Wees DapperVoorbeeld

Lees: Spreuke 1:7, Spreuke 8:13, Spreuke 29:25

SOAP: Spreuke 29:25

Wanneer ons bang is vir ander mense se afkeuring, wanneer ons bang is dat ons nie voldoen aan iemand se standaarde nie, en wanneer ons bang is om mense in die steek te laat, vrees ons mense. Dit is 'n gevaarlike strik, want deur dit te doen, plaas ons ons vertroue in mense, in plaas van in die Here. Om mense die heeltyd gelukkig te probeer hou, hou ons harte gevange. Maar deur die Here te vrees (ten volle te vertrou), bevry ons. Ons moet kies om dapper te wees om God eerder as die mens te vrees, omdat ons weet dat dié keuse ons sal lei om nie in die gevaarlike strik van vergelyking, ontmoediging en ontevredenheid vasgevang te word nie. Om God te vertrou bring tevredenheid, vertroue, seën, vryheid en veiligheid. Die vrees van die Here lei tot die lewe! Spreuke 31:30 sê, "as sy die Here dien, dán verdien 'n vrou om geprys te word."

Hemelse Vader, dankie dat U my na veiligheid lei wanneer ek U ten volle vertrou. Help my om dapper te wees om God eerder as die mens te vrees en maak my vry van die gevangenis van om mense tevrede te stel. Here, ek bely my misplaasde vrese, en ek kom ten volle na U toe. Versterk my met u Woord. Vervang my vrese met geloof. Amen.