte begin, het een van die twee sy hand uitgesteek en die vroedvrou het dit gegryp en 'n stukkie rooi garing daarom gebind. Sy het ges&#234;: &#8220;Hierdie een is eerste.&#8221;</div><div class="p"> 29Maar toe trek hy sy hand terug en sy broertjie kom. Toe s&#234; sy: &#8220;Jy het met krag vorentoe gekom.&#8221;</div><div class="p">Hy is toe Peres genoem.</div><div class="p"> 30Daarna het die broertjie gekom om wie se hand die rooi garing was, en hy is Serag genoem.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch39" data-usfm="GEN.39">
 <div class="label">39</div><div class="s1">Josef in Potifar se huis</div><div class="p"> 1Josef is na Egipte toe gebring. Potifar, 'n amptenaar van die farao en hoof van die lyfwag, 'n Egiptenaar van geboorte, het vir Josef by die Ismaeliete gekoop wat hom Egipte toe gevat het. 2Die Here was by Josef en dit het baie goed gegaan met hom. Hy het in die huis van sy eienaar, die Egiptenaar, gebly. 3Toe Potifar, Josef se eienaar, sien dat die Here by Josef is en dat die Here alles wat Josef aanpak, laat slaag, 4was Potifar hom goedgesind. Hy het Potifar se persoonlike slaaf geword en Potifar het hom aangestel oor sy hele huishouding, en al sy besittings is onder Josef se sorg geplaas. 5Van toe af het die Here die huis van die Egiptenaar gese&#235;n. Dit was oor Josef dat die Here dit gedoen het. Die se&#235;n van die Here het gerus op al Potifar se besittings, di&#233; in sy huis en di&#233; in die veld. 6Hy het alles aan Josef oorgelaat en hom aan niks gesteur nie, behalwe aan sy kos.</div><div class="p">Josef was fris gebou en mooi. 7Na sy bevordering in sy eienaar se huis het di&#233; se vrou na Josef gekyk en vir hom ges&#234;: &#8220;Kom slaap by my.&#8221;</div><div class="p"> 8Maar hy wou nie en hy het vir sy eienaar se vrou ges&#234;: &#8220;Meneer steur hom aan niks vandat ek hier is nie. Wat hy besit, het hy onder my sorg geplaas. 9Daar is niemand wat in hierdie huis meer gesag het as ek nie. Meneer het niks van my teruggehou nie, behalwe vir u, want u is sy vrou. Hoe kan ek so 'n verkeerde ding doen? Ek sal mos teen God sondig!&#8221;</div><div class="p"> 10Sy het dag vir dag by Josef aangehou, maar hy het bly weier om by haar te gaan slaap. 11Op 'n dag toe Josef in die huis ingaan om sy werk te doen, was daar niemand van die ander slawe in die huis nie. 12Toe gryp Potifar se vrou hom aan sy klere en s&#234;: &#8220;Kom l&#234; by my.&#8221; Maar Josef het buitentoe gevlug, terwyl sy 'n stuk van sy klere in haar hand bly hou. 13Toe sy sien dat hy buitentoe gevlug het terwyl sy 'n stuk van sy klere in haar hand bly hou, 14roep sy die ander slawe van haar huis en s&#234; vir hulle: &#8220;Kyk, Meneer het hierdie Hebre&#235;r na ons toe gebring om ons te kom verneder. Hy wou by my kom slaap, maar toe ek hard begin skree 15en hy hoor hoe hard ek aanhou roep, het hy buitentoe gevlug en hierdie stuk klere by my gelos.&#8221;</div><div class="p"> 16Sy het die stuk klere by haar gehou tot Josef se eienaar huis toe gekom het. 17Sy het alles vir hom vertel en vir hom ges&#234;: &#8220;Die Hebreeuse slaaf wat jy hier by ons ingebring het, het by my kom aanl&#234;, 18maar toe ek hard aanhou roep, het hy buitentoe gevlug en hierdie stuk klere by my gelos.&#8221;</div><div class="p"> 19Toe Josef se eienaar by sy vrou hoor wat sy slaaf alles aan haar gedoen het, was hy kwaad, 20en het hy vir Josef gevat en in die tronk gegooi waarin die mense was wat deur die koning gevange gehou is.</div><div class="p">Terwyl Josef daar in die tronk was, 21was die Here by hom, en Hy het Josef sy troue liefde laat ondervind, sodat die tronkbewaarder hom goedgesind geword het. 22Hy het vir Josef in beheer geplaas van al die gevangenes in die tronk en van wat hulle moes doen. Josef was vir alles verantwoordelik, 23en die tronkbewaarder het nie meer na iets omgesien nie; alles was in Josef se hande, want die Here was by hom. Wat Josef ook al aangepak het, die Here het dit laat slaag.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch40" data-usfm="GEN.40">
 <div class="label">40</div><div class="s1">Josef l&#234; die skinker en die bakker se drome uit</div><div class="p"> 1'n Ruk nadat Josef in die tronk gesit is, het 'n skinker en 'n bakker van Egipte se koning verkeerd opgetree teenoor hulle koning. 2Die farao het kwaad geword vir sy twee amptenare, die hoof van die skinkers en die hoof van die bakkers. 3Hy het hulle in dieselfde tronk laat sit waarin Josef opgesluit was, in die gebou van die koninklike lyfwag. 4Die hoof van die lyfwag het Josef vir hulle beskikbaar gestel: hy moes hulle bedien.</div><div class="p">Toe hulle al lank in die tronk was, 5het die twee een nag gedroom. Die skinker en die bakker van die koning van Egipte het daar waar hulle in die tronk opgesluit was, elkeen sy eie droom gehad met sy eie uitleg. 6Josef het die volgende m&#244;re by hulle gekom en opgemerk dat hulle bedruk was. 7Hy het vir die twee wat saam met hom in die tronk was, die amptenare van die farao, gevra: &#8220;Waarom lyk julle vandag so bedruk?&#8221;</div><div class="p"> 8Hulle het hom geantwoord: &#8220;Ons het elkeen 'n droom gehad en ons weet nie wat dit beteken nie.&#8221;</div><div class="p">Toe s&#234; Josef vir hulle: &#8220;God ken julle drome se uitleg. Vertel die drome vir my.&#8221;</div><div class="p"> 9Die hoof van die skinkers het sy droom vir Josef vertel. Die skinker het ges&#234;: &#8220;In my droom het ek 'n wingerdstok voor my gesien, 10en aan die wingerdstok was daar drie lote. Dit het kwalik gebot of daar was al blomme, en toe is die trosse druiwe ryp. 11Ek het die farao se beker in my hand gehad en ek het die druiwe gepluk en daarin uitgedruk. Toe gee ek die beker vir die farao.&#8221;</div><div class="p"> 12Josef het vir die skinker ges&#234;: &#8220;Dit is die uitleg: die drie lote is drie dae. 13Oor drie dae sal die farao aan jou aandag gee en jou in jou amp herstel. Jy sal weer vir die farao sy beker aangee soos vroe&#235;r toe jy sy skinker was. 14Maar wanneer dit goed gaan met jou, moet jy aan my dink en moet jy my 'n guns bewys. Jy moet my saak vir hom stel en sorg dat ek uit hierdie plek uitkom. 15Ek is uit die land van die Hebre&#235;rs gesteel en ook hier het ek niks gedoen waaroor hulle my in hierdie gat kon gooi nie.&#8221;</div><div class="p"> 16Toe die hoof van die bakkers die gunstige uitleg hoor wat Josef gegee het, s&#234; hy vir hom: &#8220;En nou ek! In my droom was daar drie mandjies met brood op my kop. 17In die boonste mandjie was daar 'n geurige baksel vir die farao. Maar die vo&#235;ls het dit so uit die mandjie uit op my kop kom opvreet.&#8221;</div><div class="p"> 18Josef het vir die bakker ges&#234;: &#8220;Dit is die uitleg: die drie mandjies is drie dae. 19Oor drie dae sal die farao aan jou aandag gee, maar vir j&#243;&#250; sal hy aan 'n paal laat ophang en die vo&#235;ls sal jou vleis van jou afvreet.&#8221;</div><div class="p"> 20Drie dae later was dit die farao se verjaarsdag en hy het al sy amptenare op 'n groot ete onthaal. Daar voor sy amptenare het hy aandag gegee aan die saak van die skinker en die bakker. 21Hy het die hoof van die skinkers in sy amp as skinker herstel, en die skinker het weer vir die farao sy beker aangegee, 22maar hy het die hoof van die bakkers laat ophang. Dit alles het gebeur soos Josef vir die twee hulle drome uitgel&#234; het.</div><div class="p"> 23Maar die hoof van die skinkers het nie aan Josef gedink nie, hy het van Josef vergeet.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch41" data-usfm="GEN.41">
 <div class="label">41</div><div class="s1">Josef l&#234; die farao se drome uit</div><div class="p"> 1Twee jaar later het die farao 'n droom gehad. Hy het gedroom hy staan langs die Nyl. 2Uit die rivier kom daar toe sewe mooi vet koeie uit en hulle gaan wei in die vleigras. 3N&#225; hulle kom daar toe sewe ander koeie uit die rivier uit. Hulle was lelik en maer en het langs die ander koeie op die rivierwal gaan staan. 4Toe vreet die lelike maer koeie die sewe mooi vettes op.</div><div class="p">Daarna het die farao wakker geskrik.</div><div class="p"> 5Hy het weer aan die slaap geraak en weer gedroom. Hy het gesien hoe sewe mooi vol are opskiet aan een stingel. 6N&#225; hulle kom daar toe sewe skraal are uit wat verskroei is deur die oostewind. 7Die skraal are sluk toe die sewe vol vet are in. Daarna het die farao wakker geskrik, en hy het besef hy het gedroom.</div><div class="p"> 8Die m&#244;re was die farao onrustig oor die drome. Hy het al die waars&#234;ers van Egipte en ook die raadgewers almal laat roep en vir hulle sy droom vertel. Maar niemand kon dit vir hom uitl&#234; nie.</div><div class="p"> 9Toe s&#234; die hoof van die skinkers vir die farao: &#8220;Vandag moet ek u herinner aan die verkeerde ding wat ek vroe&#235;r gedoen het. 10U het toe kwaad geword vir u dienaars, vir my en vir die hoof van die bakkers, en u het ons laat opsluit in die tronk in die huis van die hoof van u lyfwag.</div><div class="p"> 11&#8220;Daar het ons in een en dieselfde nag 'n droom gehad, elkeen sy eie droom met sy eie uitleg. 12Saam met ons was 'n Hebreeuse jongman, 'n slaaf van die hoof van die lyfwag. Ons het toe ons drome vir hom vertel, en hy het dit vir ons uitgel&#234;. Hy het dit uitgel&#234; volgens elkeen se droom. 13Soos hy dit vir ons uitgel&#234; het, het dit daarna gebeur: vir my het hy in my amp laat herstel en die bakker het hy laat ophang.&#8221;</div><div class="p"> 14Toe het die farao vir Josef laat roep en hulle het hom gou uit die tronk gehaal. Nadat hulle hom geskeer en ander klere aangetrek het, is hy na die farao toe.</div><div class="p"> 15Die farao het vir Josef ges&#234;: &#8220;Ek het 'n droom gehad, maar daar is niemand wat dit kan uitl&#234; nie. Toe het ek van jou gehoor: jy l&#234; 'n droom uit as jy hom hoor.&#8221;</div><div class="p"> 16Josef het vir die farao ges&#234;: &#8220;Nie ek nie! God gee di&#233; goeie antwoord vir u.&#8221;</div><div class="p"> 17Toe s&#234; die farao vir Josef: &#8220;In my droom het ek op die wal van die Nyl gestaan. 18Toe kom daar sewe mooi vet koeie uit die rivier uit en hulle gaan wei in die vleigras. 19N&#225; hulle kom daar toe sewe ander koeie uit die rivier uit. Hulle was lelik en maer. Ek het nog nooit sulke lelike diere in Egipte gesien nie. 20Toe vreet die lelike maer koeie die eerste sewe, die vettes, op. 21Nadat hulle ingesluk was, kon jy dit nie aan die maeres merk nie: hulle het nog net so sleg gelyk as aan die begin.</div><div class="p">&#8220;Toe het ek wakker geskrik.</div><div class="p"> 22&#8220;Ek het daarna in 'n droom gesien: sewe mooi vol are het opgeskiet aan een stingel. 23N&#225; hulle kom daar toe sewe dro&#235;, skraal are uit wat verskroei is deur die oostewind. 24Die skraal are sluk toe die sewe mooi are in.</div><div class="p">&#8220;Ek het dit vir die waars&#234;ers vertel, maar niemand kon my iets s&#234; nie.&#8221;</div><div class="p"> 25Toe s&#234; Josef vir die farao: &#8220;U het maar net een droom gehad. Wat God wil doen, het Hy aan u meegedeel.</div><div class="p"> 26&#8220;Die sewe mooi koeie is sewe jaar en die sewe mooi are is sewe jaar. Dit is maar een en dieselfde droom. 27Die sewe maer, lelike koeie wat daarna uit die rivier gekom het, en die sewe skraal are wat deur die oostewind verskroei is, is ook sewe jaar, sewe jaar hongersnood.</div><div class="p"> 28&#8220;Dit is wat ek bedoel het toe ek vir u ges&#234; het dat God u laat sien het wat Hy wil doen.</div><div class="p"> 29&#8220;Daar sal in die hele Egipte sewe jaar groot oorvloed kom. 30Dan breek daar sewe jaar hongersnood aan. Die mense sal die voorspoed wat daar in die hele Egipte was, vergeet en die hongersnood sal die land op sy knie&#235; bring. 31Die hongersnood sal so straf wees dat 'n mens later niks meer van die oorvloed sal merk nie.</div><div class="p"> 32&#8220;Die droom het twee keer na u toe gekom omdat die saak vas staan by God. Hy sal dit binnekort uitvoer.</div><div class="p"> 33&#8220;Ek beveel aan dat u 'n verstandige en wyse man kies en hom in beheer plaas van die hele Egipte. 34Die farao moet d&#237;t doen: u moet beamptes vir die hele land aanstel en die land tydens die sewe jaar van oorvloed behoorlik organiseer. 35Hulle moet al die graan van die goeie jare wat aan die kom is, insamel en dit in graanskure b&#234;re en bewaak sodat daar kos tot u beskikking is. 36Die graan moet vir die land in reserwe gehou word, dit moet vir die sewe jaar van hongersnood beskikbaar wees in Egipte. Dan sal die hongersnood nie die land uitroei nie.&#8221;</div><div class="p"> 37Die farao en al sy amptenare het Josef se raad goedgevind. 38Toe s&#234; die farao vir sy amptenare: &#8220;Waar kry ons so iemand, 'n man met die verstand van 'n god?&#8221;</div><div class="p"> 39Die farao het daarop vir Josef ges&#234;: &#8220;God het jou dit alles bekend gemaak. Daaruit is dit duidelik dat niemand soveel verstand en wysheid as jy het nie. 40Ek stel jou aan oor my paleis.</div><div class="p">&#8220;My volk moet jou gehoorsaam. Net ek sal meer mag h&#234; as jy.&#8221;</div><div class="p"> 41Die farao het verder nog vir Josef ges&#234;: &#8220;Kyk, ek stel jou aan oor die hele Egipte.&#8221;</div><div class="p"> 42Toe haal die farao sy se&#235;lring af en steek dit aan Josef se vinger. Die farao het vir Josef linneklere laat aantrek en 'n goue ketting om sy nek gehang 43en hom laat ry op die tweede beste wa van die farao. Daar is voor Josef uitgeroep: &#8220;Betoon hom eer!&#8221;</div><div class="p">So is Josef oor die hele Egipte aangestel.</div><div class="p"> 44Toe het die farao vir Josef ges&#234;: &#8220;Ek bly die farao, maar sonder jou toestemming mag niemand in Egipte 'n vinger verroer of 'n voet versit nie.&#8221;</div><div class="p"> 45-46Die farao het Josef Safenat-Paneag genoem en vir hom Asenat, dogter van Poti-Fera priester van On, as vrou gegee. Josef was dertig jaar oud toe hy in die diens van die farao die koning van Egipte getree het. Josef is van die farao af weg en het die land deurgegaan, die hele Egipte.</div><div class="p"> 47Tydens die sewe jaar van oorvloed het die land 'n buitengewone groot oes gegee, 48en Josef het al die graan wat daar in hierdie jare in Egipte was, bymekaargebring en in graanskure geb&#234;re: in elke stad is die graan uit die lande van daardie omgewing geb&#234;re. 49Josef het so baie koring bymekaargemaak dat dit net soveel was as die sand van die see. Hy het later opgehou om aan te teken hoeveel daar was, want dit was te veel om te tel.</div><div class="p"> 50Reeds voor die jare van hongersnood begin het, is daar vir Josef twee seuns gebore. Sy vrou Asenat, dogter van Poti-Fera priester van On, het hulle vir Josef in die w&#234;reld gebring. 51Hy het die oudste Manasse genoem, &#8220;want,&#8221; het hy ges&#234;, &#8220;God het my alles laat vergeet: al my swaarkry en alles wat my familie my aangedoen het.&#8221;</div><div class="p"> 52Josef het sy ander seun Efraim genoem, &#8220;want,&#8221; het hy ges&#234;, &#8220;God het my vrugbaar gemaak in die land waar ek verneder is.&#8221;</div><div class="p"> 53Na die sewe jaar voorspoed in Egipte 54het die sewe jaar hongersnood begin. So het Josef dit destyds aangekondig. In al die lande was daar hongersnood, maar in die hele Egipte was daar kos, 55want toe die hongersnood Egipte tref en die mense vir die farao kos vra, het hy vir al die Egiptenaars ges&#234;: &#8220;Gaan na Josef toe en doen wat hy s&#234;.&#8221;</div><div class="p"> 56Oor die hele w&#234;reld was daar hongersnood, en toe dit straf word in Egipte, het Josef die graanskure oopgesluit en wat daarin was, aan die Egiptenaars begin verkoop. 57En toe die hongersnood straf word in die ander lande, het die mense van die hele w&#234;reld Egipte toe gekom om koring te koop by Josef.</div>
 </div>
 </div>
</div>

Read Through the Bible in 6 Months - Thomas Road Baptist ChurchVoorbeeld

Skrif

Aangaande hierdie leesplan

Verwante Leesplanne