Psalm Late 63
63
Pathian Thangaina
1Pathian awng,
nangma in ka Pathian na hi a,
nangma kong thangai hi.
Ka nuntakna buppi in nang hong dei hi;
tui om ngawl, munko, lei tulsate in
tui a du bangin ka thaa in nang hong du hi.
2Inn thiangtho sungah nang
hong musak ta'n;
nang sia bangza in minthang
a thahat cisia hong musak ta'n.
3Nong itna kip sia nuntakna sangin phazaw hi,
tua ahikom nang kong pok tu hi.
4Ka nuntak lai teng lungdam kong ko tu hi;
ka khutte laamto in thu kong ngen tu hi.
5Ka thaa in kibuailamna an ne in lungkim tu a,
pokna lungdamna late nang kong sak tu hi.
6Lupna tungah ka lup ciangin
nang kong phawk a,
zankhuateakin nang kong ngaisun hi;
7banghang ziam cile nangma in
a tawntungin kei hong hu pa na hi hi.
Na thakhui ii limh nuai ah lungdam in la ka sa hi.
8Nangma kong luai a,
na khut in hong keamcing hi.
9Kei hong thatlum nuamte
mithi khua zuansuk tu uh hi.
10Ngal kisimna sungah amate kithatlum tu a,
ngiapuite in a luangte ne tu uh hi.
11Pathian in ama zawna pia ahikom, kumpipa a lungdam tu hi.
Pathian min taw kamciam a piate in ama pok tu a,
ahihang leilot theite kam kihuksak tu hi. #1 Sa 23:14
Tans Gekies:
Psalm Late 63: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016