Groei in geloof

Lewe ek in die Lig van God se Waarheid

Is ek sout en lig soos die Woord van my vra?

Die Troos van die Psalms in die Stryd van die Lewe

7 Lewensbesluite vir geestelike krag

Net ek en U Here, getrouheid in die geheime plek - PC Pretorius

Jou aandag

Die deur is toe; wat nou?

Die sin van die lewe

Die krag van ’n biddende vrou

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s1">Abraham trou weer</div><div class="p"> 1Abraham het weer getrou, met Ketura. 2Sy het vir hom in die w&#234;reld gebring: Simran, Joksan, Medan, Midian, Jisbak en Suag. 3Joksan was die vader van Skeba en Dedan. Die mense van Assur, Letus en Le&#252;m was die nasate van Dedan. 4Die seuns van Midian was: Efa, Efer, Ganok, Abida en Elda&#228;. Al hierdie mense het van Ketura afgestam.</div><div class="p"> 5Abraham het alles wat hy nagelaat het, aan Isak laat toekom, 6maar terwyl Abraham nog geleef het, het hy geskenke aan die seuns van sy byvrouens gegee en die seuns weggestuur na Kedem toe in die ooste, weg van Isak af.</div><div class="s1">Abraham sterf</div><div class="p"> 7-8Abraham het op ho&#235; ouderdom gesterf. Hy het honderd vyf en sewentig jaar oud geword en was 'n grysaard met 'n vol lewe agter die rug toe hy gesterf het. 9Sy seuns Isak en Ismael het hom begrawe in die Makpelagrot oos van Mamre op die stuk grond wat vroe&#235;r behoort het aan die Hetiet Efron seun van Sogar. 10Abraham het hierdie stuk grond by die Hetiete gekoop, en hy en sy vrou Sara is albei daar begrawe.</div><div class="p"> 11Na Abraham se dood het die Here Abraham se seun Isak gese&#235;n, en Isak het by Lagai-Ro&#239;-fontein gaan woon.</div><div class="s1">Ismael se nageslag</div><div class="p"> 12Hier volg besonderhede oor die nageslag van Abraham se seun Ismael wat deur Hagar, die Egiptiese slavin van Sara, vir Abraham in die w&#234;reld gebring is. 13In volgorde van hulle geboorte was Ismael se seuns: Nebajot, Kedar, Adbe&#235;l, Mibsam, 14Misma, Duma, Massa, 15Gadad, Tema, Jetur, Nafis en Kedma. 16Die name van hierdie seuns van Ismael is ook gegee aan hulle nedersettings en blyplekke. Hulle was die twaalf leiers van hulle stamme.</div><div class="p"> 17Ismael was honderd sewe en dertig jaar oud toe hy gesterf het en begrawe is. 18Sy nageslag het gewoon in die gebied van Gawila af tot by Sur, oos van Egipte in die rigting van Assur, en hulle het met al Ismael se broerskinders oorlog gemaak.</div><div class="s1">Die tweeling Esau en Jakob</div><div class="p"> 19Hier volg besonderhede oor Isak seun van Abraham:</div><div class="p">Abraham was Isak se pa, 20en toe Isak veertig jaar oud was, het hy met Rebekka getrou. Sy was die dogter van Betuel, 'n Arame&#235;r uit Paddan-Aram, en 'n suster van Laban die Arame&#235;r. 21Isak het tot die Here gebid oor sy vrou, want sy was kinderloos. Die Here het sy gebed verhoor, en sy vrou Rebekka het swanger geword. 22Die kinders het in haar teen mekaar gestamp, en toe s&#234; sy: &#8220;Waarom gebeur so iets met my?&#8221;</div><div class="p">Sy het toe die Here gaan raadpleeg, 23en Hy het vir haar ges&#234;:</div><div class="b"></div><div class="q1">&#8220;Daar is twee nasies in jou,</div><div class="q1">twee volke uit jou sal van mekaar geskei word.</div><div class="q1">Een sal sterker wees as die ander,</div><div class="q1">die oudste sal die jongste dien.&#8221;</div><div class="b"></div><div class="p"> 24Toe Rebekka haar kinders in die w&#234;reld bring, was dit tweelingseuntjies. 25Die eerste is gebore: rooi, vol hare soos 'n veljas, en hy is Esau genoem. 26Sy broer is na hom gebore en di&#233; se hand het aan Esau se hakskeen vasgehou. Hy is Jakob genoem. Isak was sestig jaar oud toe hulle gebore is. 27Die seuns het grootgeword. Esau was 'n ervare jagter, 'n man van die veld; Jakob was 'n rustige mens, hy het tuis gebly.</div><div class="p"> 28Isak het vir Esau voorgetrek, want Isak het van wildsvleis gehou. Rebekka weer het vir Jakob voorgetrek.</div><div class="p"> 29Op 'n dag terwyl Jakob lensiesop aan die kook was, kom Esau doodmoeg uit die veld daar aan 30en s&#234; vir Jakob: &#8220;Laat my gou van die rooi goed wegsluk, van daardie rooi goed. Ek is doodmoeg!&#8221;</div><div class="p">Daarom is hy Edom genoem.</div><div class="p"> 31Toe s&#234; Jakob vir hom: &#8220;Verkoop eers jou reg as eersgeborene aan my.&#8221;</div><div class="p"> 32Esau het geantwoord: &#8220;Ek gaan tog sterf. Wat baat dit my om die eersgeborene te wees?&#8221;</div><div class="p"> 33Jakob s&#234; toe vir hom: &#8220;Beloof my nou met 'n eed dat jy jou reg as eersgeborene aan my oormaak.&#8221;</div><div class="p">Esau het dit gedoen en so sy reg as eersgeborene aan Jakob verkoop. 34Daarna het hy vir Esau brood en lensiesop gegee, en hy het ge&#235;et. Toe hy klaar was, het hy uitgestap.</div><div class="p">Dit is hoe min Esau gedink het van sy reg as eersgeborene.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch26" data-usfm="GEN.26">
 <div class="label">26</div><div class="s1">Isak en Abimelek</div><div class="p"> 1Na die eerste hongersnood vroe&#235;r in Abraham se tyd was daar weer 'n hongersnood in die land. Isak het toe na Gerar toe getrek, na koning Abimelek van die Filistyne toe. 2Die Here het aan Isak verskyn en vir hom ges&#234;: &#8220;Moenie Egipte toe trek nie. Bly waar Ek jou s&#234;: in hierdie land. 3Bly 'n tyd lank hier, en Ek sal by jou wees en jou voorspoedig maak. Ek gee hierdie hele w&#234;reld aan jou en jou nageslag. Ek sal die belofte nakom wat Ek met 'n eed teenoor jou vader Abraham afgel&#234; het. 4Ek sal jou nageslag so baie maak soos die sterre aan die hemel. Ek sal hierdie hele w&#234;reld aan jou nageslag gee, en al die nasies van die aarde sal in jou nageslag gese&#235;n wees, 5want Abraham het na My geluister en hy was gehoorsaam aan my bevel: my gebooie, my voorskrifte en my wette.&#8221;</div><div class="p"> 6Isak het toe in Gerar gebly. 7Die mense daar het oor sy vrou begin uitvra, en hy het ges&#234;: &#8220;Dit is my suster.&#8221;</div><div class="p">Hy was bang om te s&#234; dis sy vrou, want dan sou hulle hom dalk doodmaak oor Rebekka wat 'n baie mooi vrou was. 8Toe hy 'n lang ruk daar gebly het, het koning Abimelek van die Filistyne op 'n keer deur die venster gesien hoe Isak sy vrou Rebekka liefkoos. 9Abimelek het hom laat kom en vir hom ges&#234;: &#8220;Maar sy is dan jou vrou! Hoekom het jy ges&#234; sy is jou suster?&#8221;</div><div class="p">Isak het geantwoord: &#8220;Ek het gedink ek kan dalk doodgemaak word oor haar.&#8221;</div><div class="p"> 10Daarop s&#234; Abimelek: &#8220;Wat het jy ons aangedoen! Hoe maklik kon een van die mans met jou vrou gemeenskap gehad het, en dan was jy die oorsaak dat ons sonde gedoen het.&#8221;</div><div class="p"> 11Abimelek het toe al sy mense gewaarsku: &#8220;Wie hierdie man of sy vrou molesteer, sal doodgemaak word.&#8221;</div><div class="p"> 12Isak het in daardie gebied gesaai, en daardie jaar het die saad honderdvoudig geskiet. Die Here het hom voorspoedig gemaak, 13en hy het 'n ryk man geword, hy het vooruitgegaan sodat hy later baie ryk was. 14Hy het troppe kleinvee en grootvee gehad en baie slawe. Toe het die Filistyne uit afguns 15al die putte wat die slawe van sy pa Abraham nog in di&#233; se tyd gegrawe het, toegegooi en opgevul.</div><div class="p"> 16Toe s&#234; Abimelek vir Isak: &#8220;Trek weg van ons af. Jy het vir ons te sterk geword.&#8221;</div><div class="p"> 17Hy is toe daar weg en hy het by Gerarspruit kamp opgeslaan en daar gebly. 18Isak het toe die putte oopgegrawe wat in sy pa Abraham se tyd gegrawe is en wat na Abraham se dood deur die Filistyne toegegooi is. Isak het die name wat sy pa aan die putte gegee het, weer aan hulle gegee. 19Isak se slawe het 'n put gegrawe in die spruit en sterk water gekry. 20Toe stry die skaapwagters van Gerar met di&#233; van Isak en s&#234;: &#8220;Di&#233; water behoort aan ons.&#8221;</div><div class="p">Isak het toe die put &#8220;Rusie&#8221; genoem, omdat hulle daar met hom rusie gemaak het.</div><div class="p"> 21Sy slawe het 'n ander put gegrawe, en ook daaroor het die Filistyne klagtes gehad, en toe noem Isak dit &#8220;Klagte&#8221;. 22Van daar af het hy versit en 'n ander put gegrawe, en hulle het nie daaroor gestry nie. Toe noem hy die put &#8220;Ruimte&#8221;, &#8220;want,&#8221; het hy ges&#234;, &#8220;nou het die Here vir ons ruimte gemaak en in di&#233; land sal ons voorspoedig wees.&#8221;</div><div class="p"> 23Van daar af het Isak na Berseba toe getrek, 24en die nag toe hy daar kom, het die Here aan hom verskyn en vir hom ges&#234;: &#8220;Ek is die God van jou vader Abraham. Moenie bang wees nie, want Ek is by jou. Ek sal jou se&#235;n en jou 'n groot nageslag gee ter wille van my dienaar Abraham.&#8221; 25Isak het daar 'n altaar gebou en die Naam van die Here aangeroep. Isak het sy tente daar opgeslaan, en sy slawe het 'n put gegrawe. 26Toe kom Abimelek uit Gerar saam met Agussat sy vertroueling en Pikol die bevelvoerder van sy le&#235;r na Isak toe, 27en Isak s&#234; vir hulle: &#8220;Waarom kom julle na my toe? En dit nogal nadat julle my onvriendelik behandel het en my van julle af weggestuur het!&#8221;</div><div class="p"> 28Hulle het geantwoord: &#8220;Ons het baie duidelik gesien die Here is by jou. Ons wil onder eed 'n ooreenkoms met jou aangaan. Ons wil 'n verdrag met jou sluit 29dat jy ons nie sleg sal behandel nie, net soos ons jou nie benadeel het nie. Ons het net goed aan jou gedoen en jou sonder enige skade van ons af laat weggaan. Dit is so: jy word deur die Here gese&#235;n.&#8221;</div><div class="p"> 30Isak het toe vir hulle 'n maaltyd klaargemaak en hulle het ge&#235;et. 31Die volgende m&#244;re het hulle vroeg klaargemaak en hulle en Isak het aan mekaar 'n belofte onder eed gemaak. Toe het Isak hulle laat gaan en is hulle in vrede van hom af weg. 32Daardie dag het Isak se slawe gekom en hom vertel van die put wat hulle gegrawe het. Hulle het vir hom ges&#234;: &#8220;Ons het water gekry.&#8221; 33Toe noem hy dit Seba en daarom is die naam van die stad nou nog Berseba .</div><div class="p"> 34Toe Esau veertig was, het hy getrou met Jehudit dogter van Be&#235;ri, 'n Hetiet, en met Basemat dogter van Elon, 'n Hetiet. 35Hulle het baie kommer in Isak en Rebekka se lewe gebring.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch27" data-usfm="GEN.27">
 <div class="label">27</div><div class="s1">Isak se&#235;n vir Jakob</div><div class="p"> 1Toe Isak baie oud en al blind was, het hy sy oudste seun, Esau, geroep en vir hom ges&#234;: &#8220;My seun!&#8221; en Esau het geantwoord: &#8220;Hier is ek!&#8221;</div><div class="p"> 2Isak het vir hom ges&#234;: &#8220;Kyk, ek is al oud en ek weet nie wanneer ek gaan sterf nie. 3Vat nou jou skietgoed, jou pyl en boog, en gaan veld toe en skiet vir my 'n stukkie wild. 4Kom maak dit dan vir my lekker gaar soos ek daarvan hou en bring dit vir my dat ek dit kan eet en jou kan se&#235;n voor ek sterf.&#8221;</div><div class="p"> 5Rebekka het gehoor wat Isak met sy seun Esau praat en toe Esau veld toe is om te gaan jag, 6het sy met haar seun Jakob gepraat en vir hom ges&#234;: &#8220;Luister, ek het gehoor jou pa praat met jou broer Esau. Hy het vir hom ges&#234;: 7&#8216;Gaan haal vir my 'n stukkie wild en maak dit vir my lekker gaar dat ek dit kan eet en ek jou dan in die teenwoordigheid van die Here kan se&#235;n voor ek sterf.&#8217; 8Nou moet jy na my luister, my seun, en doen wat ek jou s&#234;. 9Gaan na die kleinvee toe en bring vir my twee vet bokkies. Dan sal ek hulle lekker gaarmaak soos jou pa daarvan hou. 10Jy moet dit dan vir hom vat dat hy dit kan eet en jou kan se&#235;n voor hy sterf.&#8221;</div><div class="p"> 11Toe s&#234; Jakob vir sy ma Rebekka: &#8220;Maar my broer Esau is harig en ek is glad. 12Miskien sal Pa aan my voel en dan dink ek skeer die gek met hom, en so sal ek 'n vervloeking oor my bring en nie 'n se&#235;n nie.&#8221;</div><div class="p"> 13Sy ma het vir hom ges&#234;: &#8220;As daar 'n vervloeking is, sal dit oor my kom, my seun. Luister jy net na my en loop vang die bokkies vir my.&#8221;</div><div class="p"> 14Hy het die bokkies gaan vang en vir sy ma gebring, en sy het hulle lekker voorberei soos sy pa daarvan hou. 15Toe vat Rebekka haar oudste seun Esau se beste klere wat sy by haar in die huis gehad het en trek dit vir haar jongste seun Jakob aan. 16Sy het die bokvelletjies om sy hande en om sy kaal nek vasgemaak 17en die lekkerny en die kos wat sy voorberei het, vir Jakob gegee. 18Hy het toe na sy pa toe ingegaan en ges&#234;: &#8220;Pa!&#8221;</div><div class="p">Toe s&#234; hy: &#8220;Ja, watter seun is jy?&#8221;</div><div class="p"> 19Jakob het sy pa geantwoord: &#8220;Ek is Esau, Pa se oudste seun. Ek het gedoen wat Pa ges&#234; het. Kom sit nou regop en eet van my wildsvleis sodat Pa my dan kan se&#235;n.&#8221;</div><div class="p"> 20Maar Isak het vir hom gevra: &#8220;Hoe het jy dan die wild so gou gekry, my seun?&#8221; en Jakob het geantwoord: &#8220;Die Here u God het my dit laat raakloop.&#8221;</div><div class="p"> 21Toe s&#234; Isak vir Jakob: &#8220;Kom nader dat ek aan jou kan voel, my seun, of jy my seun Esau is of nie.&#8221;</div><div class="p"> 22Jakob het nader gegaan na sy pa Isak toe, en toe hy aan hom voel, s&#234; hy: &#8220;Die stem, dis Jakob se stem, maar die hande, dis Esau se hande.&#8221;</div><div class="p"> 23Isak het nie vir Jakob herken nie, want sy hande was harig soos sy broer Esau s'n. Isak het toe vir Jakob gese&#235;n. 24Isak het vir hom ges&#234;: &#8220;Jy is tog my seun Esau!&#8221; en Jakob het ges&#234;: &#8220;Ek is.&#8221;</div><div class="p"> 25Toe s&#234; Isak: &#8220;Gee die wild aan dat ek daarvan kan eet, my seun, en jou dan kan se&#235;n.&#8221;</div><div class="p">Hy het dit vir hom aangegee en Isak het ge&#235;et, en Jakob het vir hom wyn gebring, en hy het dit gedrink.</div><div class="p"> 26Isak het vir hom ges&#234;: &#8220;Kom nader en soen my, my seun!&#8221;</div><div class="p"> 27Hy het nader gekom en hom gesoen, en toe hy die reuk kry van die klere wat Jakob aanhet, het Isak hom gese&#235;n en ges&#234;:</div><div class="b"></div><div class="q1">&#8220;Kyk, die reuk van my seun is soos die veld se reuk,</div><div class="q1">die veld wat deur die Here gese&#235;n is.</div><div class="q1"> 28God gee aan jou dou uit die hemel,</div><div class="q1">die rykdom van die aarde: koring en wyn in oorvloed.</div><div class="q1"> 29Volke sal jou dien, nasies sal voor jou buig;</div><div class="q1">oor jou familie sal jy heers, jou broers sal voor jou buig.</div><div class="q1">Wie 'n vervloeking oor jou uitspreek, sal self vervloek wees,</div><div class="q1">wie jou se&#235;n, sal gese&#235;n wees.&#8221;</div><div class="b"></div><div class="m"> 30Toe Isak vir Jakob klaar gese&#235;n het, en hy nog skaars by sy pa Isak uit was, kom sy broer Esau terug van die jag af. 31Ook h&#253; het 'n lekker ete voorberei en dit vir sy pa gevat. Esau het vir sy pa ges&#234;: &#8220;Sit regop, Pa, en eet van Pa se seun se wildsvleis sodat Pa my dan kan se&#235;n.&#8221;</div><div class="p"> 32Toe vra sy pa Isak: &#8220;Wie is jy?&#8221; en hy antwoord: &#8220;Pa se seun Esau, Pa se oudste.&#8221;</div><div class="p"> 33Isak was toe baie ontsteld en hy vra: &#8220;Maar wie het dan die wild geskiet en vir my gebring? Ek het daarvan ge&#235;et net voor jy gekom het. Ek het h&#243;m gese&#235;n, en hy sal gese&#235;n bly.&#8221;</div><div class="p"> 34Toe Esau hoor wat sy pa s&#234;, het hy hard en bitter begin skree en by sy pa gepleit: &#8220;Pa, se&#235;n my tog ook!&#8221;</div><div class="p"> 35Maar Isak s&#234; vir hom: &#8220;Jou broer het my kom bedrieg en toe het hy jou se&#235;n gevat.&#8221;</div><div class="p"> 36Esau het geantwoord: &#8220;Hy word tereg Jakob genoem. Hy het my nou al twee keer bedrieg : hy het my reg as eersgeborene gevat en nou het hy my se&#235;n gevat.&#8221;</div><div class="p">Toe vra Esau: &#8220;Het Pa nie nog 'n se&#235;n vir my ook nie?&#8221;</div><div class="p"> 37Isak het vir hom ges&#234;: &#8220;Ek het hom alreeds aangestel om oor jou te heers en ek het sy hele familie vir hom as onderdane gegee. Ek het hom van koring en wyn voorsien. Daar is niks wat ek vir jou kan doen nie, my seun.&#8221;</div><div class="p"> 38Esau het toe vir sy pa ges&#234;: &#8220;Pa, het Pa dan net een se&#235;n? Se&#235;n my tog ook, Pa!&#8221;</div><div class="p">Toe Esau daarna begin huil, 39s&#234; sy pa Isak vir hom:</div><div class="b"></div><div class="q1">&#8220;Jou woonplek sal ver van die aarde se rykdom af wees,</div><div class="q1">en ook ver van die dou uit die hemel af.</div><div class="q1"> 40Jy sal van oorlog leef en jy sal jou broer dien,</div><div class="q1">maar as jy jou kans afwag, sal jy sy juk van jou nek afgooi.&#8221;</div><div class="b"></div><div class="p"> 41Esau het vir Jakob gehaat oor die se&#235;n wat sy pa aan hom gegee het, en Esau het by homself ges&#234;: &#8220;My pa se dood is nie meer ver nie, dan maak ek my broer Jakob dood.&#8221;</div><div class="p"> 42Daar is aan Rebekka vertel wat haar oudste seun ges&#234; het. Sy het toe haar jongste seun Jakob laat roep en vir hom ges&#234;: &#8220;Pas op! Jou broer Esau is op wraak uit. Hy wil jou vermoor. 43Luister, my seun! Vlug Haran toe, na my broer Laban toe, 44en bly 'n ruk by hom tot jou broer se woede oor is. 45As sy bui oor jou gesak het en hy vergeet het wat jy hom aangedoen het, sal ek stuur en jou daarvandaan laat haal. Waarom moet ek julle altwee op een dag verloor?&#8221;</div><div class="s1">Jakob vlug</div><div class="p"> 46Rebekka het vir Isak ges&#234;: &#8220;Ek is nou siek en sat van hierdie Hetitiese vrouens van Esau. As Jakob ook met Hetitiese meisies trou, met meisies soos hulle uit hierdie land, kan ek net so wel sterf.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch28" data-usfm="GEN.28">
 <div class="label">28</div><div class="p"> 1Toe roep Isak vir Jakob en neem van hom afskeid en s&#234; vir hom: &#8220;Jy mag nie met 'n Kana&#228;nitiese meisie trou nie. 2Gaan na Paddan-Aram toe, na die huis van jou ma se pa Betuel toe, en trou daar met 'n dogter van jou oom Laban. 3God die Almagtige sal jou se&#235;n: Hy sal jou vrugbaar maak en jou 'n groot nageslag gee. Jy sal 'n baie groot volk word. 4Hy sal jou die se&#235;n laat toekom wat Hy aan Abraham gegee het: jy en jou nageslag sal die land waarin jy woon, as besitting ontvang, die land wat God aan Abraham gegee het.&#8221;</div><div class="p"> 5So het Isak toe vir Jakob weggestuur, en hy is na Paddan-Aram toe, tot by die Arame&#235;r Betuel se seun Laban, broer van Rebekka die ma van Jakob en Esau.</div><div class="p"> 6Esau het te wete gekom dat Isak afskeid geneem het van Jakob en dat Isak hom na Paddan-Aram toe gestuur het om daar te gaan trou, want toe Isak vir Jakob gegroet het, het hy vir hom ges&#234;: &#8220;Jy mag nie met 'n Kana&#228;nitiese meisie trou nie.&#8221;</div><div class="p"> 7Toe Esau verneem dat Jakob na sy pa en ma geluister het en na Paddan-Aram toe is, 8het Esau geweet dat sy pa Isak nie van die Kana&#228;nitiese meisies gehou het nie. 9Daarom het Esau na Ismael toe gegaan, en by die vrouens wat hy gehad het, nog 'n vrou gevat: Magalat dogter van Ismael, Abraham se seun. Sy was die suster van Nebajot.</div><div class="p"> 10Jakob is van Berseba af weg na Haran toe. 11Teen sononder het hy by 'n plek gekom waar hy kon oornag. Hy het daar 'n klip vir 'n kopkussing gebruik en gaan l&#234; en slaap. 12Hy het gedroom: 'n leer staan op die aarde en die punt van die leer raak aan die hemel, en engele van God klim op en af met die leer. 13Toe kom staan die Here by Jakob en s&#234;: &#8220;Ek is die Here die God van jou voorvader Abraham, die God van Isak. Ek sal die grond waarop jy l&#234;, vir jou en jou nageslag gee. 14Hulle sal so baie wees soos die stof van die aarde, en jy sal jou gebied na alle kante toe uitbrei, en in jou en jou nageslag sal al die volke van die aarde gese&#235;n wees. 15Ek is by jou en Ek sal jou beskerm waar jy ook al gaan. Ek sal jou na hierdie land toe terugbring. Ek sal jou nie in die steek laat nie. Ek sal doen wat Ek jou beloof het.&#8221;</div><div class="p"> 16Jakob het wakker geskrik en ges&#234;: &#8220;Die Here is op hierdie plek, en ek het dit nie besef nie.&#8221;</div><div class="p"> 17Jakob het bang geword en ges&#234;: &#8220;Hoe skrikwekkend is hierdie plek! Dit is niks anders nie as die huis van God; dit is die poort van die hemel.&#8221;</div><div class="p"> 18Die volgende m&#244;re het Jakob opgestaan en hy het die klip wat sy kopkussing was, gevat en dit regop gesit. Toe giet hy olie op die bopunt daarvan uit. 19Hy het die plek Bet-El genoem. Die stad was voorheen bekend as Lus. 20Jakob het toe 'n gelofte afgel&#234; en ges&#234;: &#8220;As U, o God, by my is en my beskerm op my reis en vir my kos en klere gee, 21sodat ek behoue terugkom by my ouerhuis, sal U, Here, my God wees. 22Hierdie klippilaar wat ek regop gesit het, sal 'n tempel wees, en van alles wat U my gee, sal ek vir U 'n tiende gee.&#8221;</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch29" data-usfm="GEN.29">
 <div class="label">29</div><div class="s1">Jakob werk vir Laban</div><div class="p"> 1Jakob het sy reis voortgesit na die land van die mense in die ooste toe. 2Hy het onverwags uitgekom by 'n put in die veld waar drie troppe kleinvee l&#234;. Die wagters het die kleinvee by hierdie put laat suip. Daar was 'n groot klip op die bek van die put, 3en wanneer al die veetroppe daar bymekaar is, rol die wagters die klip weg en dan gee hulle vir die vee water. Daarna sit hulle weer die klip terug op sy plek op die bek van die put.</div><div class="p"> 4Jakob het hulle gevra: &#8220;Van waar is julle, my vriende?&#8221; Hulle het geantwoord: &#8220;Ons is van Haran.&#8221;</div><div class="p"> 5Toe vra hy vir hulle: &#8220;Ken julle vir Laban uit die geslag van Nahor?&#8221; en hulle antwoord: &#8220;Ons ken hom.&#8221;</div><div class="p"> 6Hy vra hulle toe: &#8220;Hoe gaan dit met hom?&#8221; en hulle antwoord: &#8220;Goed, hier kom sy dogter Ragel nou net aan met die kleinvee.&#8221;</div><div class="p"> 7Toe s&#234; Jakob: &#8220;Die son sit nog hoog en dis nog nie tyd om die kleinvee in die kraal te jaag nie. Laat hulle suip en vat hulle om te wei.&#8221;</div><div class="p"> 8Maar die wagters antwoord: &#8220;Ons kan hulle nie laat suip voor al die troppe hier bymekaar is nie. Dan word die klip van die bek van die put afgerol en laat ons die vee suip.&#8221;</div><div class="p"> 9Terwyl hy nog met hulle staan en praat, kom Ragel daar aan met haar pa se kleinvee. Sy het hulle opgepas. 10Toe Jakob vir Ragel, die dogter van sy ma se broer Laban, sien met haar pa se kleinvee, het Jakob nader gekom en die klip van die put af weggerol en Laban se kleinvee laat suip. 11Daarna het Jakob vir Ragel gesoen en toe het hy begin huil. 12Nadat hy vir haar ges&#234; het hy is familie, Rebekka se seun, het sy gehardloop en dit vir haar pa gaan vertel. 13Toe hy hoor dat Jakob sy susterskind is, het hy na hom toe gehardloop, hom omhels en gesoen. Laban het hom na sy huis toe gevat, en toe vertel Jakob hom alles. 14Laban het geantwoord: &#8220;Dis reg. Jy is bloedfamilie!&#8221;</div><div class="p">Nadat Jakob 'n maand lank by hom gebly het, 15het Laban vir Jakob ges&#234;: &#8220;Jy is familie, maar dit beteken nie dat jy vir my verniet moet werk nie. S&#234; vir my wat moet ek jou betaal.&#8221;</div><div class="p"> 16Laban het twee dogters gehad. Die oudste was Lea en die jongste Ragel. 17Lea het sagte o&#235; gehad, maar Ragel was mooi gebou. Sy was beeldskoon. 18Jakob het haar liefgehad en hy het vir Laban ges&#234;: &#8220;Ek sal sewe jaar vir u werk vir u jongste dogter Ragel.&#8221;</div><div class="p"> 19Toe s&#234; Laban: &#8220;Goed! Ek sal haar liewer met jou laat trou as met enige ander man. Bly hier by my.&#8221;</div><div class="p"> 20Jakob het toe sewe jaar gewerk vir Ragel, en dit was vir hom soos 'n paar dae, want hy het haar liefgehad. 21Daarna het hy vir Laban ges&#234;: &#8220;Gee my nou my vrou. Die tyd is verby. Ek wil nou met haar trou.&#8221;</div><div class="p"> 22Laban het al die mense van die omgewing bruilof toe genooi, 23maar die aand van die troue het hy sy dogter Lea gevat en haar na Jakob toe gebring, en hy het met haar gemeenskap gehad. 24Laban het sy slavin Silpa vir sy dogter Lea as persoonlike slavin saamgegee.</div><div class="p"> 25Die m&#244;re sien Jakob toe dis al die tyd Lea. Toe vra hy vir Laban: &#8220;Wat het u my aangedoen? Het ek nie by u gewerk vir Ragel nie? Waarom het u my bedrieg?&#8221;</div><div class="p"> 26Laban het geantwoord: &#8220;By ons is dit nie die gebruik dat 'n mens jou jongste dogter voor die oudste laat trou nie. 27Wag net hierdie week, dan gee ek die jongste ook vir jou as jy nog sewe jaar by my sal werk.&#8221;</div><div class="p"> 28Jakob het ingestem en daardie week gewag. Toe gee Laban sy dogter Ragel vir hom as vrou. 29Laban het sy slavin Bilha vir sy dogter Ragel as persoonlike slavin saamgegee.</div><div class="p"> 30Jakob het ook met Ragel gemeenskap gehad. Hy het vir Ragel baie liewer gehad as vir Lea en nog sewe jaar by Laban gewerk.</div><div class="s1">Jakob se kinders</div><div class="p"> 31Toe die Here sien dat Jakob nie vir Lea liefhet nie, het die Here vir haar kinders gegee, terwyl Ragel kinderloos gebly het.</div><div class="p"> 32Lea het swanger geword en 'n seun in die w&#234;reld gebring en hom Ruben genoem, &#8220;want,&#8221; het sy ges&#234;, &#8220;die Here het my smart raakgesien. Nou sal my man my liefh&#234;.&#8221;</div><div class="p"> 33Lea het weer swanger geword en 'n seun in die w&#234;reld gebring en sy het ges&#234;: &#8220;Die Here het gehoor dat ek nie liefde ontvang nie. Daarom het Hy my hierdie seun gegee.&#8221; Sy het hom Simeon genoem. 34Sy het weer swanger geword en 'n seun in die w&#234;reld gebring. Toe s&#234; sy: &#8220;Na hierdie keer sal my man aan my gebind wees, want ek het nou al drie seuns vir hom in die w&#234;reld gebring.&#8221; Daarom het sy die seun Levi genoem.</div><div class="p"> 35Sy het nog 'n keer swanger geword en 'n seun in die w&#234;reld gebring. Sy het ges&#234;: &#8220;Hierdie keer prys ek die Here.&#8221; Daarom het sy die seun Juda genoem.</div><div class="p">Daarna het sy vir eers nie weer kinders gehad nie.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch30" data-usfm="GEN.30">
 <div class="label">30</div><div class="p"> 1Toe Ragel merk dat sy nie vir Jakob kinders in die w&#234;reld bring nie, het sy jaloers geword op haar suster. Ragel het vir Jakob ges&#234;: &#8220;Gee vir my seuns, anders sterf ek.&#8221;</div><div class="p"> 2Jakob het hom vererg vir Ragel en vir haar gevra: &#8220;Kan ek God se werk oorneem? Dit is Hy wat sorg dat jy nie swanger word nie.&#8221;</div><div class="p"> 3Ragel het vir hom ges&#234;: &#8220;Hier is my slavin Bilha. Hou gemeenskap met haar sodat sy haar kind op my knie&#235; in die w&#234;reld kan bring en ek deur haar 'n kind kan h&#234;.&#8221;</div><div class="p"> 4Ragel het vir Bilha aan Jakob gegee as vrou en hy het met haar gemeenskap gehad. 5Sy het swanger geword en vir Jakob 'n seun in die w&#234;reld gebring. 6Toe s&#234; Ragel: &#8220;God het in my guns uitspraak gelewer, Hy het my gebed verhoor en vir my 'n seun gegee.&#8221; Daarom het sy hom Dan genoem. 7Bilha die slavin van Ragel het weer swanger geword en 'n tweede seun vir Jakob in die w&#234;reld gebring. 8Ragel het toe ges&#234;: &#8220;Ek was in 'n bitter swaar stryd gewikkel met my suster, maar ek het gewen.&#8221;</div><div class="p">Toe noem sy die seun Naftali .</div><div class="p"> 9Toe Lea besef sy bring nie meer kinders in die w&#234;reld nie, het sy haar slavin Silpa gevat en vir Jakob gegee as vrou. 10Sy het vir hom 'n seun in die w&#234;reld gebring, 11en Lea het ges&#234;: &#8220;Nou is ek gelukkig!&#8221;</div><div class="p">Sy het die seun Gad genoem. 12Daarna het Lea se slavin Silpa 'n tweede seun vir Jakob in die w&#234;reld gebring, 13en Lea het ges&#234;: &#8220;Hoe gelukkig is ek. Die vrouens sal my Die Gelukkige noem!&#8221;</div><div class="p">Toe noem sy die seun Aser .</div><div class="p"> 14Op 'n keer het Ruben in die oestyd veld toe gegaan en liefdesappels gepluk. Hy het dit vir sy ma Lea gebring. Ragel het vir haar ges&#234;: &#8220;Gee vir my van die liefdesappels wat jou seun gebring het.&#8221;</div><div class="p"> 15Toe vra Lea vir haar: &#8220;Is jy nie daarmee tevrede dat jy my man gevat het nie? Wil jy nou nog ook die liefdesappels vat wat my seun gebring het?&#8221;</div><div class="p">Daarop het Ragel geantwoord: &#8220;In ruil daarvoor mag Jakob vannag by jou slaap.&#8221;</div><div class="p"> 16Toe Jakob die aand van die veld af kom, gaan Lea hom tegemoet en s&#234; vir hom: &#8220;Jy moet na my toe kom, want om jou te kry, het ek die volle prys betaal met die liefdesappels wat my seun gebring het.&#8221; Daardie nag het Jakob toe by haar geslaap. 17God het Lea se gebed verhoor, en sy het swanger geword en 'n vyfde seun vir Jakob in die w&#234;reld gebring. 18Sy het ges&#234;: &#8220;God het my 'n loon gegee omdat ek my slavin aan my man gegee het.&#8221;</div><div class="p">Toe noem sy die seun Issaskar .</div><div class="p"> 19Lea het weer swanger geword en 'n sesde seun vir Jakob in die w&#234;reld gebring. 20Toe s&#234; sy: &#8220;God het hierdie keer 'n mooi geskenk aan my gegee. Nou sal my man by my bly, want ek het ses seuns vir hom in die w&#234;reld gebring.&#8221; Toe noem sy die seun Sebulon .</div><div class="p"> 21Daarna het sy 'n dogter in die w&#234;reld gebring en haar Dina genoem.</div><div class="p"> 22God het op Ragel ag geslaan en haar gebed verhoor. Hy het haar nie langer kinderloos gelaat nie. 23Sy het swanger geword en 'n seun in die w&#234;reld gebring en toe s&#234; sy: &#8220;God het my skande weggeneem.&#8221;</div><div class="p"> 24Toe noem sy die seun Josef , &#8220;want,&#8221; het sy ges&#234;, &#8220;die Here sal my nog 'n seun gee.&#8221;</div><div class="s1">Laban bedrieg vir Jakob</div><div class="p"> 25Nadat Ragel vir Josef in die w&#234;reld gebring het, het Jakob vir Laban ges&#234;: &#8220;Laat my trek. Ek wil na my geboorteland toe gaan. 26Gee my nou my vrouens en kinders vir wie ek by u gewerk het, want ek wil weggaan. U weet hoe goed ek vir u gewerk het.&#8221;</div><div class="p"> 27Maar Laban het vir hom ges&#234;: &#8220;Dink tog aan wat jy vir my beteken. Ek het die tekens gelees en agtergekom dat die Here my se&#235;n om jou ontwil.&#8221; 28Verder het Laban vir Jakob ges&#234;: &#8220;Stel self jou loon vas, en ek betaal jou dit om vir my te werk.&#8221;</div><div class="p"> 29Daarop s&#234; Jakob vir hom: &#8220;U weet hoe ek vir u gewerk het, en hoe dit met u kudde gegaan het terwyl hulle by my was. 30Die bietjie wat u gehad het voor ek gekom het, het baie geword, want die Here het u gese&#235;n vandat ek by u gekom het. Wanneer sal ek vir my huis kan begin werk?&#8221;</div><div class="p"> 31Toe vra Laban: &#8220;Wat moet ek jou betaal?&#8221; en Jakob antwoord: &#8220;U hoef my niks te betaal nie. Ek sal weer u kleinvee oppas as u my dit wil laat doen. 32Ek sal vandag al u kleinvee deurgaan om al die gestreepte en bont skaaplammers en al die swart skape en die bont en gestreepte bokke af te keer. Dit sal my betaling wees. 33Wanneer u dan eendag kom kyk na wat ek by u verdien het, sal dit duidelik wees of ek eerlik was of nie: alles onder my bokke wat nie gestreep of bont is nie, en al die skape wat nie swart is nie, sal vee wees wat ek gesteel het.&#8221;</div><div class="p"> 34Laban het geantwoord: &#8220;Goed! Laat dit wees soos jy ges&#234; het.&#8221;</div><div class="p"> 35Maar dieselfde dag nog het Laban al die gevlekte en bont bokramme en al die gestreepte en bont bokooie afgekeer en ook alles waaraan iets wits was en al die swart skape, en dit alles onder die sorg geplaas van sy seuns. 36Hy het hierdie trop van hom op 'n afstand van drie dae se trek van Jakob af laat oppas. Jakob self het Laban se ander vee opgepas.</div><div class="p"> 37Jakob het toe jong lote van populiere, amandels en plataanbome gevat en stroke daarvan afgeskil, sodat daar wit strepe op die lote was. 38Hy het die lote wat hy so afgeskil het, in die waterkrippe gesit, reg voor die kleinvee waar hulle kom suip het. Wanneer die ooie dan op hitte kom en kom suip, 39is hulle by die lote gedek en het hulle gevlekte en gestreepte en bont lammers gekry. 40Jakob het die skape uitgekeer en hulle laat kyk in die rigting van die gevlekte en swart vee van Laban. So het Jakob vir hom sy eie kuddes opgebou en hy het hulle nie by Laban se kleinvee laat kom nie. 41Wanneer die sterk diere gedek moes word, het Jakob die lote voor hulle in die krippe gesit sodat hulle by die lote gedek kon word. 42Maar hy het nie die lote by die swak diere gesit nie. So het dit gekom dat Laban die swakkes gekry het en Jakob die sterkes. 43Die man het al hoe ryker geword. Hy het baie kleinvee, slavinne, slawe, kamele en donkies gehad.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch31" data-usfm="GEN.31">
 <div class="label">31</div><div class="s1">Jakob trek na Kana&#228;n toe</div><div class="p"> 1Jakob het die seuns van Laban hoor s&#234;: &#8220;Jakob het alles gevat wat aan Pa behoort. Hy het hierdie hele rykdom verkry uit wat aan Pa behoort.&#8221;</div><div class="p"> 2Jakob het ook aan Laban gemerk dat hy nie meer soos voorheen oor hom voel nie. 3Toe s&#234; die Here vir Jakob: &#8220;Gaan terug na jou vaderland, na jou familie toe. Ek sal by jou wees.&#8221;</div><div class="p"> 4Toe laat Jakob vir Ragel en Lea veld toe roep, na sy kleinvee toe. 5Hy het vir hulle ges&#234;: &#8220;Ek merk aan julle pa dat hy nie meer soos voorheen oor my voel nie. Maar die God van my vader was by my. 6Julle weet dat ek baie hard gewerk het vir julle pa. 7Tog het hy my bedrieg en my loon kort-kort verander. Maar God het hom nie toegelaat om my te benadeel nie. 8Wanneer julle pa s&#234;: &#8216;Die gestreepte kleinvee is jou loon,&#8217; kry die hele trop gestreepte lammers, en wanneer hy s&#234;: &#8216;Die gevlektes is jou loon,&#8217; kry die hele trop gevlekte lammers. 9So het God die besitting van julle pa gevat en vir my gegee.</div><div class="p"> 10&#8220;In die paartyd van die kleinvee het ek in 'n droom gesien dat die ramme waardeur die ooie gedek word, gevlek, gestreep en gespikkel is.</div><div class="p"> 11&#8220;Die Engel van God het my in die droom geroep: &#8216;Jakob!&#8217; en ek het geantwoord: &#8216;Hier is ek!&#8217;</div><div class="p"> 12&#8220;Toe s&#234; Hy vir my: Kyk mooi: al die bokramme waardeur die ooie gedek word, is gevlek, gestreep en gespikkel. Ek het alles gesien wat Laban jou aangedoen het. 13Ek is die God van Bet-El waar jy olie op 'n klippilaar uitgegiet en 'n gelofte teenoor My afgel&#234; het. Maak klaar en trek weg uit hierdie land. Gaan terug na jou geboorteland toe.&#8221;</div><div class="p"> 14Daarop het Ragel en Lea vir Jakob ges&#234;: &#8220;Ons het nie meer enige aandeel aan ons vaderhuis nie. 15Ons word deur Pa as vreemdelinge beskou. Hy het ons verkoop en die geld opgebruik. 16Al die besittings wat God van hom afgevat het, is ons en ons kinders s'n. Doen dus gerus maar alles wat God vir jou ges&#234; het.&#8221;</div><div class="p"> 17Jakob het toe klaargemaak en sy vrouens en kinders op kamele laat klim, 18en hy het al sy vee saamgevat en ook al sy besittings wat hy in Paddan-Aram bymekaargemaak het, en na sy pa, na Isak toe vertrek in Kana&#228;n.</div><div class="s1">Jakob en Laban maak 'n ooreenkoms</div><div class="p"> 19Laban was weg om sy skape te gaan skeer. Toe steel Ragel haar pa se afgodsbeeldjies. 20Jakob het ook vir Laban die Arame&#235;r bedrieg deur hom nie te vertel van sy vlug nie.</div><div class="p"> 21Jakob het gevlug met alles by hom. Hy het deur die Eufraatrivier getrek en koers gekies Gileadberg toe. 22Drie dae later is aan Laban vertel dat Jakob gevlug het. 23Laban het die mans in sy familie saamgevat en vir Jakob agternagesit. Na sewe dae het Laban hom ingehaal by Gileadberg.</div><div class="p"> 24Di&#233; nag het God in 'n droom na Laban die Arame&#235;r toe gekom en vir hom ges&#234;: &#8220;Wees versigtig met wat jy vir Jakob s&#234;!&#8221;</div><div class="p"> 25Toe Laban by Jakob kom, was sy kamp opgeslaan by Gileadberg, en Laban-hulle het ook daar kamp opgeslaan. 26Hy het vir Jakob ges&#234;: &#8220;Wat het jy gedoen? Jy het my bedrieg en my dogters weggevat asof hulle krygsgevangenes is. 27Waarom het jy in die geheim gevlug? Jy het my bedrieg en my niks vertel nie. Ek sou jou laat vertrek het met 'n fees en met liedere, met tamboeryne en met liere. 28Jy het my nie eens toegelaat om my kleinkinders en my dogters te groet nie. Jy het 'n ongehoorde ding gedoen. 29Ek het die mag om julle kwaad aan te doen, maar die God van jou voorvaders het verlede nag vir my ges&#234;: &#8216;Wees versigtig met wat jy vir Jakob s&#234;.&#8217; 30Maar nou, as jy weggetrek het net omdat jy so baie verlang na jou familie, waarom het jy dan my gode gesteel?&#8221;</div><div class="p"> 31Toe s&#234; Jakob vir Laban: &#8220;Ek het gevlug, want ek was bang, ek het gedink u sal u dogters van my af wegvat. 32Maar die een by wie u u gode kry, moet sterf. Kyk hier waar ons familie bystaan wat daar van u by my is en vat dit saam terug.&#8221;</div><div class="p">Jakob het nie geweet dat Ragel die gode gesteel het nie.</div><div class="p"> 33Laban het niks in Jakob se tent gekry nie, ook nie in di&#233; van Lea en in di&#233; van die twee persoonlike slavinne nie. Laban is toe uit Lea se tent uit na Ragel s'n toe. 34Ragel het die afgodsbeeldjies gevat en onder die kameelsaal gesit en daarop gaan sit. Laban het haar hele tent behoorlik gefynkam maar niks gekry nie. 35Toe s&#234; Ragel vir hom: &#8220;Pa moet tog nie vir my kwaad word nie, want ek kan nie vir Pa opstaan nie: ek is siek, soos dit maar elke maand met 'n vrou gaan.&#8221;</div><div class="p">Laban het toe verder rondgesoek, maar nie die afgodsbeeldjies gekry nie.</div><div class="p"> 36Toe word Jakob kwaad en hy verwyt vir Laban: &#8220;Wat het ek verkeerd gedoen? Waar het ek oortree dat u my agternagesit het? 37U het my besittings gefynkam. Wat het u gekry wat uit u huis kom? Sit dit hier voor ons familie neer sodat hulle as regters tussen ons twee kan optree.</div><div class="p"> 38&#8220;Dis nou twintig jaar dat ek by u was. U skaapooie en u bokooie het gereeld gelam, en ek het nie u skaapramme geslag nie. 39Wat deur wilde diere verskeur is, het ek nie na u toe gebring nie, ek moes dit vervang. Wat oordag of in die nag gesteel is, het u van my ge&#235;is. 40Bedags het die hitte my verrinneweer en snags die koue, ek kon nie slaap nie. 41Dis nou twintig jaar dat ek in u huis is: veertien jaar het ek vir u gewerk vir u twee dogters en ses vir kleinvee uit u trop, en u het my betaling kort-kort verander. 42As die God van my voorvaders, die God van Abraham, die Beskermer van Isak, nie by my was nie, sou u my met le&#235; hande weggestuur het. Maar God het gesien hoe swaar ek gekry het en hoe hard ek gewerk het en Hy het verlede nag in my guns uitspraak gelewer.&#8221;</div><div class="p"> 43Laban het vir Jakob geantwoord: &#8220;Dit is my dogters en my kinders en my kleinvee: alles wat jy hier sien, is myne. Waarom sou ek vandag my dogters of die kinders wat deur hulle in die w&#234;reld gebring is, iets aandoen? 44Kom ons maak liewer 'n ooreenkoms. Laat daar 'n getuienis wees om ons daaraan te herinner.&#8221;</div><div class="p"> 45Toe vat Jakob 'n klip en sit dit regop neer as herinneringsklip. 46Hy het vir die mense by hom ges&#234;: &#8220;Maak nog klippe bymekaar.&#8221; Hulle het dit gedoen en 'n kliphoop gepak. Toe het hulle daar by die kliphoop ge&#235;et. 47Laban het die kliphoop genoem: Jegar-Sahaduta , en Jakob het dit genoem: Galed .</div><div class="p"> 48Laban het toe ges&#234;: &#8220;Hierdie kliphoop word vandag vir ons 'n getuienis,&#8221; en hy het dit Galed genoem. 49Laban het ook nog ges&#234;: &#8220;Dit is Mispa , want die Here hou 'n oog oor ons wanneer ons mekaar nie meer kan sien nie. 50Dan sal jy nie my dogters mishandel nie en ook nie vir jou nog vrouens vat nie. Wanneer daar niemand anders by ons is nie, sal God getuie wees in die saak tussen ons.&#8221;</div><div class="p"> 51Verder het Laban vir Jakob ges&#234;: &#8220;Kyk na hierdie kliphoop en kyk na die klippilaar wat ek regop gesit het. Dit staan tussen ons. 52Hierdie kliphoop is 'n teken en die klippilaar is 'n teken: ek sal nie hier verbygaan na jou toe om jou aan te val nie, en jy sal nie hier verbykom om my aan te val nie. 53Die God van Abraham, die God van Nahor, die God van hulle twee se vader sal as regter optree.&#8221;</div><div class="p">Toe het Jakob 'n eed afgel&#234; in die Naam van die Beskermer van Isak. 54Jakob het daar op die berg geoffer en toe het hy die mense by hom genooi om te eet. Nadat hulle klaar ge&#235;et het, het hulle daar by die berg oornag. 55Vroeg die volgende m&#244;re het Laban sy kleinseuns en sy dogters met se&#235;nwense gegroet. Hy het toe vertrek, terug huis toe.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch32" data-usfm="GEN.32">
 <div class="label">32</div><div class="s1">Jakob se naam word verander</div><div class="p"> 1Jakob het sy koers gegaan, en engele van God het hom te&#235;gekom. 2Toe Jakob hulle sien, s&#234; hy: &#8220;Dit is 'n le&#235;r van God,&#8221; en Jakob het die plek Maganajim genoem.</div><div class="p"> 3Daarna het Jakob boodskappers vooruitgestuur na sy broer Esau toe, na die Se&#239;rstreek toe, die gebied van Edom.</div><div class="p"> 4Jakob het vir hulle ges&#234;: &#8220;So moet julle vir my geagte broer, vir Esau s&#234;: So s&#234; Jakob wat aan u onderdanig wil wees: Ek het tot nou toe by Laban gebly. 5Ek besit beeste, donkies, kleinvee, slawe en slavinne. Ek laat u dit weet om te verneem of ek by u welkom sal wees.&#8221;</div><div class="p"> 6Die boodskappers het na Jakob toe teruggekom en kom s&#234;: &#8220;Ons het by u broer Esau aangekom, maar toe was hy al op pad na u toe met vier honderd man by hom.&#8221;</div><div class="p"> 7Jakob het baie bang geword, angs het hom oorval. Toe deel hy die mense by hom, en die kleinvee, die beeste en die kamele in twee groepe, 8want hy het gedink: as Esau by die eerste groep kom en dit uitwis, kan die ander groep dalk wegkom.</div><div class="p"> 9Daarna het Jakob gebid: &#8220;Here, God van my voorvader Abraham, God van my vader Isak, U wat vir my ges&#234; het om terug te gaan na my land en my familie toe en U sal goed doen aan my, 10ek is al u gunsbewyse nie werd nie, ook nie die trou waarmee U my versorg het nie. Toe ek destyds deur die Jordaan is, het ek net my kierie gehad, en nou het ek hierdie twee groot groepe. 11Red my tog uit die mag van my broer Esau, ek is bang vir hom. Hy kan dalk kom en my doodmaak, en ook die moeders en kinders. 12U het my tog beloof: Ek sal beslis goed doen aan jou, Ek sal jou nageslag so baie maak soos die sand van die see, wat nie getel kan word nie.&#8221;</div><div class="p"> 13Jakob het daar oornag en die volgende m&#244;re vat hy toe uit sy besitting 'n geskenk vir sy broer Esau: 14twee honderd bokooie en twintig bokramme, twee honderd skaapooie en twintig ramme, 15dertig kameelkoeie met kalwers, veertig koeie en tien bulle, twintig donkiemerries en tien hingste. 16Hy het elke trop aan 'n slaaf gegee en ges&#234;: &#8220;Trek vorentoe, maar hou 'n afstand tussen die troppe.&#8221;</div><div class="p"> 17Hy het die voorste slaaf beveel: &#8220;Wanneer my broer Esau jou kry en jou vra: &#8216;Wie is jy? Waarvandaan kom jy en aan wie behoort al hierdie goed voor jou?&#8217; 18moet jy s&#234;: Dit behoort aan Jakob wat aan u onderdanig wil wees. Dit word as geskenk aan Meneer gestuur, en hy kom self ook agter ons aan.&#8221;</div><div class="p"> 19Jakob het dieselfde opdrag aan die tweede slaaf gegee, en ook aan die derde en aan elkeen wat agter 'n trop was. Jakob het vir hulle ges&#234;: &#8220;Wat ek vir die voorste ges&#234; het, moet julle almal vir Esau s&#234; as julle by hom kom. 20Verder moet julle ook nog s&#234;: Jakob kom agter ons aan. Hy wil aan u onderdanig wees.&#8221;</div><div class="p">Jakob het naamlik gedink: met die geskenk wat voor my uit gaan, sal ek probeer om hom in 'n goeie bui te kry. Dan sal ek na hom toe gaan en miskien ontvang hy my dan vriendelik.</div><div class="p"> 21So is die geskenk voor Jakob uit gestuur, maar hy het die aand in die kamp oorgebly.</div><div class="p"> 22Die nag het hy opgestaan en sy twee vrouens en sy twee persoonlike slavinne en sy elf kinders gevat en deur Jabbokdrif gegaan. 23Nadat hy hulle deur die rivier gevat het, het hy ook alles wat hy besit, laat deurgaan. 24Jakob het alleen daar agtergebly, en 'n man het tot dagbreek met hom gestoei. 25Toe die man agterkom dat hy nie vir Jakob kan wen nie, het die man, terwyl hy met hom stoei, vir Jakob teen die heup geslaan sodat dit uit die potjie gespring het. 26Die man het vir Jakob ges&#234;: &#8220;Los my, want die dag breek.&#8221;</div><div class="p">Jakob het geantwoord: &#8220;Ek sal jou net los as jy my se&#235;n.&#8221;</div><div class="p"> 27Toe vra die man: &#8220;Wat is jou naam?&#8221; en hy antwoord: &#8220;Jakob.&#8221;</div><div class="p"> 28Die man het ges&#234;: &#8220;Jy sal nie meer Jakob genoem word nie, maar Israel , want jy het teen God en teen mense 'n stryd gevoer en jy het dit end-uit volgehou.&#8221;</div><div class="p"> 29Toe s&#234; Jakob: &#8220;S&#234; my tog jou naam,&#8221; en die man vra: &#8220;Waarom vra jy my naam?&#8221;</div><div class="p">Hy het vir Jakob net daar gese&#235;n, 30en Jakob het die plek Pni&#235;l genoem, &#8220;want,&#8221; het hy ges&#234;, &#8220;ek het God van aangesig tot aangesig gesien en tog het ek nie omgekom nie.&#8221;</div><div class="p"> 31Net toe Jakob by Pni&#235;l verbygaan, het die son opgekom. Jakob het mank gebly aan sy heup, 32en daarom eet die Israeliete tot nou toe nie die senuweebondel wat aan die heup vaskom nie, want die man het vir Jakob teen sy heup geslaan, op die heupsenuwee.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch33" data-usfm="GEN.33">
 <div class="label">33</div><div class="s1">Jakob en Esau ontmoet mekaar</div><div class="p"> 1Toe Jakob deur die spruit was, het hy vir Esau in die verte sien aankom met vier honderd man by hom. Jakob het die kinders onder Lea en Ragel en die twee persoonlike slavinne verdeel 2en die slavinne met hulle kinders op die voorpunt gesit. Lea met haar kinders was agter hulle en Ragel en Josef heel agter. 3Hy self het verbygegaan tot heel voor en toe hy nader na sy broer toe kom, het hy sewe keer diep gebuig. 4Esau het hom tegemoet gehardloop en hom omhels. Esau het sy arms om Jakob se nek gesit en hom gesoen, en hulle het gehuil. 5Esau het opgekyk en die vrouens en kinders gesien en toe s&#234; hy: &#8220;Wie is al hierdie mense by jou?&#8221;</div><div class="p">Jakob het geantwoord: &#8220;Dit is die kinders wat God in sy liefde aan my gegee het.&#8221;</div><div class="p"> 6Die persoonlike slavinne het met hulle kinders nader gekom en gebuig 7en toe het ook Lea met haar kinders nader gekom en gebuig. Josef en Ragel was heel agter en ook hulle het nader gekom en gebuig.</div><div class="p"> 8Toe vra Esau: &#8220;En wat is jou bedoeling met al daardie goed wat ek gekry het?&#8221; en Jakob antwoord: &#8220;Dit is om u vriendskap te wen.&#8221;</div><div class="p"> 9Maar Esau s&#234; vir hom: &#8220;Broer, ek besit self baie. Wat joune is, moet joune bly.&#8221;</div><div class="p"> 10Toe s&#234; Jakob: &#8220;Nee, as u my goedgesind is, moet u my geskenk aanvaar. Ek het na u toe gekom om u goedgesindheid te wen net soos wanneer 'n mens in die teenwoordigheid van God verskyn. En u het my vriendelik ontvang. 11Aanvaar tog my geskenk wat vir u gebring is, want God was goed vir my en ek het oorgenoeg.&#8221;</div><div class="p">Jakob het by Esau daarop aangedring, en toe aanvaar hy die geskenk. 12Hy het vir Jakob ges&#234;: &#8220;Breek kamp op dat ons verder kan trek. Ek sal vooruit trek om jou te beskerm.&#8221;</div><div class="p"> 13Maar Jakob het hom geantwoord: &#8220;U sien tog self die ou kindertjies is maar klein en die lammertjies en die kalwers by my is nog swak. As 'n mens hulle net een dag te hard aandryf, is die hele klomp dood. 14Trek u maar vooruit voor my en dan kom ek op my gemak agterna. Ek sal volgens die pas van die vee en van die kinders na u toe kom in Se&#239;r.&#8221;</div><div class="p"> 15Toe s&#234; Esau: &#8220;Dan los ek 'n paar van my manne by jou,&#8221; maar Jakob vra: &#8220;Waarom wil u dit doen? U is my tog goedgesind?&#8221;</div><div class="p"> 16Esau is daardie dag nog terug op sy pad Se&#239;r toe.</div><div class="p"> 17Jakob het gaan tent opslaan by Sukkot en daar het hy vir hom 'n huis gebou. Hy het ook takkrale vir sy vee gemaak, en daarom word die plek Sukkot genoem.</div><div class="s1">Jakob koop grond naby Sigem</div><div class="p"> 18Nadat Jakob uit Paddan-Aram weg is, het hy veilig by Sigem in Kana&#228;n aangekom. Hy het net buite die stad kamp opgeslaan. 19Toe koop hy die stuk grond waar sy tent staan, vir honderd geldstukke by die seuns van Gamor, die pa van Sigem. 20Jakob het daar 'n altaar gebou en dit genoem: Die God van Israel is God.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkGEN">
 <div class="chapter ch34" data-usfm="GEN.34">
 <div class="label">34</div><div class="s1">Dina en die mense van Sigem</div><div class="p"> 1Dina, die dogter wat deur Lea vir Jakob in die w&#234;reld gebring is, het op 'n keer gaan kuier by die dogters van die omgewing. 2Toe Sigem seun van die Hewiet Gamor, 'n volksleier, haar sien, het hy haar gegryp en met haar gemeenskap gehad. Hy het haar verkrag. 3Daarna het hy al hoe meer begin hou van Dina dogter van Jakob. Hy het die meisie lief gekry en haar hart probeer wen. 4Hy het vir sy pa, vir Gamor ges&#234;: &#8220;Kry vir my daardie meisie as vrou.&#8221;</div><div class="p"> 5Jakob het verneem dat sy dogter Dina deur Sigem onteer is, maar omdat Jakob se seuns met die vee in die veld was, het hy niks gedoen voor hulle terug was nie. 6Toe Gamor, Sigem se pa, na Jakob toe gaan om met hom te praat oor Dina, 7kom Jakob se seuns juis van die veld af by die huis aan en toe hulle hoor wat gebeur het, was die manne ontsteld. Hulle was baie kwaad, want Sigem het 'n gruwelike ding aangevang toe hy met die dogter van Jakob, 'n Israelitiese meisie, gemeenskap gehad het. So iets doen 'n mens nie.</div><div class="p"> 8Gamor het vir hulle ges&#234;: &#8220;My seun Sigem hou baie van die dogter uit julle huis. Laat haar tog met hom trou. 9Kom ons word familie van mekaar. Dan kan julle dogters met ons trou en ons dogters met julle. 10Dan bly julle hier by ons. Ons land is tot julle beskikking. Bly net hier of trek rond en kry julle eie grond hier by ons.&#8221;</div><div class="p"> 11Toe s&#234; Sigem vir Dina se pa en haar broers: &#8220;As julle instem, sal ek betaal wat julle ook al van my vra. 12Julle kan maar die vergoeding wat ek moet gee, net so groot maak soos julle wil. Ek sal ook nog enige ander geskenk gee wat julle vra. Gee net asseblief die meisie vir my dat ek met haar kan trou.&#8221;</div><div class="p"> 13Jakob se seuns het egter nie vir Sigem en sy pa Gamor 'n reguit antwoord gegee nie, want die broers se suster Dina was onteer. 14Hulle het toe ges&#234;: &#8220;Ons kan nie ons suster sommer so laat trou met 'n man wat nie besny is nie. Dit is vir ons 'n ongehoorde ding. 15Ons kan net instem as julle soos ons word: besny al julle mans. 16Dan kan ons ons dogters met julle laat trou en kan ons met julle dogters trou. Dan sal ons by julle bly en ons sal een volk word. 17Maar as julle nie na ons luister nie en julle nie laat besny nie, sal ons ons suster vat en wegtrek.&#8221;</div><div class="p"> 18Gamor en sy seun Sigem het hiertoe ingestem. 19Die jongman Sigem wou nie die saak laat sloer nie, want hy was lief vir Jakob se dogter. Omdat Gamor en Sigem die meeste gesag onder hulle mense gehad het, 20het hulle na die stadspoort toe gegaan en daar vir die mans van die stad ges&#234;: 21&#8220;Hierdie vreemde mense het met goeie bedoelings na ons toe gekom. Hulle wil hier kom bly en met hulle kuddes in ons land rond trek: die land is groot en l&#234; oop voor hulle. Dan kan ons met hulle dogters trou en hulle met ons s'n. 22Hierdie mense sal egter net by ons kom bly en saam met ons een volk word as al ons mansmense besny word soos dit by hulle is. 23Hulle kuddes, al hulle vee, hulle besittings, word ons eiendom as ons instem, en dan sal hulle by ons bly.&#8221;</div><div class="p"> 24Al die mans van die stad het na Gamor en sy seun Sigem geluister, en hulle almal is besny. 25Drie dae later toe hulle baie pyn gehad het, het Jakob se twee seuns Simeon en Levi, die broers van Dina, elkeen sy swaard gevat en sonder om agterdog te wek, die stad ingegaan en al die mans doodgemaak, 26ook vir Gamor en sy seun Sigem. Hulle het vir Dina uit Sigem se huis uit weggevat en uit die stad uit gegaan.</div><div class="p"> 27Jakob se seuns het toe op die slagoffers toegesak en die stad geplunder omdat hulle suster daar onteer is: 28kleinvee, beeste, donkies, alles in die stad en alles in die veld het hulle vir hulle gevat. 29Ja, hulle het alles geplunder wat daar in die stad was, hulle het alles wat in die huise was, buitgemaak; ook die kinders en vrouens is as gevangenes saamgevat.</div><div class="p"> 30Toe s&#234; Jakob vir Simeon en Levi: &#8220;Julle het my in die moeilikheid gebring, want julle het my naam sleg gemaak by die mense van hierdie land, die Kana&#228;niete en die Feresiete. Ek het maar 'n klein klompie mans by my. As die mense van die land almal saamstaan teen my, sal hulle my en my mense verslaan en ons om die lewe bring.&#8221;</div><div class="p"> 31Toe antwoord hulle: &#8220;Hy moes nie ons suster soos 'n hoer behandel het nie!&#8221;</div>
 </div>
 </div>
</div>

Every Word, a Reader's 90-Day Guide to the BibleVoorbeeld

Skrif

Aangaande hierdie leesplan

Verwante Leesplanne