Psalm Late 64
64
Kidal natu Thungetna
1Ngim nga khi hi,
Pathian awng,
ka thungetna hong ngai ta'n!
Ka ngalte kiita khi hi,
ka nuntakna hong hun ta'n!
2Mihing seksolte le mi ngilo
honte ii
hong thasawmna panin
hong dal ta'n.
3Amate in a leei uh namsau
bangin taat hiam uh a,
tuaciang kamsia pau tu in
thaltang kap tu bangin eal uh hi.
4Amate in zummawk leilot thute
manlang takin kizelsak hi;
amate in mihing phate
lauthauh vai taw sonsia in lalsak uh hi.
5Amate in khat le khat sia
ngual sawmku tu in kihanthawn uh hi;
a thaangsia na mun tu kikum in,
“Kuama in amate mu thei buan te” ci uh hi.
6Amate in a sia tupnate ngeal kholin,
“A cingtaak khialna lian ngeal zo hing” ci uh hi.
Mihingte thinsung le lungsung sia telhak thu hi.
7Ahihang Pathian in a thaltangte taw amate kap a,
thakhat thu in liam uh hi.
8Ama in tua kammalte hu in amate susia tu hi;
amate a mu theampo in a lu pei san tu uh hi.
9Amate theampo lau tu uh hi;
Amate in Pathian sep sa nate ngaisun tu uh a,
tuaciang ama ii sepnate sawson tu uh hi.
10Thutang mihing theampo in
Topa sepnate hangin lungdam tu uh hi.
Amate in ama sungah ngammuang tu uh hi;
mipha theampo in ama pok tu uh hi.
Tans Gekies:
Psalm Late 64: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016