Rick Warren se Daaglikse OordenkingsVoorbeeld

Vra God se hulp om sukses te behaal

Sodra jy jou belofte in die Woord van God gekry het, bid en vra Hom vir sukses, net soos Abraham se slaaf in vandag se vers gedoen het.

Kan 'n mens regtig bid vir sukses? Ja! As jy nie vir sukses bid nie, wat is die alternatief? Gaan jy tot God bid en vra om jou te laat faal?

Abraham se slaaf wys duidelik vir ons dat ons vir God kan vra om 'n doelwit suksesvol te bereik, solank jou motiewe reg is. Wanneer jou sukses mense help en God eer, sal 'n gebed om vir sukses te vra nie 'n selfsugtige daad wees nie.

My vraag aan jou vandag is: Bid jy oor jou doelwitte? Bid jou oor jou toekoms? Bid jy oor jou drome of hou jy hulle net vir jouself?

Jou gebede openbaar 'n paar dinge. Eerstens, openbaar dit hoe ernstig jy oor jou doelwitte is. As jy nie daaroor bid nie, gee jy nie so baie daarvoor om nie. As jy net een keer daaroor bid, is dit nie iets wat jy verlang nie, dan is dit net 'n gier.

Die ander ding wat jou gebede openbaar, is hoe afhanklik jy van God is om jou doelwitte te bereik. As jy nooit oor jou doelwitte, werk, of finansies bid nie, is jy nie op enige van daardie terreine van God afhanklik nie. Hoe meer afhanklik jy van God is, hoe meer sal jy bid.