Psalm Late 65
65
Pokna le Lungdamkona
1Pathian awng,
Zion khua sungah nang kong pok tu uh le
nang tungah ka kamciamna uh
ka kholet tu uh sia a maan ahi hi,
2banghang ziam cile nangma in thungetnate na zo hi.
Mun theampo panin mihingte in
3amate mawnate hangin nang hong zuan tu uh hi.
Koma khialnate in hong zo hi,
ahihang nangma in tuate na maisak hi.
4Na inn thiangtho sungah teang tu in
na paipui, na teal sate mi nuamsate ahi uh hi.
Na inn sungah na phate,
na Biakinnpi thiangtho ii thuphate hangin ka lung uh kim tu hi.
5Zawna nong piakna taw kote ngetna nong zo a,
ko nong ngup natu in nalamdangte na vawt hi.
Leitung bup mihingte le
a khuala tuipi ngal khat ah
a omte in nang hong muang hi.
6Na vaangletna lian lakin,
nangma in mualte na thahatna taw a om natu munah na koi hi.
7Nangma in tuipite hawkna le
tui kihual ngingte na thimsak hi;
nangma in mihingte ii
ngamlumna na thimsak hi.
8Leitung bup in na sepsa na liante lamdang sa in om uh hi.
Na nasepnate in lungdam aunate
leimong khat pan leimong khat dong thengsak hi.
9Leitang na thinbotna na lakna in nguatui na puak a;
leipha leihoi in na vawt hi.
Luamte tui taw na dimsak hi; leitung ah an na piangsak hi.
Na sepzia in hi bang ahi hi:
10a kitho sa lote tungah
nguatui a kicing piikpeak in na zusak a,
lei na zenhsak hi;
nangma in leitangte sia
nguatui taw na nipsak a, thingno ankungte na khangsak hi.
11Na phatna in bangza in an hauna piangsak ziam!
Na paina theampo ah na a kicing takin om hi.
12Nganthana munte sia nganhon taw kidim hi;
muallimveite sia lungdamna taw kidim hi;
13Lote sia tuu taw kidim a;
ngamkuamte sia zungtaang taw kidim hi.
Na theampo lungdamna taw au in lasa uh hi.
Tans Gekies:
Psalm Late 65: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016
