DIE OPENBARING 2:14
DIE OPENBARING 2:14 Bybel vir almal (ABA)
Maar Ek is kwaad vir jou, want jy doen 'n paar dinge verkeerd. Party van jou mense doen die dinge wat Bileam vir die mense geleer het. Hy het vir Balak gesê hoe hy die Israeliete sonde kan laat doen. Hy het gesê Balak moet vir hulle afgod-offervleis laat eet en hy moet hulle onsedelik laat lewe.
DIE OPENBARING 2:14 Afrikaans 1933/1953 (AFR53)
Maar Ek het enkele dinge teen jou: dat jy daar mense het wat vashou aan die leer van Bíleam wat Balak geleer het om 'n struikelblok voor die kinders van Israel te werp, naamlik om afgodsoffers te eet en te hoereer.
DIE OPENBARING 2:14 Afrikaans 1983 (AFR83)
Maar Ek het 'n paar dinge teen julle. Julle het mense daar wat die leer van Bileam aanhang. Hy het vir Balak geleer om die volk Israel van My afvallig te maak, sodat hulle afgodsoffervleis geëet en onsedelikheid bedrywe het.
DIE OPENBARING 2:14 Die Bybel 2020-vertaling (AFR20)
Maar Ek hou 'n paar dinge teen jou: Jy het mense in jou midde wat die leer van Bileam aanhang. Hy het Balak geleer om 'n strik vir die kinders van Israel te stel, naamlik om van die afgodsoffers te eet, en hulle onsedelik te gedra.
DIE OPENBARING 2:14 Contemporary Afrikaans Bible 2023 (CAB23)
Maar Ek het 'n paar dinge teen jou, want jy het daar die wat die leer van Bíleam vashou, wat Balak geleer het om 'n struikelblok voor die kinders van Israel te gooi, om afgodsoffers te eet en om te hoereer.
DIE OPENBARING 2:14 Die Boodskap (DB)
Maar Ek het nog ’n klomp probleme met julle. Party van julle gemeentelede luister na alles wat Bileam sê. Dit is mos hy wat vir Balak geleer het hoe om die Israeliete om te praat om afgode te begin dien. Die Israeliete het selfs aan die vieslike en onsedelike feeste deelgeneem en lekker aan afgodsvleis gesmul.
DIE OPENBARING 2:14 Nuwe Lewende Vertaling (NLV)
Maar Ek het ’n paar klagtes teen jou: Jy verdra mense in jou midde wat die leer van Bileam aanhang. Dit is hy wat Balak beïnvloed het om ’n struikelblok in die pad van die Israeliete te plaas, naamlik om te eet van die afgodsoffervleis en om seksuele sondes te pleeg.