Volg God se HartVoorbeeld

Altyd

Wat as jy uitvind daar is 'n verhaal in die Bybel oor 'n man wat deur God gesalf is om koning te wees, met kwyl wat oor sy baard loop terwyl hy voorgee om kranksinnig te wees om sy eie lewe te spaar? Hier is nog 'n verhaal van Dawid. Nog 'n verhaal wat afgespeel het voor Dawid koning geword het. Gedurende dieselfde tyd het Dawid een van die hoogste lofprysinge deur 'n mens, oor God geskryf: Psalm 34:2 "Ek sal die Here altyd weer prys ... " Dawid het blykbaar regtig bedoel altyd!

Psalm 34:11 som Dawid se gedagtes oor die saak op: "Selfs leeus ly gebrek en kry honger, maar wie die Here se hulp vra, kom niks kort van al die goeie dinge nie." Met ander woorde, gaan soek opwinding en jy sal honger bly; soek God en jy sal met Hom gevul wees.

Dawid het nie gepraat van die vervulling wat jou tevrede maak nie, maar die vervulling wat jou moedig maak. As 'n leier van 'n kleingroep kan jy dalk met Dawid se oomblik van kranksinnigheid identifiseer. Kan jy ook identifiseer met sy toewyding om God altyd te aanbid? Om betrokke te raak in mense se deurmekaar lewens is sekerlik 'n avontuur. As ons egter iets van Dawid uit Psalm 34 kan leer, is dit dat God meer as genoeg is vir diegene wat Hom soek. Dit is jý, onthou? Jy streef na sy hart.

Wenk vir die Leier: Leiers aanbid God te alle tye omdat God genoeg is.