Wees DapperVoorbeeld

Lees: 1 Johannes 5:14, Efesiërs 6:18, Matteus 21:22, Lukas 18:1

SOAP: 1 Johannes 5:14

Ons het 'n ouerige huis met 'n interkomstelsel wat geïnstalleer is toe die huis baie jare gelede gebou is toe interkomstelsels nog ‘n nuutjie was. Dit sou regtig gerieflik gewees het om met iemand in die boonste slaapkamer vanuit die kombuis te kon praat, dis net, dis oud en werk nie meer 100% van die tyd nie. Wanneer ek die knoppie druk om te praat, is ek nooit seker of die persoon aan die ander kant my gaan hoor, en of dit net krakerige statiese geluide gaan maak nie.

Gelukkig weet ons dit is nie die geval met God nie. Ons weet uit die Woord dat God ons hoor wanneer ons bid. Die Bybel vertel ons dat ons kan vertrou dat ons gebede deur Hom gehoor word. Trouens, dit sê: "Ons is vol vertroue," en hierdie frase leer ons om te bid met 'n hart wat seker is dat dit gehoor word. Om met vertroue te bid is nie opsioneel nie, dit is geloof. Ons kan dapper wees in gebed, terwyl ons heelhartig glo en vol vertroue weet dat Hy ons hoor.

Here, dankie vir hierdie belofte dat U my hoor wanneer ek iets vra. U is El Shama, die God wat my hoor en ek loof U! Vader, dankie vir die vertroue om dapper in u naam te bid. Amen.